Yibbaatoo 6:13 - Kafa Linguistics Project

¹³ “Ne Nuggishoo Doono Yeerin shate. Biich baach goyinne maddebe. Bi shigoona baach wogebe.

Yibbaatoo 6:13 ပူးပေါင်းရင်းမြစ်များ

2 Taateenaꞌo 17:36

Tunebaani ooge ta hakkoonaa giidechi ta mochoona Gibitsee ittoshin kichiti Doono Yeeri taan shatote; taach goyinnebote; taach deejjoon giddiibote.

Shoddo 15:4

Doono Yeeri hoxetinaꞌon qallayiibeeto, tunebaani Doono Yeerin shattii beetinaꞌon oogiibeeto, bi wogeti mooyo bi toommooch iritoon deebemmo bi tunetaanoona, wogeechii shaddaano,

Shoddo 63:11

Tunebaani taatoo, Yeerina emiremmone; Yeerichi shigoona wogee beetinaꞌo Yeerin oogiyemminaꞌone; kootoon koottiibeeti noonoo hichemmone.

Keyo 20:7

“Doono Yeeri ta shigoon duuboon ceeggii beeton naxeyaanoon qayaachemmo ta tunetoyich, Doono Yeeri ne Nuggishoo ta shigoon duuboon ceeggaahine.

Keyo 23:25

Ne Nuggishoo Doono Yeeri taach goyinne maddebe. Ta diiroo ne maayemmi maayoonaa ne uchemmi aaconooch tunemmone; biiyoon ne waanee wokkiyemmo taane;

Isiyaasi 45:23

Cadiqe ta noonoochee qaaro kechitone; ebiyoo shaddeyaachemmone; ‘Gutenoo bulli taach goyinnemmone; heciyoo bulli taanna wogemmone’ iyaꞌa, ta qelloona wogeto taane.

Isiyaasi 48:1

“Yaaqobichi yareenaꞌote, Israꞌeelichi shigoona ceekketinaꞌote, Yihudi yaroochee shiijjetinaꞌote, Doono Yeerichi shigoona wogee beetinaꞌote, iberoona woyee cadiqoona tuneyaanoon Israꞌeelee Nuggishoon ceeggii beetinaꞌote, waayebote.

Isiyaasi 65:16

Ebich showoochaa diiroon qollaabeeto, ibere Nuggishoochi shigoona ebin tuniyemmone; showoochaa wogeebeeto ibere Nuggishoona wogemmone; ebiyoo wonnee xuuxo batteetonaa ta aafoochee ikitona bi tunetoyichiye” iye.

Erimiyaasi 12:16

Baꞌaaloonaa boonoshi wogemmoyich ta asheenaꞌon boonoshi dojjoommon ‘Beeyechi Doono Yeeri beege!’ iꞌi ta shigoona wogoyich, ta macceenaꞌochi gommon boonoshi doyigaata, ebiyooba ta asheenaꞌo daggooch becheeree aaremminaꞌone.

Erimiyaasi 4:2

‘Beeyechi Doono Yeeri beege’ iyaꞌa iberoona, dayinnetoona, cadiqoonoo ne wogegaata, aageteenaꞌo taanna diireyemminaꞌone; taannoo yebenemminaꞌone” iye.

Erimiyaasi 5:2

‘Beeyechi Doono Yeeri beege’ ii boonoshi wogeebeeto kootooniye” iye.

Erimiyaasi 5:7

“Taan qajjiyote; nuggisheenaꞌo tuneyaaneenaꞌona wogehote; ittoshin ta michiitoyee gubb shunoo maahote; yahechinaꞌo kexoochoo kiceehote. Ebich ittoshin ta maaremmo aabichireeshiye?

Leweenaꞌo 19:12

“ ‘Ta shigoon ceegiree kootoon wogeyaahote. Ebin tuniyoona ta shigoon naakkiyaahote. Ta, Doono Yeeri taane.

Maatiyoosi 4:10

Arooba Yesuusi daabiloosin “Hini Sheexaanoocho! Ta aafoochee wohe! ‘Doono Yeerich goyinnebe; biich baach maddebe’ getaa Yaafe Macaafooch kooreetone” iye.

Maatiyoosi 5:33

“Wotta ebiyee aaf beeti no qaabbechinaꞌoyich ‘Wogaꞌa Yeerich ne mookketon ceechiballi shappiiyaahine’ getteeton waayeto ittoshine.

Luqaasi 4:8

Arooba Yesuusi wochiꞌi, “ ‘Ne Nuggishoo Doono Yeerich goyinnebe; biich baach maddebe’ gettaa Yaafe Macaafooch kooreetone” iye.

Yibbaatoo 10:12

“Andoo Israꞌeelo, ne Nuggishoo Doono Yeeri ne waanee bi qaawiibeeto, amooniye? Ne Nuggishoo Doono Yeerin ne shattemmoyich, bi gommo bullina ne hammemmoyich, biin ne shunnemmoyich, ceeni ne mulloonaa ceeni ne kashoona biich ne goyinne maddemmoyich,

Yibbaatoo 10:20

Ne Nuggishoo Doono Yeerin shate. Biich baach goyinne maddebe. Biinna tookki ikkottebe. Bi shigoonoo wogebe.

Yibbaatoo 13:4

Ittoshi Nuggishoo Doono Yeerichi hillooch dabbibote. Biinoo shatote. Bi getoyichoo deꞌa getote. Bi qaaroonoo waayebote. Biich goyinne maddebote. Biinna tookki ikkottebote.

Yibbaatoo 13:5

Tunebaani guuno tunee hajjeeꞌi beebee ittoshi echeti Gibitsee ittoshin biisheꞌi deebiti, ittoshi Nuggishoo Doono Yeeri toommooch hukkoon ittoshi shuunemmoyich bi gettitoyich, wotta ittoshi Nuggishoo Doono Yeeri gettiti gommoochee gubb ittoshi wottemmoyich tuniiya bi qaawitoyich, ebiyoommi keemechon woyee gumi gummechon wuxibote. Ebin tuniyoona, ebiyoommi gonde mooyonoo ittoshi daggoochee wokkiibote.

Yibbaatoo 5:11

“ ‘Doono Yeeri ta shigoon duuboon ceeggii beeton naxeyaanoon qayaachemmo ta tunetoyich, Doono Yeeri ne Nuggishoo ta shigoon duuboon ceeggaahine.

Yibbaatoo 5:29

Boonoshinaa boonoshi shiijjereenaꞌonoyich bulli yemeenoon mooyo bulli kaamemmoyich, taan boonoshi shattemmonaa bulli aaboon ta getoon boonoshi quyemmonoyich, ebiyoommi gaboo bulli aaboon abo boonoshichoo beeba!

Yibbaatoo 6:2

Kashoona ittoshi beemmi yemeeno bullin ittoshi, ittoshi bushiisheenaꞌonaa bushaa bushiisheenaꞌona ittoshi Nuggishoo Doono Yeerin shatote. Ittoshich ta immaabeeti qociyoo bullinaa geto bullinon quyebote. Ebin ittoshi tuniigaata, are showooch koteree yagemmo ittoshine.

Yaasi 2:12

Illa ittoshich gaaweton ta tuniitoommon, ittoshiyoo ebiyoommon ta nihoochi kechi asheenaꞌoyich gaaweton ittoshi tuniyemmoyich, Doono Yeerina wogebote. Ebi wogo manjoo bi tunoon bekkiibeeti malletoon taach imbote.

Yaasi 23:7

Ittoshi daggooch echeꞌi beeti aageteenaꞌona tookki bacceyaahote; boonoshi goyinneebeeti nuggisheenaꞌochi shigoon ceeggaahote; boonoshina wogeyaahote; boonoshich goyinne maddeyaahote.

Yaasi 24:14

“Andoo Doono Yeerin shatote; ibere mulloona gibeneeton tuneree biich maddebote; ittoshi qaabbechinaꞌo Efiraaxisee beqach Mesopotaamee showooch boonoshi beehooba, wotta aroyee gubb Gibits boonoshi beehooba, boonoshi goyinnee maddeti nuggisheenaꞌon ittoshi waanee wokkiibote. Doono Yeeri ikkeetoyich baach goyinne maddebote.

1 Saameeli 20:3

Tunebaani Daawiti wochiꞌi, “Am shaahoon taan ne shunnaabeeto gaata, ne nihoo arii beetone. Biyoo ‘Yonaataani ebin bi ariigaata, ayinemmone’ iꞌi ne ariyaachemmon tuniitone. Beeyechi Doono Yeeri beege; wotta ne kashoona wogehoye; taannaa qitoonochi gutte daggooch ikke shaadde baachiye echeti” iye.

1 Saameeli 7:3

Aroochee Saameeli Israꞌeeleenaꞌo bullich ishichiye: “Ibere mulloona Doono Yeer waan wottoon ittoshi qaawigaata, dallaawe nuggisheenaꞌonaa Ashitarooti misileenaꞌonon ittoshi waanee wokkiibote; ittoshi mulloonoo Doono Yeer waan wochibote; biich baach goyinne maddebote; biyoo Filsixeemeenaꞌo kishoochee ittoshin wodiyemmone” iye.