Yibbaatoo 5:33 - Kafa Linguistics Project

³³ Kashoona ittoshi beeyemmoyich, ittoshichoo mooyo kaamemmoyich, ittoshi hajjemmi showooch koteree ittoshi yagemmoyichoo, ittoshi Nuggishoo Doono Yeeri ittoshich gettiti boochoona hambote.

Yibbaatoo 5:33 ပူးပေါင်းရင်းမြစ်များ

1 Taateenaꞌo 3:14

Ne nihoo Daawiti tuniitoommon, ta gommona ne hamigaata, ta qociyoonaa ta getoonon ne quyegaata, ne eenon genjiyemmo taane” iye.

2 Taateenaꞌo 17:37

Ittoshich ta kooriti doyeenaꞌonaa qociyeenaꞌonon, sheeroonaa getoonon bulli aaboon kupphii quyebote; bare nuggisheenaꞌoyich goyinneyaahote.

1 Kiinoo 28:8

“Andoo Doono Yeerichi iitoo tuneti Israꞌeelee asho bulli ciinnii beetaa, Yeeriyoo waayee beetaa, ittoshi Nuggishoo Doono Yeerichi geto bullin ittoshi quyemmoyich ittoshich gettoye. Ebin ittoshi tuniigaata, hini ittoshi woraashiti gaawe showooch beeyemmo ittoshine; ittoshi shiijjeroyichoo woraashiyemmo ittoshine.

Shoddo 119:6

Ne getoochee ta aafoon bariyoo ta qayigaata, yeelleyaachemmo taane.

Shoddo 37:11

Boonoshi qelloon giishii beetinaꞌo showoon woraashemminaꞌone; beemi gaawoonaa diggoona beemona emiremminaꞌone.

Shoddo 37:22

Doono Yeeri diiritinaꞌo showoon woraashemminaꞌone; tunebaani bi uppitinaꞌo aallemminaꞌone.

Shoddo 37:29

Cadiqeenaꞌo showoon woraashemminaꞌone; bulli yemeenoon arooch kotemminaꞌone.

Shoddo 37:34

Doono Yeerin gibenebe; bi getoonoo ceechibe. Biyoo showoon ne woraashemmoyich tuniyoona neen oogiyemmone; gondeenaꞌo aalletaa beeggemmo neene.

Shoddo 37:9

Gondeenaꞌo aallemminaꞌone; tunebaani Doono Yeerin gibenee beetinaꞌo, showoon woraashemminaꞌone.

Keyo 20:12

“Ne Nuggishoo Doono Yeeri ta, neech ta immemmi showooch koteree ne yagemmoyich, ne nihoonaa ne indeenon oogiibe.

Shaahiyoo 3:1

Ta bushoocho, ta dojjaa beeton batteyaahine; ta geteenaꞌon ne mullooch yeshe.

Erimiyaasi 42:6

No Nuggishoo Doono Yeerichi qaaroyich deꞌa no getaa nooch bi kaamemmoyich, gondebe woyee gaawebe neen no wochaabeeti no Nuggishoo Doono Yeerichi qaaroyich deꞌa gettemmo noone” iyeete.

Erimiyaasi 7:23

Tunebaani ‘Ta qaaroon waayebote; ta, ittoshi Nuggishoon tunemmo taane; ittoshiyoo ta maccoon tunemmo ittoshine; ittoshich bi kaamemmoyich, ta gommona hambote’ iyaꞌa boonoshich getteto taane.

Hiziqeeli 20:19

Ta, Doono Yeeri ittoshi Nuggishoo taane; ta qociyoona hambote; ta geteenaꞌonoo manjii quyebote.

Luqaasi 1:6

Gutteenaꞌoo Doonochi getoonaa qociyonoochee ikkoonolla shappayaanoon ceechii beetinaꞌone; Yeeri aafoochoo cadiqeenaꞌone.

Roomi 2:7

Gaawe mooyon shuunoona kuppheebee oogee yiiroonaa naadoonon, bulli yemeenee kashoonoo qaawii beetinaꞌoyich, bulli yemeenee kashoon immemmone.

Yibbaatoo 10:12

“Andoo Israꞌeelo, ne Nuggishoo Doono Yeeri ne waanee bi qaawiibeeto, amooniye? Ne Nuggishoo Doono Yeerin ne shattemmoyich, bi gommo bullina ne hammemmoyich, biin ne shunnemmoyich, ceeni ne mulloonaa ceeni ne kashoona biich ne goyinne maddemmoyich,

Yibbaatoo 11:9

Boonoshinaa boonoshi shiijjereenaꞌonoyich imma Doono Yeeri ittoshi qaabbechinaꞌoyich wogeꞌi bi gibenikkiti, ejjoonaa eeyona xuupphiibeeti showooch meeti yemeenoon kotemmo ittoshine.

Yibbaatoo 12:25

Doono Yeeri aafoochaa tato tuneti mooyon ne tuniyoona, neennaa ne shiijjereenaꞌonoyich mooyo bi kaamemmoyich, damoon maayaahine.

Yibbaatoo 12:28

Ebi neech ta getteti mooyinaꞌo bullin ceechi ne quyemmoyich ne qelloon ariibe! Ebin ne tuniigaata, ne Nuggishoo Doono Yeeri aafooch tatoonaa kaamoona tuneti mooyon ne tuniyoona, mooyo bulli neennaa ne shiijjereenaꞌonoyich bulli yemeenoon kaamemmone” iye.

Yibbaatoo 22:7

Indeen gawukkaachaa, kafee bushiishoon daamon hakkihine. Ebin ne tuniigaata, mooyo neech mashaamaa, meeti yemeenoon beeyemmo neene.

Yibbaatoo 29:8

Boonoshi showoon yechaꞌa Roobeelinaa Gaadinochi yoodeenaꞌoyich, Minaasi yoodoochee qatinaꞌoyichoo iristo tuniiꞌa immehone.

Yibbaatoo 30:16

Ne Nuggishoo Doono Yeerin shunona, bi gommona hamona, bi getoon, bi qociyoonaa bi doyoonon ceechoona, hanaach neech ta gettaabeeti ne Nuggishoo Doono Yeerichi getoon ne waayegaata, kashoona beeyemmo neene; meetishoo gettemmo neene. Giyiree woraashiya ne hammaabeeti showoochaa ne Nuggishoo Doono Yeeri neen diiremmone.

Yibbaatoo 4:1

Aroochee Muusi Israꞌeeleenaꞌoyich ishichiye: “Illa and Israꞌeeleenaꞌote, kashoona ittoshi beeyemmoyich, ittoshi qaabbechinaꞌochi Nuggishoo Doono Yeeri ittoshich bi immiibeeti showooch giyi ittoshi woraashemmoyichoo, ittoshich ta qociibeeti qociyoonaa ta dojjaabeeti doyoonon quyebote.

Yibbaatoo 4:40

Neennaa ne shiijjeroonoyich mooyo bulli kaamemmoyich, ne Nuggishoo Doono Yeeri bulli yemeenoon ne beeyemmoyich neech bi immiibeeti showoo, neecho tuneree bi beeyemmonaa arooch koteree ne yagemmonoyich, hanaach ta gettaabeeti sheeroonaa getoonon quyebe” iye.

Yibbaatoo 5:16

“ ‘Ne Nuggishoo Doono Yeeri ta, neech gettetoommon, neech ta immaabeeti showooch koteree ne yagemmoyich, mooyo bulli neech bi kaamemmoyichoo, ne nihoonaa ne indeenon oogiibe.

Yibbaatoo 5:29

Boonoshinaa boonoshi shiijjereenaꞌonoyich bulli yemeenoon mooyo bulli kaamemmoyich, taan boonoshi shattemmonaa bulli aaboon ta getoon boonoshi quyemmonoyich, ebiyoommi gaboo bulli aaboon abo boonoshichoo beeba!

Yibbaatoo 6:1

“Ittoshich ta dojjemmoyich ittoshi Nuggishoo Doono Yeeri taach immiti geto, qociyoonaa doyoona ebine. Arooch giyi ittoshi hajjemmi showoochaa eboshin quyebote.

Yibbaatoo 6:3

Ebich Israꞌeeleenaꞌote, ebi ta getoon elle waayebote. Quyeshoo getote. Ebin ittoshi tuniigaata, mooyo ittoshich kaamemmone; ittoshi qaabbechinaꞌochi Nuggishoo Doono Yeeri gibenikkitoommon, ejjoonaa eeyona xuupphiibeeti showoochaa oogichi meettemmo ittoshine.

Yibbaatoo 8:1

Muusiyoo Israꞌeeleenaꞌoyich ishichiye: “Doono Yeeri ittoshi qaabbechinaꞌoyich imoyich wogeꞌi bi gibenikkiti showooch giyi ittoshi beeyemmonaa ittoshi meettemmonoyich, ittoshi hajjemmoyichoo, hanaach ittoshich ta gettaabeeti getoon manjii waayebote.

1 Ximootiyoosi 4:8

Iiwittinoon danoyich ashittinoon kupphiyee dojjoo giisheche mooyoyich gaaccemmone; tunebaani Yeerich diireeti kittinnittinee qocoona beemoyich qellee dojjoo, and hini showee toommooch no beeti beemonaa gubbichoo shimaajji kexooch no beeyemmi beemonoyich gibenikkiibeeto bi tunetoyich, mooyo bullich gaaccemmone.