Yibbaatoo 6:18 - Kafa Linguistics Project

¹⁸ Mooyo neech bi kaamemmonaa Doono Yeeri ne qaabbechinaꞌoyich wogeꞌi bi gibenikkiti gaawe showooch giyi ne woraashemmonoyich, Doono Yeeri aafooch tatoonaa gaawetona tuneti mooyon tuniibe.

Yibbaatoo 6:18 ပူးပေါင်းရင်းမြစ်များ

Shoddo 19:11

Ne guuno aroona guyeehe; boonoshin bi quyoonoo oogichii gaachehe.

Keyo 15:26

Ishichiinoo iye: “Ittoshi Nuggishoo Doono Yeeri ta, ta qaaroon manjiiꞌi ittoshi waayegaata, ta aafooch tate mooyon ittoshi tuniigaata, ta getoon deꞌa iꞌi ta qociyoo bullin ittoshi quyegaatoo, Gibitseenaꞌo toommooch ta deebeti amee biiyoonolla ittoshi toommooch deebaachemmo taane. Ta ittoshin wodiyechi Doono Yeeri taane” iye.

Isiyaasi 3:10

Cadiqeenaꞌoyich, “Mooyo ittoshich kaamemmo bi tunetoyich, ittoshi shuunee aafoon maayemmo ittoshine” gete.

Isiyaasi 38:3

Ishichiinoo iye: “Doono Yeero, gibeneeto ta tunoon, ceeni ta mulloona neech ta maddoon, ne aafooch gaawe mooyon ta tuniyoonoo and ne shalligemmoyich neen qollehoye” iye; girgittiinoo eeppiye.

Hiziqeeli 18:19

“Tunebaani ittoshi ‘Bushoo bi nihoochi axaaxoyich amoyich naxeyaache?’ ii beeto ittoshine. Bushoo dayinnetoonaa kaamoona tuneti mooyon bi tuniigaata, ta qociyeenaꞌo bullin bi quyegaata, iberoochaa kashoona beeyemmone.

Hiziqeeli 18:21

“Axaaxecho bi shuuneebeeti axaaxoochee wotteꞌi ta geto bullin bi quyegaata, dayinnetoonaa tate mooyonon bi tuniigaata, kashoona beeyehalli ciroona qitaachemmone.

Hiziqeeli 18:27

Ebiyoommon wotta axaaxecho bi shuuneti axaaxoochee bi wottegaata, dayinnetoonaa cadiqe mooyonon bi tuniigaata, bi kashoon wodiyemmone.

Hiziqeeli 18:5

“Asho cadiqo, tate nallechonaa kaamoona bi tunegaata,

Hiziqeeli 33:14

Ta, gonde ashoon ‘Iberoochaa qitemmo neene’ ta getigaata, biyoo bi axaaxoochee wotteꞌi, dayinnetoonaa cadiqe mooyonon bi tuniigaata,

Hiziqeeli 33:16

Bi shuuneti axaaxoo bulli ciiroona haddeyaachemmone; dayinnetoonaa cadiqe mooyonon bi tuniitoyich iberoochaa kashoona beeyemmone.

Hiziqeeli 33:19

Axaaxecho bi axaaxoochee wotteꞌi, dayinnetoonaa cadiqe mooyonon bi tuniigaata, ebichi naboona kashoona beeyemmone.

Hosee'i 14:9

Ariyechi asho ebi mooyinaꞌon shalligibe. Shalligechoo ebi mooyinaꞌon ariibe. Doono Yeerichi gommo kaamoone; cadiqeenaꞌo aroona hammemminaꞌone; tunebaani axaaxechinaꞌo tepheeree dihemminaꞌone.

Yowannisi 8:29

Taan deejjito taanna tookkii beetone; biin emirikkii beeton bulli aaboon ta tuniyaa beetoyich, ta ikkeeton dufaanoone” iye.

Roomi 12:2

Gaawetonaa biin emirikkii beetona, shappaalloonoo tuneti Yeerichi daaggoon xiishii ariyoon ittoshi hakkemmoyich, Yeeri andire mulloon bi imaa andirebotalli, hini alemeexi asheenaꞌochi mooyon dabbiyaahote.

Yibbaatoo 12:25

Doono Yeeri aafoochaa tato tuneti mooyon ne tuniyoona, neennaa ne shiijjereenaꞌonoyich mooyo bi kaamemmoyich, damoon maayaahine.

Yibbaatoo 12:28

Ebi neech ta getteti mooyinaꞌo bullin ceechi ne quyemmoyich ne qelloon ariibe! Ebin ne tuniigaata, ne Nuggishoo Doono Yeeri aafooch tatoonaa kaamoona tuneti mooyon ne tuniyoona, mooyo bulli neennaa ne shiijjereenaꞌonoyich bulli yemeenoon kaamemmone” iye.

Yibbaatoo 13:18

Doono Yeeri ebin bi tuniyemmo, hanaach ittoshich ta gettaabeeti, ittoshi Nuggishoo Doono Yeerichi qaaroon waayeꞌi bi geto bullin ceechii ittoshi quyegaata, bi aafoochoo tato tuneti mooyon ittoshi tunii gaatane” iye.

Yibbaatoo 4:40

Neennaa ne shiijjeroonoyich mooyo bulli kaamemmoyich, ne Nuggishoo Doono Yeeri bulli yemeenoon ne beeyemmoyich neech bi immiibeeti showoo, neecho tuneree bi beeyemmonaa arooch koteree ne yagemmonoyich, hanaach ta gettaabeeti sheeroonaa getoonon quyebe” iye.

Yibbaatoo 5:29

Boonoshinaa boonoshi shiijjereenaꞌonoyich bulli yemeenoon mooyo bulli kaamemmoyich, taan boonoshi shattemmonaa bulli aaboon ta getoon boonoshi quyemmonoyich, ebiyoommi gaboo bulli aaboon abo boonoshichoo beeba!

Yibbaatoo 5:33

Kashoona ittoshi beeyemmoyich, ittoshichoo mooyo kaamemmoyich, ittoshi hajjemmi showooch koteree ittoshi yagemmoyichoo, ittoshi Nuggishoo Doono Yeeri ittoshich gettiti boochoona hambote.

Yibbaatoo 6:10

“Ne Nuggishoo Doono Yeeri ebi showoon neech imoyich, ne qaabbechi Abrahamich, Yisaaqinaa Yaaqobinoyich wogetone. Ebi showooch ne hagaani, ogoogeenaꞌonaa gaawetinaꞌona tuneti katemeenaꞌo beetinaꞌone.

Yibbaatoo 6:19

Ebin ne tuniigaata, Doono Yeeri bi gibenikkitoommon, ne etteenaꞌon ne aafoochee yoohi kichemmone.

Yibbaatoo 8:11

“Ebi hanaach neech ta gettaabeeti bi geteenaꞌon, doyeenaꞌonaa qociyeenaꞌonon quyee qayona ne Nuggishoo Doono Yeerin ne batteyaachemmoyich ne qelloon ariibe!