Yibbaatoo 4:9 - Kafa Linguistics Project

^9-10 “Doono Yeeri ‘Asheenaꞌon ta waan kicibe. Showee toommooch kashoona boonoshi beemmi yemeeno bullin taan shaton boonoshi doyemmoyich, boonoshi bushiishoonoo boonoshi dojjemmoyich, ta qaaroon boonoshich waayiyemmo taane’ iꞌi bi gettiyooba, ittoshi Nuggishoo Doono Yeeri aafooch, Kooreebi guudooch ittoshi neexeti aaboon batteyaahote. Ebi ittoshi aafoona ittoshi beeggiti mooyon ittoshi batteyaachemmoyich, wotta kashoona ittoshi beemmi yemeeno bullin ittoshi mulloochee bi aalleyaachemmoyich, kupphiiree ittoshi qelloon ariibote! Ebi mooyon ittoshi bushiishoonaa bushaa bushiishoonoyichoo dojjibote.

Yibbaatoo 4:9 ပူးပေါင်းရင်းမြစ်များ

Halloo 18:19

Kaamoonaa tate mooyonon tuniyoona ta gommon boonoshi quyemmoyich, bi bushiisheenaꞌonaa biyee gubbi shiijjereenaꞌona taach deꞌa ii beetinaꞌon bi tuniyemmoyich, biin kaacceto taane; bi bushiisheenaꞌo ebin boonoshi tuniigaata, biich ta getteti mooyo bullin tuniyemmo taane” iye.

Shoddo 119:11

Axaaxoona neen ta xuꞌaachemmoyich, ne qaaroon ta mullooch kotiihoye.

Shoddo 71:18

Yeero, ne hakkoonaa ne giidoonon, woyemmi shiijjeroyich ta awaajjimmi wottoon, geeneꞌa ta bukketaanona taan duppaahine.

Keyo 10:2

Ebiyoo Gibitseenaꞌon aabichaꞌa boonoshi kashoona ta kaacheto gaata, wotta boonoshi daggooch am shaahe worganikkiti malleteenaꞌon ta tuniito gaata, ittoshi bushiisheenaꞌonaa ittoshi bushaa bushiisheenaꞌonoyich ittoshi gettemmoyichiye. Arooba Doono Yeeri ta tunoon ariyemmo ittoshine” iye.

Keyo 23:13

“Ta getteto bullin manjiiree quyebe. Bare nuggisheenaꞌo waan corootiyaahine. Boonoshi shigoonona ceeggaahine.

Shaahiyoo 1:8

Ta bushoocho, ne nihoochi ciicoon waayebe; ne indee dojjaa beetonoo qajjaahine.

Shaahiyoo 23:26

Ta bushoocho, gaawichi ellebe; ne aafeenaꞌo ta gommon ciineete.

Shaahiyoo 3:21

Ta bushoocho, gaawe shalligoonaa gaawe gaboonon kupphii yeshe; eboshi ne aafoochee wokkaayeete.

Shaahiyoo 7:1

Ta bushoocho, ta qaaroon waayebe; ta geteenaꞌonoo ne mullooch kotiibe.

Isiyaasi 38:19

Hanaach ta tuniyaa beetoommon, neen galletemminaꞌo kashechinaꞌone; niheenaꞌo boonoshi bushiisheenaꞌoyich, gibeneeto ne tunoon arichiiheete.

Isiyaasi 42:20

Israꞌeelo, meeti mooyon beeggeto neene; tunebaani gabaa deꞌaachine; ne waamo qechoone; tunebaani waayeyaachine.

Erimiyaasi 17:21

Doono Yeeri ta ishichiyoye: “Shambetooba shaagoon shaagiree Yerusaalemi uxeree kelloona giyaahote; ittoshi qelloon ariibote!

Luqaasi 8:18

Illa aabichiree ittoshi waayemmo gaata, ittoshi qelloon ariibote! Beetoyich daakkaa ichemmone; tunebaani amolla aallo waanee biich beeti shaahiibeeti giishechewolla tiijjeyemmine” iye.

Efesooni 6:4

Niheenaꞌote, Doono Yesuusina ciici dojjibee sheeriree dichibotalli, ittoshi bushiisheenaꞌo ippemmoyich tuniyaahote.

Yibbaatoo 11:19

Ittoshi bushiishoyichoo dojjibote. Kexooch ne kotaa beegaata, gommona ne hammaa beegaata, ne qeyaa beegaata, ne tiyaa beegaatoo ne noonoochee kuxaanoon gete.

Yibbaatoo 12:1

Muusi Israꞌeeleenaꞌoyich ishichiye: “Ittoshi qaabbechinaꞌochi Nuggishoo Doono Yeeri, ittoshi hajjemmoyich, ittoshich bi immiibeeti showooch kashoona ittoshi beemmi yemeeno bulliich manjii ittoshi quyemmi qociyeenaꞌonaa doyeenaꞌona eboshine.

Yibbaatoo 16:3

Ebi meenon ne maa beegaata, shittoo gedaa kachiti koshona maayaahine. Beebee ne echeti Gibitsee afaafinoona ne keyiyooba ne tuniitoommon, shabaatte qemi wottoon shittoo giyaani koshon maayemmo neene. Ebiyoo xuuxee kosho getteyemmone. Ebin tuniyoo Gibitsee ne kecheti aaboon, kashoona ne beemmi yemeeno bullin neech shalligichemmone.

Yibbaatoo 17:19

Bi Nuggishoo Doono Yeerin shaton bi doyemmoyich, hini sheeroonaa qociyoonon manjii bi quyemmoyich, hini macaafo bi waanee baraaye. Kashoona bi beemmi yemeeno bullin qemi qemona shemmebe.

Yibbaatoo 29:29

“Gaxxeyaani mooyo no Nuggishoo Doono Yeerichone; tunebaani noonnaa no shiijjeroona bulli yemeenoon no quyemmoyich, Doono Yeeri bi sheeroon nooch gaxxitone” iye.

Yibbaatoo 31:19

“Illa and hini shoddoon kooriree, Israꞌeeleenaꞌoyich dojjibote. Boonoshi toommooch miixoo bi tunemmoyich, ebi shoddoon boonoshi mulloona boonoshi yechemmoyich tuniibote.

Yibbaatoo 32:46

boonoshich ishichiye: “Ittoshi toommooch miixoo bi tunemmoyich hanaach ittoshich ta gettaabeeti qaaro bullin manjiiree ittoshi mullooch yeshote. Hini sheeree qaaro bullin ittoshi bushiisheenaꞌo gibeneetinaꞌo tuneree boonoshi quyemmoyich, boonoshich dojjibote.

Yibbaatoo 4:15

Muusi Israꞌeeleenaꞌoyich ishichiye: “Doono Yeeri Kooreebi guudoochaa, qaaqqee daggoochaa ittoshich bi yibbaatehooba, bi shaahoon beegaano ittoshine. Ebich ittoshi qelloon ariibote!

Yibbaatoo 4:23

Ittoshi Nuggishoo Doono Yeeri ittoshina tookkii bi giyiti wogoon ittoshi batteyaachemmoyich, ittoshi goyinne maddaachemmoyich bi bajjiti, amee shaahoonona shuuneebeeti shahalloon ittoshi shuuneyaachemmoyich ittoshi qelloon ariibote!

Yibbaatoo 6:12

guuno tunaꞌa beebee ne echeti Gibitsee neen kichii deebiti Doono Yeerin ne batteyaachemmoyich ne qelloon ariibe!

Yibbaatoo 6:2

Kashoona ittoshi beemmi yemeeno bullin ittoshi, ittoshi bushiisheenaꞌonaa bushaa bushiisheenaꞌona ittoshi Nuggishoo Doono Yeerin shatote. Ittoshich ta immaabeeti qociyoo bullinaa geto bullinon quyebote. Ebin ittoshi tuniigaata, are showooch koteree yagemmo ittoshine.

Yibbaatoo 6:20

“Woyemmi yemeenooch, ne bushiishoo ‘No Nuggishoo Doono Yeeri ittoshich gettiti arichiyeenaꞌo, qociyeenaꞌonaa doyeenaꞌonochi mooyo, ama getone?’ iꞌi neen boonoshi echehooba,

Yibbaatoo 6:7

Ne bushiishoyichoo manjii dojjibe. Kexooch ne kotaa beegaata, gommona ne hammaa beegaata, ne qeyaa beegaata, ne tiyaa beegaatoo, ne noonoochee kuxaanoon gete.

Yibbaatoo 8:11

“Ebi hanaach neech ta gettaabeeti bi geteenaꞌon, doyeenaꞌonaa qociyeenaꞌonon quyee qayona ne Nuggishoo Doono Yeerin ne batteyaachemmoyich ne qelloon ariibe!

Yibbaatoo 8:14

ne mullo geecaa, Gibitsee showeexi guuchittinoochee neen kichii deebiti ne Nuggishoo Doono Yeerin ne batteyaachemmoyich ne qelloon ariibe!

Hibireena'o 2:1

Ebich no waayeti mooyoochee muriciree no dihaachemmoyich, no waayeti mooyoyich beshoon no qelloon quyo nooch qaawiihe.

Hibireena'o 2:3

Ebich nowochi, ebiyoommi worganikkiti wodoon no qayenegaata, aabichiree muricon hakkehone? Ebi wodeechon shiichiꞌi gettito Doono Yesuusine; waayetinaꞌoo ebi iberoo bi tunoon nooch manjiitinaꞌone.

Yaaqobi 2:22

Bi mullee tooꞌiyoon shuunee toommooch heechiito bi tunoon beegaachine? Ebich bi shuuneti shuunoona bi mullee tooꞌiyoo shappaalli ceeno tunetone.

Yaasi 1:18

Ne geto bullin qajjimmo, ne getaa waayeyaano bulli qitibe. Ne baach kupphebe; maac kuxoonoo tunebe” iyeete.

Yaasi 23:11

Ebich ittoshi Nuggishoo Doono Yeerin shunniibeeto ittoshi tunoon manjiiree ariibote.

Yaasi 4:21

Israꞌeeleenaꞌoyichoo ishichiye: “Gubbich ittoshi shiijjereenaꞌo ‘Ebi xaqqeenaꞌo ameechinaꞌone?’ iꞌi boonoshi echehooba,

Yaaꞌoo 3:3

Illa waayaa ne ariiti mooyinaꞌon gabibe; ebi are mooyinaꞌonoo quyebe; axaaxee gommoochee Yeer waan wottebe. Qaalloo ne qayigaata, diqqoona ne beetaa gaayo womoommon, neech woyemmo taane; amee saatooch ta woyemmo gaata ariyaano neene.

Woraaferasheenaꞌo 3:7

Israꞌeeleenaꞌo Doono Yeeri aafooch axaaxoon shuuneheete. Boonoshi Nuggishoo Doono Yeerin batteꞌi Baꞌaaloonaa Asheerinochi shahalloon goyinnee maddeheete.

Woraaferasheenaꞌo 8:34

Boonoshi guudoona beeti boonoshi etteenaꞌo kishoochee boonoshin shiwee wodiiti boonoshi Nuggishoo Doono Yeerin shalligaaneenaꞌone.