Yibbaatoo 7:24 - Kafa Linguistics Project

²⁴ Boonoshi taateenaꞌonoo ne kishooch beshii immemmone. Boonoshi shigo showee toommoochee bi aallemmoyich tuniyemmo neene. Ne aafooch kuppheree neexemmo koniyoona aalloone. Bullinolla hidi aalliyemmo neene.

Yibbaatoo 7:24 ပူးပေါင်းရင်းမြစ်များ

Shoddo 9:5

Aageteenaꞌon kaarehine; gondeenaꞌon aalliihine; boonoshi shigo bulli yemeenoon batteyemmoyich tuniihine.

Keyo 17:14

Ebiyee gubb, Doono Yeeri Muusin “Ebi mooyo bulli aaboon shalligee bi beeyemmoyich, macaafooch kooribe. Showee toommooch beeti asho koniyoona Amaleeqeenaꞌochi shigoon bi shalligaachemmoyich, boonoshin ciroona hidi aalliyemmo ta tunoon Yaasich waayiiree shemmebe” iye.

Shaahiyoo 10:7

Cadiqeenaꞌochi shalligichoo diiroyich tunemmone; tunebaani gondeenaꞌochi shigo aalle batteyemmone.

Isiyaasi 54:17

Neen koyoyich shuuneeti ginee qiico shuuneyaachemmone; neen taggeꞌi ne toommooch tiyimmo bullin nallee xaaꞌoochaa xoobiyemmi neene. Doono Yeerichi maddechinaꞌo iristo ebine; ta waanee boonoshi danemmi cadiqoo ebine” iye Doono Yeeri.

Erimiyaasi 10:11

Ittoshiyoo boonoshich: “Shimaayoonaa showoonon hallaani ebi nuggisheenaꞌo showoonaa shimaayoyee deshinoochee aallemminaꞌone” gettemmo ittoshine.

Sofoniyaasi 1:4

“Yerusaalemi asheenaꞌonaa Yihudee asheenaꞌo bullinoyich ta mochoon bekkiyemmo taane. Baꞌaaloyich goyinneebeeti asheenaꞌon curooch beddaahaa aalliyemmo taane; ebi nuggishoyich maddeebeeti qeesheenaꞌon ta aalliitaa boonoshi shigo batteyemmone.

Roomi 8:37

Illa noon shunniti Kiristoosina ebi mooyinaꞌo bulli toommooch wudoon danoona, kochii wochii beetinaꞌoyee beshoo noone.

1 Qorontoosi 15:57

Tunebaani no Doono Yesuus Kiristoosina wudoon danee giidoon nooch immiibeeti Yeerich galleto bede.

Yibbaatoo 11:25

Ittoshi aafooch kuppheree neexemmo koniyoona aalloone. Ittoshi Nuggishoo Doono Yeeri ittoshich bi gibenikkitoommon, ittoshi shaggimmi showoo bulliich beeti asheenaꞌo ittoshin shatiree boonoshi qewemmoyich tuniyemmone.

Yibbaatoo 25:19

Ebich ne Nuggishoo Doono Yeeri giyi ne woraashemmoyich neech bi immiibeeti showee guudoona beeti ne etteenaꞌo waanee neen bi kashiihooba, shimaayoyee desh beeti, Amaleeqeenaꞌo shalligeyemmi mooyo bullin hidi aalliibe. Ebin ciroona batteyaahine” iye.

Yibbaatoo 29:20

Ebiyoommi ashoon Doono Yeeri maaraachemmone; bi kaaree shiixxoonaa qanaatoonon bi toommooch kindiyemmone; hini macaafooch kooreeti ufo bulli bi toommooch kindemmone. Doono Yeeri bi shigoon hini showee toommoochee aalliyemmone.

Yibbaatoo 9:14

Ne qayaa boonoshin hidi aalliibona; boonoshi shigoonoo showee toommoochee aalliibona. Neennaa ne shiijjeroonon boonoshiyee beshe meetonaa giidechona tuneti aagetoon tuniyemmo taane’ iye.

Yibbaatoo 9:3

Michii aalliibeeti qaaqqoochoommon ne aafooch shiichiꞌi hammiibeeto ne Nuggishoo Doono Yeeri bi tunoon hanaach ariibe. Biyoo boonoshin ne aafoochee koyi wochiree aalliyemmone. Doono Yeeri neech bi gibenikkitoommon, boonoshin yoohi kichemmo neene; kaateree boonoshi aallemmoyichoo tuniyemmo neene.

Yaasi 1:5

Kashoona ne beemmi yemeeno bullin koniyoona neen koyi wochemmo aalloone. Muusina tookkii ta tunetoommon, neenna tookki tunemmo taane. Neen dufaachemmo taane; neen qayaachemmo taane.

Yaasi 10:23

Ebi uuche taateenaꞌon, eboshiyoo Yerusaalemi taatoon, Kebirooni taatoon, Yarimuuti taatoon, Lakishi taatoonaa Egilooni taatoonon kichii deebiyeete.

Yaasi 10:40

Ebiyoommi gommona Yaasi showoo bullin kochiꞌi yechiye; geppe showooch, Negeebi barahooch, worebe showoonaa geppee gaadoonooch beeti taateenaꞌo bullin kochiꞌi, Israꞌeelee Nuggishoo Doono Yeeri gettitoommon, bullin ciroona hidii wuxii aalliihe; ikke ashoonolla echiyaanoone.

Yaasi 10:42

Israꞌeeleenaꞌo Nuggishoo Doono Yeeri Israꞌeeleenaꞌo qoodoon koyeto bi tunetoyich, Yaasi ebi taateenaꞌo bullinaa boonoshi hajjiibeeti showoonon ikkinnee hamona kochii yechiye.

Yaasi 10:8

Arooba Doono Yeeri Yaasich “Boonoshin shattaahine; boonoshi bullin ne kishooch beshii immeto taane; boonoshi daggoochee neenna koyeree neen wochemmo ikkolla aalloone” iye.

Yaasi 11:17

Ebiyoommon Seyiree showee gaꞌooch beeti Halaaqi guudoochee tiijjiꞌi, Hermooni guudi baatooch beeti Libanoosi bambooch beeti Baꞌaal Gaad beddaahaa beeti showoo bullin kochii yechiye. Boonoshi taateenaꞌo bullin yechiye; eboshinoo qeccee wuxiye.

Yaasi 12:24

Tiritsi taatoonane. Eboshi bulli shaashaa ikke taateenaꞌone.

Yaasi 21:44

Doono Yeeri qaabbechi boonoshi niheenaꞌoyich bi wogetoommon, boonoshi guudoona beeti asheenaꞌo kishoochee boonoshin kashiihe. Doono Yeeri boonoshi etteenaꞌon boonoshi kishooch beshiiꞌi bi immitoyich, boonoshi etteenaꞌo daggoochee ikkolla boonoshin kochii wochoon hakkaanoone.

Yaasi 23:3

Ittoshi Nuggishoo Doono Yeeri ittoshicha iꞌi ebi aageteenaꞌo bulli toommooch bi tuniito bullin beeggito ittoshine; ittoshi qoodoon koyeto, ittoshi Nuggishoo Doono Yeerine.

Yaasi 23:9

“Doono Yeeri arichetinaꞌonaa giidechinaꞌona tuneti aageteenaꞌon ittoshi aafoochee yookkii kichitone; hanaach beddaahaa koniyoona ittoshin kochii wochoon hakkaanoone.

Yaasi 6:2

Doono Yeeri Yaasich ishichiye: “Ebeege, Yaarikin bi taatoonaa bi ginee anaaminaꞌona tookkii ne kishooch beshiyaꞌa immeto taane.