Yibbaatoo 4:5 - Kafa Linguistics Project

⁵ “Illa ebiyoche, ta Nuggishoo Doono Yeeri taach gettitoommon tuniiꞌa, qociyoonaa doyoonon ittoshich dojjito taane. Giyi ittoshi woraashemmi showoochaa ebin quyebote.

Yibbaatoo 4:5 ပူးပေါင်းရင်းမြစ်များ

Shoddo 71:17

Yeero, ta bushittinoochee tiijjaa taan dojjito neene; tawoo and beddaahaa worganeeti ne shuunoon awaajjaabeeto taane.

Keyo 18:20

Yeerichi qociyoonaa sheeroonon boonoshich dojjibe. Aabichiꞌi beemo boonoshich qaawiibeeto gaata, amoon shuuno boonoshich qaawiibeeto gaatoo, boonoshich arichiibe.

Erimiyaasi 11:6

Doono Yeeriyoo taach ishichiye: “Ebi qaaro bullin Yihudee katemeenaꞌonaa Yerusaalemi addibaaboonoochaa ishichi gete: ‘Ebi wogee qaaroon waayebote; ceechishoo getote;

Hiziqeeli 20:11

Asho bi ceechigaata kashoona bi beeyemmi ta qociyoon boonoshich immeho; ta getoonoo boonoshich arichiiho.

Leweenaꞌo 19:19

“ ‘Ta qociiti qociyoon quyebote. “ ‘Yara bare gijjeenaꞌo shuggeyemmoyich tuniyaahote. “ ‘Ne goyooch gutte maayi yaroon shookkaahine. “ ‘Gutte mooyoochee shippeti tahoon taheyaahine.

Leweenaꞌo 26:46

Doono Yeeri Israꞌeeleenaꞌonaa biinnochi daggooch bi beeyemmoyich Siini guudi toommoochaa Muusina bi immiti qociyoo, doyoonaa sheeroona ebine.

Leweenaꞌo 27:34

Doono Yeeri Siini guudi toommoochaa Muusina Israꞌeeleenaꞌoyich bi gettiti geto ebine.

Leweenaꞌo 7:38

Doono Yeeri Siini barahoochaa deejjoon biich boonoshi giddiyemmoyich Israꞌeeleenaꞌoyich bi gettiyooba, Siini guudi toommoochaa Muusich bi gettiti geto ebine.

Mishiraachechinaꞌo 20:27

Ebiyoo Yeerichi gaboochee amoonolla echiyaanoon bullin ittoshich ta gettetoyichiye.

1 Qorontoosi 11:28

Ebich asho bi qelli qelloona shiichiree bi mulleexi mooyon xiishiichi, are koshoochee mame; xoofoocheenoo uye.

1 Qorontoosi 15:3

Wotta taach icheti bulliyee beshe mishiraachee qaaroon beshii ittoshich immeto taane. Ebiyoo Yaafe Macaafooch bi kooreetoommon, Kiristoosi no axaaxoyicha iꞌi qitiye; duukkehe; Yaafe Macaafooch bi kooreetoommon, keejje qemooba qitoochee tiyiye.

Yibbaatoo 11:32

hanaach ittoshich ta gettaabeeti qociyeenaꞌo bullinaa doyeenaꞌo bullinon ittoshi tuniyemmoyich, ittoshi qelloon ariibote” iye.

Yibbaatoo 4:1

Aroochee Muusi Israꞌeeleenaꞌoyich ishichiye: “Illa and Israꞌeeleenaꞌote, kashoona ittoshi beeyemmoyich, ittoshi qaabbechinaꞌochi Nuggishoo Doono Yeeri ittoshich bi immiibeeti showooch giyi ittoshi woraashemmoyichoo, ittoshich ta qociibeeti qociyoonaa ta dojjaabeeti doyoonon quyebote.

Yibbaatoo 4:2

Ebi ittoshich ta gettaabeeti qaaree toommooch amoonolla daakkiyaahote. Aroochee amoonolla shappiiyaahote. Ebi ittoshich ta gettaabeeti no Nuggishoo Doono Yeerichi getoon quyebote.

Yibbaatoo 4:4

Tunebaani ittoshi Nuggishoo Doono Yeerich gibeneeti ittoshi bulli ebiyoche, hanaach beddaahaa kashoona beeto ittoshine.

Yibbaatoo 4:40

Neennaa ne shiijjeroonoyich mooyo bulli kaamemmoyich, ne Nuggishoo Doono Yeeri bulli yemeenoon ne beeyemmoyich neech bi immiibeeti showoo, neecho tuneree bi beeyemmonaa arooch koteree ne yagemmonoyich, hanaach ta gettaabeeti sheeroonaa getoonon quyebe” iye.

Yibbaatoo 5:1

Muusiyoo Israꞌeeleenaꞌo bullin ceeggiꞌi boonoshich ishichiye: “Israꞌeeleenaꞌote, hanaach ittoshich ta gettaabeeti ebi qociyeenaꞌonaa doyeenaꞌonon elle waayebote. Eboshin doyibote; manjiireeshoo quyebote.

Yibbaatoo 6:1

“Ittoshich ta dojjemmoyich ittoshi Nuggishoo Doono Yeeri taach immiti geto, qociyoonaa doyoona ebine. Arooch giyi ittoshi hajjemmi showoochaa eboshin quyebote.

Yibbaatoo 7:11

Illa ebich hanaach neech ta getteti getoon, qociyoonaa doyoonon quyebe” iye.

Yibbaatoo 8:11

“Ebi hanaach neech ta gettaabeeti bi geteenaꞌon, doyeenaꞌonaa qociyeenaꞌonon quyee qayona ne Nuggishoo Doono Yeerin ne batteyaachemmoyich ne qelloon ariibe!

Hibireena'o 3:5

Muusi gubb Yeeri gettemmi mooyoyich miixoo tuneya Yeerichi kechi asheenaꞌo bulli daggooch aafee bushoochoommon gibeneetone.