Yibbaatoo 7:2 - Kafa Linguistics Project

² Ne Nuggishoo Doono Yeeri boonoshin ne kishooch beshii bi imaa, koyi wochemmo neene. Ebiyooba boonoshin ciroona hidi aalliibe. Boonoshina tookki ikkotteya wogoon giyaahine. Boonoshichoo ariqqeyaahine.

Yibbaatoo 7:2 ပူးပေါင်းရင်းမြစ်များ

Halloo 14:20

Ne etteenaꞌon ne kishooch beshii immiti, Beshe Nuggishoo Yeeri diireebe” iye. Abraamiyoo kecoochee bi daneto bulliichee aashiroochee ikke beeroon biich immiye.

2 Saameeli 21:2

Gibeꞌoonee asheenaꞌo Amooree yaroochee echeti asheenaꞌoani, Israꞌeeleenaꞌo tooneenaꞌone. Israꞌeeleenaꞌo boonoshin wuxaanoon echiyoyich wogetinaꞌone. Tunebaani Saaꞌooli Israꞌeeleenaꞌonaa Yihudee asheenaꞌonoyich qanaatoochee tiyitona, aroyee aaf boonoshin aalliiya qaawitone. Taatoo Daawiti Gibeꞌooneenaꞌon ceeggiꞌi,

1 Taateenaꞌo 20:34

Been Hadaadiyoo taatoyich, “Ne nihoo waanee ta nihoo deqqiti katemeenaꞌon neech wochemmo taane. Shamaara ta nihoo tuniitoommon, newoo Damaasiqa neech meeti gabiyoon neechoon hakkihine” iye. Akaabiyoo, “Ebi wogoona neen gawukkemmo taane” iye. Ebina biinna tookkii wogo giyiꞌi biin gawukkiye.

Iziri 10:3

Ebich no Nuggishoochi getoon shattiibeeti asheenaꞌonaa ta doono neennochi ciicoommon, ebi maacheenaꞌo bullinaa boonoshi bushiishoonon daachiyoyich, no Nuggishoo aafooch wogoon gibone; ebiyoo sheeroo gettii beetoommon tunebe.

Shoddo 106:34

Doono Yeeri boonoshich gettitoommon, aageteenaꞌon aalliyaaneenaꞌone.

Keyo 22:20

“Doono Yeeri tayee bare nuggishoyich deejjoon deejjiibeeto koniyoona wuxaa aallebe.

Haddoo 21:2

Israꞌeeleenaꞌoo Doono Yeer waan ishichiꞌi mookkeheete: “Ebi asheenaꞌon no kishooch beshii ne imigaata, boonoshi katemoon timoo tuniiree ciroona aalliyemmo noone” iyeete.

Haddoo 31:17

Andoo boonoshi anaami bushiishoonaa anaamona tookkii daneti maacheenaꞌo bullinon wuxibote.

Haddoo 33:52

arooba are showeexi asheenaꞌon ittoshi aafoochee yoohi kichemmo ittoshine; xogeeti boonoshi xaqqee giimboo bullin waaxi aalliyemmo ittoshine. Boonoshi shahalloon aalliyemmo ittoshine; guudi toommeexi boonoshi goyinnee xaaꞌoon happemmo ittoshine.

Yibbaatoo 13:8

Tunebaani biich deꞌa gettaahine. Bi getoonoo elle waayeyaahine. Biichoo ayiniree ariqqeyaahine. Bi gonde mooyonoo qeriyaahine.

Yibbaatoo 13:9

Biin wuxibe. Ne biin shiichi xaqqoona yexe. Aroyee gubb asheenaꞌo bulli xaqqoona yexeete.

Yibbaatoo 19:13

Biich ariqqeyaahine. Mooyo neech bi mashaamemmoyich, xalle ashi damoon ukkoona tuneti gonde mooyon Israꞌeelee showoochee wokkiibe.

Yibbaatoo 2:33

Tunebaani no Nuggishoo Doono Yeeri biin no kishooch beshiiꞌi immiye. Nowoo biin, bi anaami bushiishoonaa bi ginee naayinaꞌo bullinon wuxiyon.

Yibbaatoo 2:34

Ebi arooba katemoo bullin yechaꞌa happaa aalliihon; arooch beeti asheenaꞌon, anaamon, maacheenaa bushiishoonon wuxaa aalliihon; ikkoonolla kashoona echiyaano noone.

Yibbaatoo 23:14

Ne Nuggishoo Doono Yeeri neen wodiiya, ne etteenaꞌonoo ne kishooch beshii imma, ne kaambee daggoona shaꞌeebeeto bi tunetoyich, gonde mooyon beegiree, neen qayi wotte bi hamaachemmoyich, ne kaambo xalloo tunebe” iye.

Yibbaatoo 25:12

ure kishoon kuxe. Biich ariqqeyaahine.

Yibbaatoo 3:3

“Ebina no Nuggishoo Doono Yeeri Bashaanee taatoo Ooginaa bi ginee naayinaꞌo bullinon no kishooch beshiiꞌi immiye. Nowoo, ikkoonolla kashoona echiyaanoon boonoshi bullin wuxaa aalliihon.

Yibbaatoo 31:5

Doono Yeeri boonoshin neech beshii immemmone. Ittoshiyoo ta getteti getoommon, boonoshi toommooch tuniibote.

Yibbaatoo 33:27

Bulli yemeenoon beeyechi Yeeri ittoshi beeyi xaaꞌoone; bulli yemeenoon beeyechi bi mocheenaꞌo ittoshi qoyeenaꞌone. Ittoshi etteenaꞌon ittoshi aafoochee yookkii kichiꞌi, ‘Koyi aalliibote’ iye.

Yibbaatoo 7:16

Ne Nuggishoo Doono Yeeri ne kishooch beshii immimmi asheenaꞌon wuxi aalliibe. Boonoshich ariqqeyaahine. Boonoshi nuggisheenaꞌoyich goyinneyaahine. Ebi neech olloon tunemmone.

Yibbaatoo 9:3

Michii aalliibeeti qaaqqoochoommon ne aafooch shiichiꞌi hammiibeeto ne Nuggishoo Doono Yeeri bi tunoon hanaach ariibe. Biyoo boonoshin ne aafoochee koyi wochiree aalliyemmone. Doono Yeeri neech bi gibenikkitoommon, boonoshin yoohi kichemmo neene; kaateree boonoshi aallemmoyichoo tuniyemmo neene.

Yaasi 10:28

Ebi arooba Yaasi Maqidin yechiye. Are katemeexi asheenaꞌonaa bi taatoonon goraadoona wuxiye. Ikke ashoonolla echiyaanoon katemee daggooch beeto bullin hidii aalliihe. Yaariki taatoo toommooch bi tuniitoommon, ebiyoommon hini are Maqidi taatoo toommooch tuniihe.

Yaasi 10:30

Doono Yeeri ebi katemoonaa bi taatoonon wotta Israꞌeeleenaꞌo kishooch beshiiꞌi immiye. Yaasi are katemee daggooch beeti asheenaꞌo bullin goraadoona wuxii aalliihe. Ikke ashoonolla echiyaanoone. Yaariki taatoo toommooch bi tuniitoommon, ebiyoommon hini are Libini taatoo toommooch tuniihe.

Yaasi 10:32

Doono Yeeriyoo Lakishin Israꞌeeleenaꞌo kishooch beshiiꞌi immiye. Yaasi guttinnee qemooba ebi katemoon yechiye. Libini toommooch bi tuniitoommon, ebiyoommon hini are Lakish beeto bullin goraadoona wuxii aalliihe.

Yaasi 10:40

Ebiyoommi gommona Yaasi showoo bullin kochiꞌi yechiye; geppe showooch, Negeebi barahooch, worebe showoonaa geppee gaadoonooch beeti taateenaꞌo bullin kochiꞌi, Israꞌeelee Nuggishoo Doono Yeeri gettitoommon, bullin ciroona hidii wuxii aalliihe; ikke ashoonolla echiyaanoone.

Yaasi 10:42

Israꞌeeleenaꞌo Nuggishoo Doono Yeeri Israꞌeeleenaꞌo qoodoon koyeto bi tunetoyich, Yaasi ebi taateenaꞌo bullinaa boonoshi hajjiibeeti showoonon ikkinnee hamona kochii yechiye.

Yaasi 11:8

Doono Yeeriyoo boonoshin Israꞌeeleenaꞌo kishooch beshiiꞌi immiye. Boonoshiyoo ooge katemoo Sidooninaa Misrefoot Mayimi katemoonooch beddaahaa, wotta aabi-keyo waan beeti Mitsiphi bambooch beddaahaa wuxiibee yookkiyeete. Boonoshi daggoochee kashoona echeto ikkolla aalloone.

Yaasi 2:14

Asheenaꞌo ishichiyeete: “No giyeti wogoommon no ceechoo qayigaata, Yeeri noon aalliibe. No tuniyaabeeti mooyon konichona geto ne qayigaata, Doono Yeeri hini showoon nooch bi imiyooba, gaawe mooyon neech tuniyemmo noone” iyeete.

Yaasi 21:44

Doono Yeeri qaabbechi boonoshi niheenaꞌoyich bi wogetoommon, boonoshi guudoona beeti asheenaꞌo kishoochee boonoshin kashiihe. Doono Yeeri boonoshi etteenaꞌon boonoshi kishooch beshiiꞌi bi immitoyich, boonoshi etteenaꞌo daggoochee ikkolla boonoshin kochii wochoon hakkaanoone.

Yaasi 8:24

Israꞌeeleenaꞌo barahooch boonoshin yookkii dabbiti, Aayi asheenaꞌo bullin goraadoona boonoshi wuxitoyee gubb, boonoshi bulli Aayi wottee giyiyeete. Aroochee boonoshi danetinaꞌo bullin goraadoona wuxiyeete.

Yaasi 9:24

Boonoshiyoo Yaasich ishichiꞌi wochiyeete: “Ne Nuggishoo Doono Yeeri, bi guuno Muusi hini showoo bullin ittoshich bi immemmonaa arooch beeti asheenaꞌon ittoshi aafoochee wuxi bi aalliyemmonoyich, bi geto xiishaa ne guuno nooch getteetone. Ebich ittoshiichee tiyitona no kashoyich oogichaa shattaꞌa, ebin tuniito noone.

Yaasi 9:7

Tunebaani Israꞌeeleenaꞌo hini Hiweenaꞌoyich, “Diqqich hini katinooch beeti asho tunemmo ittoshine. Ishigaata, ittoshina tookki wogoon no giyemmo, aabichireeshiye?” iyeete.

Woraaferasheenaꞌo 1:24

Are qiiddechinaꞌo katemoochee maach kechiibeeti ikke uroona daneꞌi, “Katemooch giyeebeeti kelloon nooch bekkiibe; nowoo neech deeyemmo noone” iyeete.

Woraaferasheenaꞌo 1:4

Yihudi yoodoona koyooch tookkii hammiyeete. Doono Yeeriyoo Kanaaneenaꞌonaa Ferizeenaꞌonon boonoshi kishooch beshiiꞌi immiye. Boonoshiyoo aashire hume asheenaꞌon Bezeeqaa wuxiyeete.

Woraaferasheenaꞌo 2:2

Ittoshiyoo hini showooch beeti asheenaꞌona tookki wogoon giyaahote; boonoshi deejjee gudoonoo happibote’ iyoye. Tunebaani ittoshi, ta getoon waayeyaano ittoshine. Ebin ittoshi tuniito amoyichiye?