32 “Illa ittoshi Nuggishoo Doono Yeeri ittoshich gettiton ittoshi quyemmoyich ittoshi qelloon ariibote! Ebi aroochee qanna yoocha gettaahote.
Ittoshich ta kooriti doyeenaꞌonaa qociyeenaꞌonon, sheeroonaa getoonon bulli aaboon kupphii quyebote; bare nuggisheenaꞌoyich goyinneyaahote.
Biyoo Doono Yeeri aafooch kaame mooyon tuniihe. Bi qaabbechi Daawitichi gommon dabboochee qanna yoocha getaanoone.
Tunebaani xumme gommooch wottee beetinaꞌon, gondeenaꞌona tookki Doono Yeeri aalliyemmone. Israꞌeelich diggoo tunebe.
Bi muricoon shalligoon hakkemmo konine? Aacheeti axaaxoochee ne taan xalliibe.
Beshe Mawe Nuggishoo Doono Yeero, ebiyee aafi no beemooch noon wochibe; no wodemmoyich ne aafoon nooch biriibe.
Eboshiyoo kashee genjoonaa diggoonon neech immemminaꞌone.
Yoocha qanna gettaahine; ne baatoon gondoochee wochibe.
Gommon muricciꞌi yoocha, qanna ittoshi getigaata, ittoshi gubbaa, “Gommo hinine; ebina hambote” ii beeti qaaroon waayemmo ittoshine.
Ta, Doono Yeeri ittoshi Nuggishoo taane; ta qociyoona hambote; ta geteenaꞌonoo manjii quyebote.
“ ‘Ta guuno Daawiti boonoshi toommooch taatemmone; bullichona ikke qiddoo tunemmone; ta geteenaꞌon dabbemminaꞌone; ta qociyeenaꞌonoo gaawichi quyemminaꞌone.
hanaach ittoshich ta gettaabeeti qociyeenaꞌo bullinaa doyeenaꞌo bullinon ittoshi tuniyemmoyich, ittoshi qelloon ariibote” iye.
“Ebi neech ta getteti mooyo bullin tuniibe. Ebi arooch amoonolla daakkiyaahine. Wotta ebi aroochee amoonolla shappiiyaahine.
Boonoshi nalloonaa yibbaatee kuxxiꞌi neech boonoshi gettiti mooyonon tuniibe. Boonoshi nallii kuxxiti mooyoochee qanna yoocha gettaahine.
Ebin bi tuniyoo, ‘Ta maneenaꞌoyee besho taane’ geti bi gabaachemmoyich, wotta Yeerichi getoochee qanne badd woyee yooche badd bi wotteyaachemmoyich biin quyemmone. Ebina biinnaa bi shiijjereenaꞌona Israꞌeeleenaꞌo toommooch meeti yemeenoon taatemminaꞌone.
“Qeddee shaddee biiyoon ciinnii beetona qeesheenaꞌo tuneti Leweenaꞌo dojjiti mooyon ceechiree ne tuniyemmoyich, ne qelloon ariibe! Boonoshich ta gettetoommon ne tuniyemmoyich, ne qelloon ariibe!
Bare nuggisheenaꞌoyich goyinne maddeya, hanaach neech ta getteti qaaroochee ciroona yoocha qanna gettaahine” iye.
Boonoshi showoon yechaꞌa Roobeelinaa Gaadinochi yoodeenaꞌoyich, Minaasi yoodoochee qatinaꞌoyichoo iristo tuniiꞌa immehone.
Ittoshi Nuggishoo Doono Yeeri ittoshich gettiti getoon, doyoonaa qociyoonon manjii quyebote.
No Nuggishoo Doono Yeeri nooch gettito bullin, bi aafoochaa gaawichaa no quyegaata, ebi nooch cadiqoo tunemmone’ gete” iye.
Ebich Israꞌeeleenaꞌote, ebi ta getoon elle waayebote. Quyeshoo getote. Ebin ittoshi tuniigaata, mooyo ittoshich kaamemmone; ittoshi qaabbechinaꞌochi Nuggishoo Doono Yeeri gibenikkitoommon, ejjoonaa eeyona xuupphiibeeti showoochaa oogichi meettemmo ittoshine.
Muusiyoo Israꞌeeleenaꞌoyich ishichiye: “Doono Yeeri ittoshi qaabbechinaꞌoyich imoyich wogeꞌi bi gibenikkiti showooch giyi ittoshi beeyemmonaa ittoshi meettemmonoyich, ittoshi hajjemmoyichoo, hanaach ittoshich ta gettaabeeti getoon manjii waayebote.
Ne baach kupphebe, maac kuxoonoo tunebe; ta guuno Muusi neech immiti sheeroo bullin manjii quyeree ceechibe. Ne hammemmo bulliich neech bi kaamemmoyich, are sheeroochee qanna yoocha gettaahine.
Ebich kupphebote; yoocha qanna getaanoon Muusichi Sheeree Macaafooch kooreeto bullin quyoonaa ceechoonoyich ittoshin ariibote!
Cadiqee gommon boonoshi ariitoyee gubb, boonoshich icheti yaafe getoochee gubb boonoshi wottoyee, are cadiqee gommon boonoshi ariyaan gaata, boonoshich gaaweshone.