Yibbaatoo 4:6 - Kafa Linguistics Project

⁶ Ebi ittoshich ta dojjiton manjiiꞌi ittoshi quyegaata, oogeti shalligechi asho ittoshi tunoon aagetee asheenaꞌoyich bekkiyemmo ittoshine. Ebi qociyoon boonoshi waayegaata, ‘Iberoon meetonaa arichetona tuneti ebi asheenaꞌo shalligechinaꞌonaa yiiteenaꞌona tuneti asheenaꞌone’ gettemminaꞌone.

Yibbaatoo 4:6 ပူးပေါင်းရင်းမြစ်များ

1 Taateenaꞌo 4:34

Solomoonichi ariyoon waayeti, showee toommo bulliich beeti taateenaꞌo waanee wocheyechinaꞌo bi ariyoon waayoyich waa beeheete.

Iyoobi 28:28

Biyoo ashich, ‘Illa ebiyoche, shalligoo geto, Doono Yeerin shatone; gonde mooyoochee wohoo, ariyoone’ itone” iye.

Shoddo 111:10

Ariyoo bulliyee shiichoo Doono Yeerin shatone; biin shattii beetinaꞌo gaawe shalligechinaꞌone; biyoo bulli yemeenoon galletee beeyemmone.

Shoddo 19:7

Doono Yeerichi sheeroo ceenoone; kashoon andiriihe; Doono Yeerichi sheeroo gibeneetone; tuushoon ariyecho tuniihe.

Shoddo 19:8

Doono Yeerichi doyoo kaamoone; mulloon emirikkiye; Doono Yeerichi geto xalloone; ashi aafoyich bekkoon immiye.

Shaahiyoo 1:4

Ariyaaneenaꞌon accechinaꞌo, gurimaasheenaꞌon ariyechinaꞌonaa mullechinaꞌonon tuniiheete.

Shaahiyoo 1:5

Mullechi asheenaꞌo waayeree beshoon mullechinaꞌo boonoshi tunemmoyich, mooyon goommii deqqechinaꞌoo ariyoon aroochee boonoshi danemmoyich tuniiheete.

Shaahiyoo 1:7

Doono Yeerin shato ariyee shiichoone; tunebaani tuusheenaꞌo shalligoonaa sheeroonon hoxeheete.

Shaahiyoo 14:34

Cadiqoo maccoon kaama kaama oogiihe; tunebaani axaaxoo maccoon cooniihe.

Shaahiyoo 14:8

Ariyechochi shalligoo, bi gommon bi muricaachemmoyich tuniihe; tunebaani tuushoon mullee mucco muriciihe.

Isiyaasi 42:21

Doono Yeeri bi cadiqittinoyicha iꞌi, bi sheeroon oogiyoonaa moogiyoonon shunniye.

Erimiyaasi 8:9

Ariyechinaꞌo Doono Yeeri ta qaaroon qajjitinaꞌone; illa amee ariyoo boonoshich beete? Ebich boonoshiyoo yeelle keqqemminaꞌone; kecaanoo hammemminaꞌone.

Hiziqeeli 5:5

Nuggishoo Doono Yeeri ishichiye: “Ebi Yerusaalemine; showeenaꞌon bi guudoona tuniyaa, aageteenaꞌo daggooch biin kotiito taane.

Daaneeli 1:20

Boonoshiyoo taatoo boonoshin echeti mooyo bullin ariyoonaa shalligoona bi taatee showoo bulliich beeti kaayechinaꞌonaa allaameenaꞌo bullinoyee aashire kishoon beshiꞌi bekkeheete.

Daaneeli 4:9

“Yiiteenaꞌochi ukkiroo tuneti Belxesooro! Yaafe nuggisheenaꞌochi ayaano ne toommooch bi beemonaa aacheeti mooyo bullin ariibeeto ne tunoonon ariibeeto taane. Ta gummeti gumo ebiyoche, taach biishiree gete!

Hosee'i 8:12

Sheerooch beeti wodde mooyon boonoshich kooriyoye; tunebaani boonoshi dallaawe mooyon tuniiꞌi ciinniyeete.

Milikiyaasi 3:12

Ebiyee bekk ittoshi showoo emiree showoo tunemmo bi tunetoyich, aageteenaꞌo bulli ittoshin diireetinaꞌo geti ceeggemminaꞌone” iye Beshe Mawe Doono Yeeri.

Yibbaatoo 29:9

Ebich ittoshi tuniibeeti mooyo bulli ittoshich bi kaamemmoyich, hini wogeeti wogoon manjii quyebote.

Yibbaatoo 32:46

boonoshich ishichiye: “Ittoshi toommooch miixoo bi tunemmoyich hanaach ittoshich ta gettaabeeti qaaro bullin manjiiree ittoshi mullooch yeshote. Hini sheeree qaaro bullin ittoshi bushiisheenaꞌo gibeneetinaꞌo tuneree boonoshi quyemmoyich, boonoshich dojjibote.

Yibbaatoo 32:47

Ebi qaaro ittoshich kashoon immiibeeti qaaroani, duube qaaro toonoone. Ebi aroon quyoona Yoordaanoosin kimi hamiree ittoshi woraashemmi showooch meeti yemeenoon kotemmo ittoshine” iye.

2 Ximootiyoosi 3:15

Kiristoos Yesuusi toommooch mullee tooꞌiyoona wodoo daneebeeti shalligoon neech imon hakkiibeeti Yaafe Macaafeenaꞌon ne bushittinoochee tiijjaꞌa ariito neene.

Yaaqobi 3:13

Ittoshi daggoochee ariyechonaa shalligechona konine? Shalligoonaa shiimoona deꞌe shuunoon shuunebee gaawe bi qocoona ebin bekkiibe.