Yibbaatoo 6:2 - Kafa Linguistics Project

² Kashoona ittoshi beemmi yemeeno bullin ittoshi, ittoshi bushiisheenaꞌonaa bushaa bushiisheenaꞌona ittoshi Nuggishoo Doono Yeerin shatote. Ittoshich ta immaabeeti qociyoo bullinaa geto bullinon quyebote. Ebin ittoshi tuniigaata, are showooch koteree yagemmo ittoshine.

Yibbaatoo 6:2 ပူးပေါင်းရင်းမြစ်များ

Halloo 18:19

Kaamoonaa tate mooyonon tuniyoona ta gommon boonoshi quyemmoyich, bi bushiisheenaꞌonaa biyee gubbi shiijjereenaꞌona taach deꞌa ii beetinaꞌon bi tuniyemmoyich, biin kaacceto taane; bi bushiisheenaꞌo ebin boonoshi tuniigaata, biich ta getteti mooyo bullin tuniyemmo taane” iye.

Halloo 22:12

Maraakoo “Bushoochi achooch shaggaahine. Bi toommooch amoonolla halliyaahine. Ne bushoon, ikke mixxe ne bushoon, taach woonaano ne tunetoyich, Yeerin shattaabeeto ne tunoon and ariito taane” iye.

1 Taateenaꞌo 8:40

Ebiyoo no qaabbechinaꞌoyich ne immeti showooch kashoona boonoshi beemmi aabo bulliich, neen boonoshi shattemmoyichiye.

Iyoobi 28:28

Biyoo ashich, ‘Illa ebiyoche, shalligoo geto, Doono Yeerin shatone; gonde mooyoochee wohoo, ariyoone’ itone” iye.

Shoddo 111:10

Ariyoo bulliyee shiichoo Doono Yeerin shatone; biin shattii beetinaꞌo gaawe shalligechinaꞌone; biyoo bulli yemeenoon galletee beeyemmone.

Shoddo 128:1

Doono Yeerin shattii beetinaꞌo, bi gommonoo hammii beetinaꞌo diireetinaꞌone.

Shoddo 91:16

Eeni genjoona biin michiyemmo taane; ta wodiyoonoo biich bekkiyemmo taane” iye.

Keyo 20:12

“Ne Nuggishoo Doono Yeeri ta, neech ta immemmi showooch koteree ne yagemmoyich, ne nihoonaa ne indeenon oogiibe.

Keyo 20:20

Muusiyoo “Shattaahote; Yeeri ebiyoommi gommona ittoshi waan bi waato, ittoshi mooyon beegoyichiye; biichoo shatiree, axaaxoon shuunoochee wohiree ittoshi beeyemmoyichiye” iye.

Shaahiyoo 16:6

Shunoonaa gibenoona axaaxoo qereehe; Doono Yeerin shatona asho axaaxoochee wokkiye.

Shaahiyoo 3:16

Bi qanne kishooch eeni genjo beetone; bi yooche kishooch gaannoonaa oogoona beetone.

Shaahiyoo 9:11

Taanna ne eeno genjemmone; natinaꞌo ne eenooch daakkeyemminaꞌone.

Dojjecho 12:13

Ebiyoche bulli mooyon waayeto neene; bulli moochi taco ebine: Yeerin shate; bi geteenaꞌonoo ceechibe; asho koniyoona tuniiya bede mooyo ebine.

Erimiyaasi 32:39

Boonoshichoo boonoshiyee gubbi boonoshi bushiisheenaꞌoyichoo bi gaawemmoyich, bulli aaboochoo taan boonoshi shattemmoyich, ikke mulloonaa ikke gommonon immemmo taane.

Hiziqeeli 20:19

Ta, Doono Yeeri ittoshi Nuggishoo taane; ta qociyoona hambote; ta geteenaꞌonoo manjii quyebote.

Luqaasi 12:5

Tunebaani ittoshi shattemmon ta ittoshich gettemmo taane: Aroo bi wuxitoyee gubb, shiweree qaaqqooch dufon hakkemmi Doonon shatote. Andoo ittoshich gettoye, biin shatote.

Yibbaatoo 10:20

Ne Nuggishoo Doono Yeerin shate. Biich baach goyinne maddebe. Biinna tookki ikkottebe. Bi shigoonoo wogebe.

Yibbaatoo 11:9

Boonoshinaa boonoshi shiijjereenaꞌonoyich imma Doono Yeeri ittoshi qaabbechinaꞌoyich wogeꞌi bi gibenikkiti, ejjoonaa eeyona xuupphiibeeti showooch meeti yemeenoon kotemmo ittoshine.

Yibbaatoo 13:4

Ittoshi Nuggishoo Doono Yeerichi hillooch dabbibote. Biinoo shatote. Bi getoyichoo deꞌa getote. Bi qaaroonoo waayebote. Biich goyinne maddebote. Biinna tookki ikkottebote.

Yibbaatoo 22:7

Indeen gawukkaachaa, kafee bushiishoon daamon hakkihine. Ebin ne tuniigaata, mooyo neech mashaamaa, meeti yemeenoon beeyemmo neene.

Yibbaatoo 30:19

“Hanaach kashoona beemonaa qitoonon, diiroonaa ufonon ittoshi aafooch ta kotiyoyich shimaayoonaa showoonon miixoo ceeggaabeeto taane. Illa neennaa ne shiijjeroona kashoona ittoshi beeyemmoyich kashoona beemon kaace.

Yibbaatoo 30:20

Ne Nuggishoo Doono Yeerin shune. Bi qaaroon waayebe. Biinna tookkishoo ikkottebe. Ebina ne qaabbechi Abrahamich, Yisaaqinaa Yaaqobinoyich imma bi wogeti showooch neennaa ne shiijjeroona meeti yemeenoon kashoona beeyemmo ittoshine” iye.

Yibbaatoo 4:40

Neennaa ne shiijjeroonoyich mooyo bulli kaamemmoyich, ne Nuggishoo Doono Yeeri bulli yemeenoon ne beeyemmoyich neech bi immiibeeti showoo, neecho tuneree bi beeyemmonaa arooch koteree ne yagemmonoyich, hanaach ta gettaabeeti sheeroonaa getoonon quyebe” iye.

Yibbaatoo 4:9

“Doono Yeeri ‘Asheenaꞌon ta waan kicibe. Showee toommooch kashoona boonoshi beemmi yemeeno bullin taan shaton boonoshi doyemmoyich, boonoshi bushiishoonoo boonoshi dojjemmoyich, ta qaaroon boonoshich waayiyemmo taane’ iꞌi bi gettiyooba, ittoshi Nuggishoo Doono Yeeri aafooch, Kooreebi guudooch ittoshi neexeti aaboon batteyaahote. Ebi ittoshi aafoona ittoshi beeggiti mooyon ittoshi batteyaachemmoyich, wotta kashoona ittoshi beemmi yemeeno bullin ittoshi mulloochee bi aalleyaachemmoyich, kupphiiree ittoshi qelloon ariibote! Ebi mooyon ittoshi bushiishoonaa bushaa bushiishoonoyichoo dojjibote.

Yibbaatoo 5:16

“ ‘Ne Nuggishoo Doono Yeeri ta, neech gettetoommon, neech ta immaabeeti showooch koteree ne yagemmoyich, mooyo bulli neech bi kaamemmoyichoo, ne nihoonaa ne indeenon oogiibe.

Yibbaatoo 5:33

Kashoona ittoshi beeyemmoyich, ittoshichoo mooyo kaamemmoyich, ittoshi hajjemmi showooch koteree ittoshi yagemmoyichoo, ittoshi Nuggishoo Doono Yeeri ittoshich gettiti boochoona hambote.

Yibbaatoo 6:1

“Ittoshich ta dojjemmoyich ittoshi Nuggishoo Doono Yeeri taach immiti geto, qociyoonaa doyoona ebine. Arooch giyi ittoshi hajjemmi showoochaa eboshin quyebote.

Yibbaatoo 6:24

Aroochee Doono Yeeri ebi geteenaꞌon no quyemmoyich, no Nuggishoo tuneti biinoo no shattemmoyich, gettiye. Ebiyoo hanaach nooch bi tunee beetoommon, gaawe mooyo nooch bi tunemmonaa kashoona no beeyemmonoyichiye.

Yibbaatoo 6:7

Ne bushiishoyichoo manjii dojjibe. Kexooch ne kotaa beegaata, gommona ne hammaa beegaata, ne qeyaa beegaata, ne tiyaa beegaatoo, ne noonoochee kuxaanoon gete.

Yaasi 4:24

Ebin bi tuniito, Doono Yeerichi mochoo giidecho bi tunoon showee toommeexi aageteenaꞌo bulli ariyemmonaa ittoshiyoo, ittoshi Nuggishoo Doono Yeerin bulli yemeenoon ittoshi shattemmonoyichiye” iye.

1 Pheexiroosi 1:17

Koninolla heppaanoon bi ikkikkoyich bi shuuneti shuunoommona bi toommooch nalliibeeti Yeerin “Ta Nihoocho!” iꞌi ittoshi ceeggii beetoyich, illa hini iibboommo tuneꞌi, ittoshi beeti yemeeno bulliich biin shatona beebote.