Yibbaatoo 5:29 - Kafa Linguistics Project

²⁹ Boonoshinaa boonoshi shiijjereenaꞌonoyich bulli yemeenoon mooyo bulli kaamemmoyich, taan boonoshi shattemmonaa bulli aaboon ta getoon boonoshi quyemmonoyich, ebiyoommi gaboo bulli aaboon abo boonoshichoo beeba!

Yibbaatoo 5:29 ပူးပေါင်းရင်းမြစ်များ

1 Kiinoo 29:18

No qaabbechi Abrahami, Yisaaqinaa Israꞌeelinochi Nuggishoo Doono Yeero, ebi gaboo bulli yemeenoon ne asheenaꞌo mullooch bi beeyemmon tuniibe; boonoshi mulloonoo ne waan wochibe.

Shoddo 106:3

Dayinneto dabaachemmoyich quyee beetinaꞌo, cadiqoon bulli aabooch tunii beetinaꞌo, diireetinaꞌone.

Shoddo 19:11

Ne guuno aroona guyeehe; boonoshin bi quyoonoo oogichii gaachehe.

Shoddo 19:12

Bi muricoon shalligoon hakkemmo konine? Aacheeti axaaxoochee ne taan xalliibe.

Shoddo 78:7

Ebina Yeerin gibenemminaꞌone; bi shuuneti shuunoon batteyaachemminaꞌone; bi geteenaꞌonoo quyemminaꞌone.

Shoddo 81:16

Tunebaani ittoshich gaawe teepphoon maanjesho taane; xaqqee gogginoochee kechiibeeti eeyona ittoshin michiyesho taane” iye.

Isiyaasi 3:10

Cadiqeenaꞌoyich, “Mooyo ittoshich kaamemmo bi tunetoyich, ittoshi shuunee aafoon maayemmo ittoshine” gete.

Isiyaasi 48:18

Ta geteenaꞌon ne waayeto gaata, ne diggoo tahaani aacoommon, ne cadiqittinoo baharee aachi aayoommon tuneshone.

Erimiyaasi 42:6

No Nuggishoo Doono Yeerichi qaaroyich deꞌa no getaa nooch bi kaamemmoyich, gondebe woyee gaawebe neen no wochaabeeti no Nuggishoo Doono Yeerichi qaaroyich deꞌa gettemmo noone” iyeete.

Erimiyaasi 44:4

Ta shixxaabeeti ciigiiti mooyon boonoshi tuniyaachemmoyich wochii wochii boonoshi waan keemechi ta guuninaꞌon daachiihoye.

Maatiyoosi 23:37

Daakkiꞌi Yesuusi ishichiye: “Hini Yerusaalemi asheenaꞌote! Keemechinaꞌon wuxii beetinaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin ikkooch kicoyich ambiche wottoon shunnetote! Tunetaa ittoshi qaawaano ittoshine.

Luqaasi 11:28

Tunebaani Yesuusi “Beshoon diireetinaꞌo Yeerichi qaaroon waayeꞌi ceechii beetinaꞌone” iye.

Luqaasi 19:42

“Diggoo daneebeeti gommon hanaachi ittoshi shalligito gaata, gaawetone; tunebaani bi aricheyaachemmoyich ittoshich aacheetone.

Yowannisi 15:14

‘Tuniibote’ iyaꞌa ittoshich ta getteto bullin ittoshi tuniigaata, ta shunecho ittoshine.

2 Qorontoosi 5:20

Illa Yeeri no waanaa bi shoobbii beetoommon, Kiristoosichon getoyich wocheeti yakkirecho noone. “Yeerina tookki shunebote” iyaꞌa Kiristoosichi yakkirecho tunaꞌa ittoshin qollaabeeto noone.

2 Qorontoosi 6:1

Illa Yeerina tookkii shuuneebeeto tunaꞌa ittoshin no qollaabeeto, ittoshi deqqiti Yeerichi wojjoon duuboon ittoshi tuniyaachemmoyichiye.

Yibbaatoo 10:12

“Andoo Israꞌeelo, ne Nuggishoo Doono Yeeri ne waanee bi qaawiibeeto, amooniye? Ne Nuggishoo Doono Yeerin ne shattemmoyich, bi gommo bullina ne hammemmoyich, biin ne shunnemmoyich, ceeni ne mulloonaa ceeni ne kashoona biich ne goyinne maddemmoyich,

Yibbaatoo 10:20

Ne Nuggishoo Doono Yeerin shate. Biich baach goyinne maddebe. Biinna tookki ikkottebe. Bi shigoonoo wogebe.

Yibbaatoo 11:1

Muusi Israꞌeeleenaꞌoyich ishichiye: “Illa ebich ne Nuggishoo Doono Yeerin shune. Ne tuniyemmoyich bi qaawiibeeti mooyo bullin, bi qociyoon, bi dojjiti doyoonaa bi getoonon bulli aaboon ceechi quyebe.

Yibbaatoo 12:25

Doono Yeeri aafoochaa tato tuneti mooyon ne tuniyoona, neennaa ne shiijjereenaꞌonoyich mooyo bi kaamemmoyich, damoon maayaahine.

Yibbaatoo 12:28

Ebi neech ta getteti mooyinaꞌo bullin ceechi ne quyemmoyich ne qelloon ariibe! Ebin ne tuniigaata, ne Nuggishoo Doono Yeeri aafooch tatoonaa kaamoona tuneti mooyon ne tuniyoona, mooyo bulli neennaa ne shiijjereenaꞌonoyich bulli yemeenoon kaamemmone” iye.

Yibbaatoo 19:13

Biich ariqqeyaahine. Mooyo neech bi mashaamemmoyich, xalle ashi damoon ukkoona tuneti gonde mooyon Israꞌeelee showoochee wokkiibe.

Yibbaatoo 22:7

Indeen gawukkaachaa, kafee bushiishoon daamon hakkihine. Ebin ne tuniigaata, mooyo neech mashaamaa, meeti yemeenoon beeyemmo neene.

Yibbaatoo 4:2

Ebi ittoshich ta gettaabeeti qaaree toommooch amoonolla daakkiyaahote. Aroochee amoonolla shappiiyaahote. Ebi ittoshich ta gettaabeeti no Nuggishoo Doono Yeerichi getoon quyebote.

Yibbaatoo 4:40

Neennaa ne shiijjeroonoyich mooyo bulli kaamemmoyich, ne Nuggishoo Doono Yeeri bulli yemeenoon ne beeyemmoyich neech bi immiibeeti showoo, neecho tuneree bi beeyemmonaa arooch koteree ne yagemmonoyich, hanaach ta gettaabeeti sheeroonaa getoonon quyebe” iye.

Yibbaatoo 5:16

“ ‘Ne Nuggishoo Doono Yeeri ta, neech gettetoommon, neech ta immaabeeti showooch koteree ne yagemmoyich, mooyo bulli neech bi kaamemmoyichoo, ne nihoonaa ne indeenon oogiibe.

Yibbaatoo 5:30

“ ‘And hami boonoshi duukkaanooch boonoshi wottemmoyich gete.

Yibbaatoo 5:33

Kashoona ittoshi beeyemmoyich, ittoshichoo mooyo kaamemmoyich, ittoshi hajjemmi showooch koteree ittoshi yagemmoyichoo, ittoshi Nuggishoo Doono Yeeri ittoshich gettiti boochoona hambote.

Yibbaatoo 6:17

Ittoshi Nuggishoo Doono Yeeri ittoshich gettiti getoon, doyoonaa qociyoonon manjii quyebote.

Yibbaatoo 6:18

Mooyo neech bi kaamemmonaa Doono Yeeri ne qaabbechinaꞌoyich wogeꞌi bi gibenikkiti gaawe showooch giyi ne woraashemmonoyich, Doono Yeeri aafooch tatoonaa gaawetona tuneti mooyon tuniibe.

Yibbaatoo 6:3

Ebich Israꞌeeleenaꞌote, ebi ta getoon elle waayebote. Quyeshoo getote. Ebin ittoshi tuniigaata, mooyo ittoshich kaamemmone; ittoshi qaabbechinaꞌochi Nuggishoo Doono Yeeri gibenikkitoommon, ejjoonaa eeyona xuupphiibeeti showoochaa oogichi meettemmo ittoshine.

Yibbaatoo 8:6

“Illa ebich, bi gommona hamibee, biinoo shatibee, ne Nuggishoo Doono Yeerichi getoon waayebe.

Hibireena'o 12:25

Gettiibeeti Yeerin waayeyaache ittoshi getaachemmoyich ittoshi qelloon ariibote! Ebi areenaꞌo showee toommoochaa Yeeri gettiton waayeyaachone boonoshi iyooba, Yeerichi nalloochee muricaaneenaꞌone; ebich no wotta shimaayoochaa gettiibeeti Yeer waanee gubb no shoki gaata, aabichiree Yeerichi nalloochee muriccehone?

Yaaqobi 1:25

Tunebaani axaaxoochee biishee beeti, shappaalli ceeni sheeroon ciinniꞌi are sheeroona manjiibeeti, waayeenoo batteyaanoon shuunee toommooch heechiibeeti asho, bi shuuneebeeti shuunoona diireyemmone.

Yaaꞌoo 22:14

Boonoshich daaggeetaa, kelloona katemee maac giyiree kashee michi aafoochee boonoshi maayemmoyich, boonoshi qoreddoon machii xallii beetinaꞌo diireetinaꞌone.

Ruuti 3:1

Ikke areddoon Naꞌoomi Ruutich ishichiyan: “Ne qellee kexona ne beeyemmon shunneti taane. Ebich neech tunemmi kenoon qaawoo taach qaawiihe.