Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yibbaatoo 4:39 - Kafa Linguistics Project

39 “Illa and damba shimaayooch tuneba desh showooch, Doono Yeeri baach Nuggishoo bi tunoon, bare nuggishoo aallo bi tunoonoo shalligibe. Ebinoo ne mullooch manjii yeshe.

အခန်းကိုကြည့်ပါ။ ကော်ပီ




Yibbaatoo 4:39
24 ပူးပေါင်းရင်းမြစ်များ  

Nuggishoo Doono Yeero, am shaahe oogoo neene! Neen shaahemmo koniyoona aalloone. No waamona no waayetoommon, neyee bare nuggishoo aalloone.


“Doono Yeero, neen shaahemmo koniyoona aalloone. No waamona no waayetoommon, neyee bare nuggishoo aalloone.


“Newoo ta bushoo Solomoono, Doono Yeeri, mullo bullin haattiibeeto bi tunetoyich, ashi gaboo bullinoo ariibeeto bi tunetoyich, ne nihoochi Nuggishoon ariibe; ceeni ne mulloona, ne hajjee daaggoonoo biich maddebe; biin ne qaawigaata danemmo neene; tunebaani biin ne qayigaata bulli yemeenoon neen qajjemmone.


Doono Yeero, shimaayoonaa showoonooch beeto bulli neecho bi tunetoyich, oogo, giidoo, oogee yiiroonaa wudoona neechone; taatittinoo neechone. Newoo bulliyee beshiti taatoo neene.


ishichiye: “No qaabbechinaꞌochi Nuggishoo Doono Yeero, shimaayooch beechaa aagetee taatittino bullin qeejjaabeeti Nuggishoo neene. Giidoonaa hakkoona ne kishoochiye. Neen wochoon hakkemmo, koniyoona aalloone.


Doono Yeeri Nuggishoo bi tunoon ariibote; noon hallito biine; nowoo biicho noone; gaddooch beeti bagoommi bi asho noone.


No Nuggishoo shimaayoochiye; biin emirikkimmon tuniyemmone.


Showoonaa shimaayoonooch, baharoonaa waarwaare aaco bullinooch, Doono Yeeri bi shunnimmon tuniyemmone.


Farooniyoo “Yaach tunebe” iye. Muusiyoo ishichiꞌi wochiye: “No Nuggishoo Doono Yeeriyoommi bare nuggishoo koniyoona aallo bi tunoon ne ariyemmoyich, ne gettetoommon tunebe.


Gattoo bi doonon arii beetone; kuroo bi doonochi magedoon arii beetone; tunebaani Israꞌeeleenaꞌo ariyaaneenaꞌone; ta asheenaꞌoo shalligaaneenaꞌone” iye.


“Nuggishoo ta tunoon shalligiree, taan ittoshi ariyemmonaa ittoshi gibenemmonoyich, ta kaacceti ta guuno, ta miixoo ittoshine” iye Doono Yeeri. “Tayee aaf nuggishoo aalloone; tayee gubboo beetaachemmone.


Shattaahote; keqqiyaahote; wonnee tiijjaꞌa ittoshich getaano taane? Ittoshi ta miixoo ittoshine; tayee bare nuggishoo beete? Tayee bare Xaqqee Inderoo aalloone; koninolla ariyaache” iye.


Boonoshi gifiree xaaꞌooch ooge ximboonaa giishi ximboona, kamboonaa shumburoona, woyinee uyoo beetone; tunebaani Doono Yeeri tuniiton, bi shuuneti shuunoonoo gabaaneenaꞌone.


Showooch beeti asheenaꞌo bulli bi aafoochaa am bedaaneenaꞌone; shimaayooch beeti maraakeenaꞌo toommooch, showooch beeti asheenaꞌo toommoochoo bi shunnimmon tuniihe. Biin bajjemmo, woyee “Ebi ne tuniibeeto, amoone?” gettemmo aalloone.


Tunebaani boonoshi gonde shuunoon shalligemmo ta tunoon gabaaneenaꞌone. Boonoshi axaaxoo boonoshin giichitone. Boonoshi shuunoo ta aafoochee aacheeto toonoone” iye.


Illa and shahalloyich deejjeeti deejjoon mamichon bi tunegaata, shahalloo koote nuggishoo bi tunoonaa ikke Yeeriyee damba bare nuggishoo aallo bi tunoonon ariibeeto noone.


nooch beeto, ikke Nuggishoo baachiye; biyoo Nihoo Yeerine; mooyo bullin hallito, biine; biichiye no beeto. Wotta kittinnoo nooch beeto, ikke Doono baachiye; biyoo Yesuus Kiristoosine; Yeeri bulli mooyon biinnane bi halliito; biinnane no beeto.


Doono Yeeri bi ikkeeto ittoshin yaabiye; biin gaacheti bare nuggishoo koniyoona aalloone.


Shalligechinaꞌo gaata, ebin shalligeshinaꞌone; boonoshi ciiro amo bi tunemmo gaata gabeshinaꞌone.


“Ebi mooyon ittoshi beeggemmoyich bi tuniito, Doono Yeeri bi baach Nuggishoo bi tunoonaa biyee damba baroo aallo bi tunoonon ittoshi ariyemmoyichiye.


“Israꞌeelo, elle waayebe. No Nuggishoo Doono Yeeri ikke Nuggishoone.


Ebich ne Nuggishoo Doono Yeeri baach Nuggishoo bi tunoon, gibeneeti Nuggishoo bi tunoonoo batteyaahine. Biin shunnii beetinaꞌonaa bi getoon quyee beetinaꞌonoyich hume shiijjerooch beddaahaa, bi wogoon ceechemmone; kuxeyaani bi shunoonoo bekkiyemmone.


Ebin no waayehooba, no mullo keqqoona goojjitone. Ittoshin shatoochee tiyitona keqqaani ikke asholla aalloone. Ittoshi Nuggishoo Doono Yeeri damba shimaayooch, desh showoochoo Nuggishoone.


“Doono Yeeriyoommi yaafoo aalloone; biinoommo ciroona aalloone; no Nuggishoommi deebo aalloone.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ