Yibbaatoo 4:40 - Kafa Linguistics Project

⁴⁰ Neennaa ne shiijjeroonoyich mooyo bulli kaamemmoyich, ne Nuggishoo Doono Yeeri bulli yemeenoon ne beeyemmoyich neech bi immiibeeti showoo, neecho tuneree bi beeyemmonaa arooch koteree ne yagemmonoyich, hanaach ta gettaabeeti sheeroonaa getoonon quyebe” iye.

Yibbaatoo 4:40 ပူးပေါင်းရင်းမြစ်များ

Shoddo 105:45

Ebiyoo bi qociyeenaꞌon boonoshi quyemmonaa bi sheereenaꞌon boonoshi ceechemmonoyichiye. Haleluya!

Keyo 20:12

“Ne Nuggishoo Doono Yeeri ta, neech ta immemmi showooch koteree ne yagemmoyich, ne nihoonaa ne indeenon oogiibe.

Keyo 23:26

ne showee daggooch borihiyaabeeti maachee woyee xaafee tuneti maachee daneyaachemmine; kashee genjoonoo neech immemmo taane.

Dojjecho 8:12

Axaaxecho balle wottoon gondoon shuuneebee bi eeno genjetaanona, mooyo bi kaamemmo Yeerin shattii beetinaꞌonaa biin oogii beetinaꞌonoyich bi tunoon ariiho.

Isiyaasi 65:20

Ebiyee bekk giisheche aaboon baach beeyemmi gaggeroo woyee eenon miyaani geeno daneyaachemmone; balle nattiti asho bi qitigaata gooraalloon qititooch haddeyemmone; ikke asho ball nataanoon bi qitigaata bi axaaxoyich uppeto tune haddeyemmone.

Erimiyaasi 11:4

ebiyoo boonoshi qaabbechinaꞌon Gibitsee, xuuroo wocciibeeti gemmoochee ta kichiyooba, “Ta qaaroon waayebote; ittoshich ta getteto bullin tuniibote; ebi tunegaata, ittoshi ta ashoon tunemmo ittoshine; tawoo ittoshi Nuggishoo tunemmo taane” iyaꞌa ta gettetone.

Erimiyaasi 35:18

Aroochee Erimiyaasi Rekaabichi Yareenaꞌoyich ishichiye: “Israꞌeelee Nuggishoo, Beshe Mawe Doono Yeeri ishichiye: ‘Ittoshi qaabbechi Yonadaabich deꞌa ittoshi itoyich, bi geto bullin ittoshi quyetoyich, ittoshich bi gettito bullinoo ittoshi ceechitoyich,

Erimiyaasi 7:23

Tunebaani ‘Ta qaaroon waayebote; ta, ittoshi Nuggishoon tunemmo taane; ittoshiyoo ta maccoon tunemmo ittoshine; ittoshich bi kaamemmoyich, ta gommona hambote’ iyaꞌa boonoshich getteto taane.

Erimiyaasi 7:7

ittoshi qaabbechinaꞌoyich bulli yemeenoyich ta immeti xaaꞌoo hini showooch ittoshin kotiyemmo taane.

Leweenaꞌo 22:31

“Ta getoon waayebote. Ceechishoo getote. Ta, Doono Yeeri taane.

Haddoo 10:29

Muusiyoo Miidiyamee asho tuneti, bi abboo Reweeli bushoo Hobaabich ishichiye: “Doono Yeeri ‘Ittoshich immemmo taane’ bi iti xaaꞌooch hammaabeeto noone. Doono Yeeri Israꞌeeleenaꞌoyich gaawe mooyon tuniyoyich gibenikkitone; noonna tookki hambe. Nowoo gaawe mooyon neech tuniyemmo noone” iye.

Yowannisi 14:15

“Taan shunniibeeto ittoshi tunegaata, ‘Tuniibote’ iyaꞌa ta getteton ceechemmo ittoshine.

Yibbaatoo 11:9

Boonoshinaa boonoshi shiijjereenaꞌonoyich imma Doono Yeeri ittoshi qaabbechinaꞌoyich wogeꞌi bi gibenikkiti, ejjoonaa eeyona xuupphiibeeti showooch meeti yemeenoon kotemmo ittoshine.

Yibbaatoo 12:25

Doono Yeeri aafoochaa tato tuneti mooyon ne tuniyoona, neennaa ne shiijjereenaꞌonoyich mooyo bi kaamemmoyich, damoon maayaahine.

Yibbaatoo 12:28

Ebi neech ta getteti mooyinaꞌo bullin ceechi ne quyemmoyich ne qelloon ariibe! Ebin ne tuniigaata, ne Nuggishoo Doono Yeeri aafooch tatoonaa kaamoona tuneti mooyon ne tuniyoona, mooyo bulli neennaa ne shiijjereenaꞌonoyich bulli yemeenoon kaamemmone” iye.

Yibbaatoo 22:7

Indeen gawukkaachaa, kafee bushiishoon daamon hakkihine. Ebin ne tuniigaata, mooyo neech mashaamaa, meeti yemeenoon beeyemmo neene.

Yibbaatoo 25:15

Ne Nuggishoo Doono Yeeri neech immiibeeti showooch koteree ne yagemmoyich, tatoonaa gibeneetona tuneti machee qiicoonaa qeellee qiicoona neech beebe.

Yibbaatoo 32:47

Ebi qaaro ittoshich kashoon immiibeeti qaaroani, duube qaaro toonoone. Ebi aroon quyoona Yoordaanoosin kimi hamiree ittoshi woraashemmi showooch meeti yemeenoon kotemmo ittoshine” iye.

Yibbaatoo 33:25

Bi uxeree kellee tuggo xuuroonaa gooshoona tunebe; bi yemeeno bullinoo diggoona beebe” iye.

Yibbaatoo 4:1

Aroochee Muusi Israꞌeeleenaꞌoyich ishichiye: “Illa and Israꞌeeleenaꞌote, kashoona ittoshi beeyemmoyich, ittoshi qaabbechinaꞌochi Nuggishoo Doono Yeeri ittoshich bi immiibeeti showooch giyi ittoshi woraashemmoyichoo, ittoshich ta qociibeeti qociyoonaa ta dojjaabeeti doyoonon quyebote.

Yibbaatoo 4:2

Ebi ittoshich ta gettaabeeti qaaree toommooch amoonolla daakkiyaahote. Aroochee amoonolla shappiiyaahote. Ebi ittoshich ta gettaabeeti no Nuggishoo Doono Yeerichi getoon quyebote.

Yibbaatoo 4:5

“Illa ebiyoche, ta Nuggishoo Doono Yeeri taach gettitoommon tuniiꞌa, qociyoonaa doyoonon ittoshich dojjito taane. Giyi ittoshi woraashemmi showoochaa ebin quyebote.

Yibbaatoo 4:6

Ebi ittoshich ta dojjiton manjiiꞌi ittoshi quyegaata, oogeti shalligechi asho ittoshi tunoon aagetee asheenaꞌoyich bekkiyemmo ittoshine. Ebi qociyoon boonoshi waayegaata, ‘Iberoon meetonaa arichetona tuneti ebi asheenaꞌo shalligechinaꞌonaa yiiteenaꞌona tuneti asheenaꞌone’ gettemminaꞌone.

Yibbaatoo 5:10

Tunebaani taan shunnii beetinaꞌonaa ta getoon waayee beetinaꞌonoyich hume shiijjerooch beddaahaa ta shunoon bekkiibeeto taane.

Yibbaatoo 5:16

“ ‘Ne Nuggishoo Doono Yeeri ta, neech gettetoommon, neech ta immaabeeti showooch koteree ne yagemmoyich, mooyo bulli neech bi kaamemmoyichoo, ne nihoonaa ne indeenon oogiibe.

Yibbaatoo 5:29

Boonoshinaa boonoshi shiijjereenaꞌonoyich bulli yemeenoon mooyo bulli kaamemmoyich, taan boonoshi shattemmonaa bulli aaboon ta getoon boonoshi quyemmonoyich, ebiyoommi gaboo bulli aaboon abo boonoshichoo beeba!

Yibbaatoo 5:33

Kashoona ittoshi beeyemmoyich, ittoshichoo mooyo kaamemmoyich, ittoshi hajjemmi showooch koteree ittoshi yagemmoyichoo, ittoshi Nuggishoo Doono Yeeri ittoshich gettiti boochoona hambote.

Yibbaatoo 6:18

Mooyo neech bi kaamemmonaa Doono Yeeri ne qaabbechinaꞌoyich wogeꞌi bi gibenikkiti gaawe showooch giyi ne woraashemmonoyich, Doono Yeeri aafooch tatoonaa gaawetona tuneti mooyon tuniibe.

Yibbaatoo 6:3

Ebich Israꞌeeleenaꞌote, ebi ta getoon elle waayebote. Quyeshoo getote. Ebin ittoshi tuniigaata, mooyo ittoshich kaamemmone; ittoshi qaabbechinaꞌochi Nuggishoo Doono Yeeri gibenikkitoommon, ejjoonaa eeyona xuupphiibeeti showoochaa oogichi meettemmo ittoshine.

1 Ximootiyoosi 4:8

Iiwittinoon danoyich ashittinoon kupphiyee dojjoo giisheche mooyoyich gaaccemmone; tunebaani Yeerich diireeti kittinnittinee qocoona beemoyich qellee dojjoo, and hini showee toommooch no beeti beemonaa gubbichoo shimaajji kexooch no beeyemmi beemonoyich gibenikkiibeeto bi tunetoyich, mooyo bullich gaaccemmone.