Yibbaatoo 7:1 - Kafa Linguistics Project

¹ Muusiyoo Israꞌeeleenaꞌoyich ishichiye: “Ne Nuggishoo Doono Yeeri ne woraashemmi showooch neen giijjemmone. Ebi are showooch neyee beshe giidechinaꞌonaa meetinaꞌona tuneti shabaatte aageteenaꞌo beetinaꞌone. Eboshiyoo: Hiteenaꞌo, Girigaasheenaꞌo, Amooreenaꞌo, Kanaaneenaꞌo, Ferizeenaꞌo, Hiweenaꞌonaa Yebuseenaꞌonane. Biyoo boonoshi bullin ne aafoochee yoohi kichemmone.

Yibbaatoo 7:1 ပူးပေါင်းရင်းမြစ်များ

1 Taateenaꞌo 16:31

Nebaaxi bushoo Yeroboꞌamichi axaaxoon dabboo kette mooyo shaahiꞌi biich bekkehe. Biyoo Sidoonee taatoo Etibaꞌaali bushee Elizabeelin shaaggiye; Baꞌaaloyich maddehe; goyinneenoo iye.

1 Kiinoo 1:14

Wotta Kanaanichi bare shiijjereenaꞌo: Yebuseenaꞌo, Amooreenaꞌo, Girigaasheenaꞌo,

2 Kiinoo 8:7

Israꞌeeleenaꞌo boonoshin wuxii aalliyaanoon qayaa are showooch echeti, Israꞌeeleenaꞌo tuneyaani asheenaꞌochi shiijjereenaꞌon, eboshiyoo Hiteenaꞌon, Amooreenaꞌon, Ferizeenaꞌon, Hiweenaꞌonaa Yebuseenaꞌonon Solomooni guuno tuniiꞌi maddiihe; hanaach beddaahaa guuninaꞌone.

Iziri 9:1

Ebi mooyo tunetoyee gubb, ukkireenaꞌo ta waan waaꞌi, “Israꞌeeleenaꞌo, qeesheenaꞌo, Leweenaꞌonooch beddaahaa, Kanaaneenaꞌo, Hiteenaꞌo, Ferizeenaꞌo, Yebuseenaꞌo, Amooneenaꞌo, Moꞌabeenaꞌo, Gibitseenaꞌonaa Amooreenaꞌona tunii beetoommi eeꞌe mooyon tuniiheetani, showee toommeexi aageteenaꞌoyee baraaneenaꞌone.

Nehimi 13:23

Wotta aroobee aabooch Ashidoodee showoochee, Amoonee showoonaa Moꞌabee showoonoochee mecheen shaaggiti Ayihudeenaꞌon beeggeho.

Shoddo 78:55

Boonoshi aafoochee aageteenaꞌon yookkiye; boonoshi showoonoo iristo tuniiꞌi qoodiye; boonoshi kexonoo Israꞌeeleenaꞌoyich immiye.

Keyo 15:7

Oogeti ne oogee yiiroona ne toommooch tiyitinaꞌon duppaabeeto neene. Ne kaaree shiixxoonoo kindiibeeto neene; galloon michoommon boonoshin michaa beetone.

Keyo 23:28

Hiweenaꞌon, Kanaaneenaꞌonaa Hiteenaꞌonon betiyemmo taane; ne aafoochee boonoshin yoohi kichemmo taane.

Keyo 23:32

Boonoshina tookki tuneba boonoshi goyinneebeeti nuggisheenaꞌona tookki wogoon giyaahine.

Keyo 23:33

Ne showooch boonoshi beeyemmoyich daaggiyaahine. Ebin ne tuniigaata, taan ne xuqqemmoyich tuniyemminaꞌone; boonoshi goyinneebeeti nuggisheenaꞌoyich ne goyinnaa maddigaata, neech olloon tunemminaꞌone” iye.

Keyo 33:2

Maraakoon ne aaf shiichiiree, Kanaaneenaꞌon, Amooreenaꞌon, Hiteenaꞌon, Ferizeenaꞌon, Hiweenaꞌonaa Yebuseenaꞌonon yoohi kichemmo taane.

Keyo 6:8

Abrahamich, Yisaaqinaa Yaaqobinoyich imma ta wogeti showooch ittoshin giijjemmo taane; ittoshi hajjoon tuniiree ittoshich immemmo taane. Ta, Doono Yeeri taane’ itone gete” iye.

Leweenaꞌo 14:34

“Ittoshi hajjoo bi tunemmoyich, ittoshich ta immaabeeti Kanaanee showooch ittoshi giyiyooba, are showoochee ikke kexon bukkoo yexxemmoyich ta tuniigaata,

Haddoo 13:29

Amaleeqeenaꞌo Negeebi kotetinaꞌone; Hiteenaꞌo, Yebuseenaꞌonaa Amooreenaꞌona geppe showooch kotetinaꞌone; Kanaaneenaꞌoo baharee gashoonaa Yoordaanoosi aachi gashoonooch kotetinaꞌone” iyeete.

Haddoo 14:31

Tunebaani kecceyemminaꞌone ittoshi iti ittoshi bushiisheenaꞌon giijjemmo taane; ittoshi hoxeti showoon boonoshi woraashemminaꞌone.

Mishiraachechinaꞌo 13:19

Kanaanee showooch beeti shabaatte aagetee asheenaꞌon aalliichii, boonoshi showoon iristo tuniiꞌi bi asheenaꞌoyich immiye.

Yibbaatoo 11:29

Giyi woraashiya ne hammaabeeti showooch ne Nuggishoo Doono Yeeri neen bi giijjiyooba, Gerizimi guudi toommoochaa diiroon, wotta Ebaali guudi toommoochaa ufon awaajjemmo neene.

Yibbaatoo 20:1

Muusi Israꞌeeleenaꞌoyich ishichiye: “Gibitsee neen kichii deebiti ne Nuggishoo Doono Yeeri neenna tookkii bi tunetoyich, ne ettoona koyeya koyooch hammaꞌa, neechoyee beshiti gaarin, hareshoonaa ginee naayinaꞌonon ne beegigaata, shattaahine.

Yibbaatoo 20:16

“Tunebaani ne woraashemmoyich ne Nuggishoo Doono Yeeri neech immiibeeti, hini aageteenaꞌo katemeenaꞌooch beeti kashechi mooyo bullin wuxi aalliibe.

Yibbaatoo 31:20

Boonoshi qaabbechinaꞌoyich imma ta wogeti, ejjoonaa eeyona xuupphiibeeti showooch boonoshin ta deebetoyee gubb, maa michiꞌi boonoshi aangitoyee gubb, taan qayi, taanna tookkii boonoshi giyiti wogoon biishiree, bare nuggisheenaꞌo waan wottemminaꞌone.

Yibbaatoo 31:3

Ne Nuggishoo Doono Yeeri bi qelloona neyee aaf tuneree Yoordaanoosin kimmemmone; ebi aageteenaꞌon ne aafoochee yoohi aalliyemmone. Newoo boonoshi showoon yechemmo neene. Doono Yeeri gettitoommon, Yaasi ittoshiyee aaf shiichiree kimmemmone.

Yibbaatoo 4:38

Ittoshin arooch giijjiree, and ebi ittoshi woraashiti boonoshi showoon ittoshich imoyich, ittoshiyee beshe meetinaꞌonaa giidechinaꞌona tuneti aageteenaꞌon ittoshi aafoochee yookkii kichiye.

Yibbaatoo 6:1

“Ittoshich ta dojjemmoyich ittoshi Nuggishoo Doono Yeeri taach immiti geto, qociyoonaa doyoona ebine. Arooch giyi ittoshi hajjemmi showoochaa eboshin quyebote.

Yibbaatoo 6:10

“Ne Nuggishoo Doono Yeeri ebi showoon neech imoyich, ne qaabbechi Abrahamich, Yisaaqinaa Yaaqobinoyich wogetone. Ebi showooch ne hagaani, ogoogeenaꞌonaa gaawetinaꞌona tuneti katemeenaꞌo beetinaꞌone.

Yibbaatoo 6:19

Ebin ne tuniigaata, Doono Yeeri bi gibenikkitoommon, ne etteenaꞌon ne aafoochee yoohi kichemmone.

Yibbaatoo 6:23

Doono Yeeri, no qaabbechinaꞌoyich bi wogetoommon, Gibitsee noon bi kichito, hini showooch noon giijji showoon nooch immane.

Yibbaatoo 9:1

“Israꞌeeleenaꞌote, elle waayebote. Hanaach ittoshiyee beshe giidechinaꞌonaa meetinaꞌona tuneti aageteenaꞌon yoohiichi, boonoshi showoon hajjiya Yoordaanoosi aacon kimma ii beeto ittoshine. Boonoshi katemeenaꞌo ogoogeenaꞌonaa shimaayooch shage xaqqee uxerechinaꞌonane.

Yibbaatoo 9:3

Michii aalliibeeti qaaqqoochoommon ne aafooch shiichiꞌi hammiibeeto ne Nuggishoo Doono Yeeri bi tunoon hanaach ariibe. Biyoo boonoshin ne aafoochee koyi wochiree aalliyemmone. Doono Yeeri neech bi gibenikkitoommon, boonoshin yoohi kichemmo neene; kaateree boonoshi aallemmoyichoo tuniyemmo neene.

Yibbaatoo 9:4

“Ne Nuggishoo Doono Yeeri boonoshin ne aafoochee yookkii bi kichitoyee gubb, ‘Doono Yeeri hini showoon ta hajjemmoyich hiniich taan bi deebito, ta cadiqittinoochee tiyitonane’ getiree ne mulloona gabiyaahine. Doono Yeeri ne aafoochee ebi aageteenaꞌon yookkii bi kichiibeeto gonde asheenaꞌo boonoshi tunetoyichani, ne cadiqittinoochee tiyitona toonoone.

Yaasi 11:3

Wotta aabi-keyo waaninaa aabi-gimo waanina beeti Kanaaneenaꞌo waan, Amooreenaꞌo waan, Hiteenaꞌo waan, Ferizeenaꞌo waan, geppe showooch beeti Yebuseenaꞌo waan, ebiyoommon wotta Hermooni guudi baatooch, Mitsiphee showooch beeti Hiweenaꞌo waan wochoon daachiihe.

Yaasi 24:11

“ ‘Aroochee Yoordaanoosin kimmiꞌi, Yaarika waahote. Yaariki asheenaꞌo ittoshina koyeheete. Aree hillooch Amooreenaꞌo, Ferizeenaꞌo, Kanaaneenaꞌo, Hiteenaꞌo, Girigaasheenaꞌo, Hiweenaꞌonaa Yebuseenaꞌona ittoshina koyeheete; tunebaani boonoshin ittoshi kishooch immehoye.

Yaasi 3:10

boonoshich ishichiye: “Beeyechi Nuggishoo Yeeri ittoshi daggooch bi beemonaa aroo iberoon Kanaaneenaꞌon, Hiteenaꞌon, Hiweenaꞌon, Ferizeenaꞌon, Girigaasheenaꞌon, Amooreenaꞌonaa Yebuseenaꞌonon ittoshi aafoochee yookkemmo bi tunoonon ittoshi ariyemmo, ebinane.