Yibbaatoo 5:5 - Kafa Linguistics Project

⁵ Qaaqqoon shattiꞌi guudi toommooch ittoshi keyo qajjitoyich, arooba ta, Doono Yeerichi qaaroon ittoshich getoyich ittoshinaa Doono Yeerinochi gutte daggooch neexehoye. “Doono Yeeriyoo ishichiye:

Yibbaatoo 5:5 ပူးပေါင်းရင်းမြစ်များ

Halloo 18:22

Arooba gutte asheenaꞌo aroochee boonoshi aafoon Sodoom waan wochiꞌi qaxiriyeete. Tunetaa Abrahami Doono Yeeri aafooch neexeꞌi beehe.

2 Taateenaꞌo 18:4

Guudi toommeexi goyinnee xaaꞌeenaꞌon happii aalliihe; goyinnee xaqqee giimbeenaꞌonoo tiichiye; nuggishee Asheeri misiloon kuxxii duppiye. Arooba beddaahaa Israꞌeeleenaꞌo ixaanoon aroyich shookkii boonoshi beetoyich, Muusi gooshoochee shuuneti, Nehushitaani getteebeeti dingeree misiloonoo tiichiye.

Shoddo 106:23

Boonoshin aalliyoochee bi kaaro wottemmoyich, bi kaacciti Muusi bi aafooch bi neexeyaan gaata, boonoshin aalliyesho bi tunoon gettiye.

Keyo 19:16

Keejjinnee qemooba, maaddoona dunne qubo guudi toommooch tunehe; xeeyoo xeejjiye; showoo phaqqiye; wotta oogeti tiree qaaro waayeehe. Kaambooch beeti asho bulli keqqoona qewehe.

Keyo 19:21

Doono Yeeriyoo biich ishichiye: “Asheenaꞌo Doono Yeeri taan beegga guudi gaadoon besheree meetinaꞌo boonoshi aalleyaachemmoyich, kindiree boonoshich manjii gete.

Keyo 19:25

Ebich Muusi asheenaꞌo beetooch kindiꞌi, Doono Yeeri gettiton boonoshich gettiye.

Erimiyaasi 30:21

Boonoshi iraashoo boonoshi asho tunemmone; boonoshin qeejjemmo boonoshi daggoochee kechemmone; ta waan biin katichemmo taane; biyoo katinnemmone; ebi tuno qayigaata, kuppheree ta waan katinon hakkemmo kone?

Haddoo 16:48

Aroochee qititinaꞌonaa wodeenaꞌonochi daggooch neexehe; naxoo tooqqiye.

Galaati 3:19

Illa sheeroo icheto, amoyichiye? Gibenee qaaro ichetoyee gubb wotta sheeroo icheto, axaaxoo amo gaata bi bekkemmoyichiye. Are sheeroo icheto Yeeri gibenikkiti gibenee yaroo waammi wottooniye. Bi ichetoo maraakeenaꞌochi gommona, shoobbecho kishoonane.

Yibbaatoo 5:27

Ne, damba arooch gidderee no Nuggishoo Doono Yeeri gettii beeton waayebe. Aroochee wotteree neech bi gettito bullin nooch gete. Aroon elle waayeree quyemmo noone’ iyeete.

Hibireena'o 9:24

Kiristoosi ashi kishoona shuuneeti Yaafe Xaaꞌooch, ebiyoo ibere yaafe xaaꞌeexi shaahiyoona tuneti xaaꞌooch giyaanoone; tunebaani shimaayooch giyiichii, and noocha iꞌi Yeeri aafooch giddetone.