Yibbaatoo 6:12 - Kafa Linguistics Project

¹² guuno tunaꞌa beebee ne echeti Gibitsee neen kichii deebiti Doono Yeerin ne batteyaachemmoyich ne qelloon ariibe!

Yibbaatoo 6:12 ပူးပေါင်းရင်းမြစ်များ

2 Taateenaꞌo 17:36

Tunebaani ooge ta hakkoonaa giidechi ta mochoona Gibitsee ittoshin kichiti Doono Yeeri taan shatote; taach goyinnebote; taach deejjoon giddiibote.

2 Taateenaꞌo 17:38

Ittoshina tookkaa ta giyeti wogoon batteyaahote; bare nuggisheenaꞌoyichoo goyinne maddeyaahote.

Iyoobi 8:13

Yeerin batteebeeti asheenaꞌochi ciiro ebiyoommone; Yeerich qeyaani asheenaꞌochi gibeno ebiyoommon aallemmone.

Shoddo 103:2

Ta kasheene, Doono Yeerin diiribe! Bi gaacoonoo batteyaahine.

Shoddo 44:17

Ebi bulli no toommooch bi waato, neen batteyaano no beetaa, ne wogoon happaano no beetenane.

Shoddo 59:11

No Doono no gaachoocho, ta asheenaꞌo batteyaachemmoyich, boonoshin wuxiyaahine; ne giidoona boonoshin shace; boonoshin giishiibe.

Shoddo 78:7

Ebina Yeerin gibenemminaꞌone; bi shuuneti shuunoon batteyaachemminaꞌone; bi geteenaꞌonoo quyemminaꞌone.

Keyo 13:14

“Gubbi yemeenooch ne bushoo ‘Ebi ama getone?’ iꞌi bi echegaata, ishichibe: ‘Gibitsee showee guuchittinoochee Doono Yeeri giidechi bi mochoona noon kichiye.

Keyo 13:3

Aroochee Muusi asheenaꞌoyich ishichiye: “Gibitsee showee guuchittinoochee ittoshi kechiti hini aaboon shalligibote. Ebiyoo, Doono Yeeri giidechi bi mochoona ebi showoochee ittoshin bi kichitoyichiye. Shittoo giyiti amee koshonolla maayaahote.

Keyo 6:6

“Ebich Israꞌeeleenaꞌoyich ishichi gete: Doono Yeeri ishichitone: ‘Ta, Doono Yeeri taane. Gibitseenaꞌochi guuchittinee waanjoochee ittoshin kichemmo taane; boonoshich guuno tunoochee ittoshin biishemmo taane. Qaaꞌi naxoon boonoshi toommooch deeboyich giidechi ta mochoon boonoshi toommooch tiijjemmo taane; ittoshinoo biishemmo taane.

Shaahiyoo 30:9

Ebiyoo miyi neen ta nookkeyaachemmoyich, “Doono Yeeri konine?” ta getaachemmoyich, woyee gire ta gaayaachemmoyich, ta Nuggishoo ne shigoon ta naakkiyaachemmoyichiye.

Isiyaasi 17:10

Ebiyoo ittoshin Wodiyechi Yeerin ittoshi battetoyich, ittoshi Xaqqee Inderoon gaboo ittoshi qajjitoyichiye; ebina gaawe bechoon ittoshi bechitaa, dallaawe yaroon ittoshi shookkitaa,

Isiyaasi 51:13

Shimaayoon yaggiti, showoonoo kottiti, ittoshin halliti Doono Yeeri taan batteto ittoshine; aalliiya qanniꞌi ittoshin xuqqii beetochi naboona bulli aaboon keqqoona beehote; ishigaataa, boonoshi kaaro aaye?

Erimiyaasi 34:13

“Israꞌeelee Nuggishoo Doono Yeeri ishichiye: Ittoshi qaabbechinaꞌon guuchittinoochee, Gibitsee showoochee ta kichiyooba, boonoshina tookkii ishichaꞌa wogoon giyeto taane:

Hosee'i 2:13

Taan battaachaa bi shashoon shashaꞌa bi shunechinaꞌon bi dabbitoyich, wotta Baꞌaaleenaꞌoyich ixaanoon bi shookketi baaree aabeenaꞌoyich, biin naxemmo taane” iye Doono Yeeri.

Haddoo 15:39

Ebi caappeenaꞌo shalligicheenaꞌo boonoshi tunetoyich, boonoshin ittoshi beegiyooba Doono Yeeri ta getoon shalligi quyemmo ittoshine. Ittoshi mullo qaatitonaa ittoshi aafo beeggitonon dabbi hamaachemmo ittoshine.

Yibbaatoo 32:18

Neen halliti ne Deeboon qajjehine; neen shiyiti ne Nuggishoon battehine.

Yibbaatoo 4:23

Ittoshi Nuggishoo Doono Yeeri ittoshina tookkii bi giyiti wogoon ittoshi batteyaachemmoyich, ittoshi goyinne maddaachemmoyich bi bajjiti, amee shaahoonona shuuneebeeti shahalloon ittoshi shuuneyaachemmoyich ittoshi qelloon ariibote!

Yibbaatoo 4:9

“Doono Yeeri ‘Asheenaꞌon ta waan kicibe. Showee toommooch kashoona boonoshi beemmi yemeeno bullin taan shaton boonoshi doyemmoyich, boonoshi bushiishoonoo boonoshi dojjemmoyich, ta qaaroon boonoshich waayiyemmo taane’ iꞌi bi gettiyooba, ittoshi Nuggishoo Doono Yeeri aafooch, Kooreebi guudooch ittoshi neexeti aaboon batteyaahote. Ebi ittoshi aafoona ittoshi beeggiti mooyon ittoshi batteyaachemmoyich, wotta kashoona ittoshi beemmi yemeeno bullin ittoshi mulloochee bi aalleyaachemmoyich, kupphiiree ittoshi qelloon ariibote! Ebi mooyon ittoshi bushiishoonaa bushaa bushiishoonoyichoo dojjibote.

Yibbaatoo 8:10

Maa miyiree, gaawe showoon neech bi immitoyich, Doono Yeerin galletemmo neene.

Qolaasiyaasi 2:8

Kiristoosi dojjiti doyoommon tuneyaanoon, ashi doyoommonaa hini showeexi ariyoommona, ariyoon shaahiibeeti yibbaatoonaa duube acona koniyoona ittoshin olle yeshiree guunon bi tuniyaachemmoyich ittoshi qelloon ariibote!

Woraaferasheenaꞌo 2:12

Gibitsee boonoshin kichiti, boonoshi qaabbechinaꞌochi Nuggishoo Doono Yeerin qajjiyeete. Boonoshi guudoona beeti asheenaꞌo goyinneebeeti nuggisheenaꞌon dabbiyeete; boonoshichoo goyinneheete. Doono Yeeri boonoshin kaaremmoyich tuniiheete.