Yibbaatoo 4:30 - Kafa Linguistics Project

³⁰ Iritoo ittoshi toommooch shagiyooba, ebi mooyo bulli ittoshi toommooch tunehooboo ciiroochaa ittoshi Nuggishoo Doono Yeer waan wotteree biich deꞌa gettemmo ittoshine.

Yibbaatoo 4:30 ပူးပေါင်းရင်းမြစ်များ

Halloo 49:1

Ebiyee gubb, Yaaqobi bi anaami bushiishoon ceekkiiꞌi ishichiye: “Ikkooch ittoshi kiceechaa, gubb ittoshi ikkikkoo toommooch shaggemmi mooyon getona.

Shoddo 107:13

Aroochee boonoshi xuuxehooba Doono Yeer waan cookiyeete; biyoo boonoshi iritoochee boonoshin wodiihe.

Shoddo 107:6

Boonoshi xuuxee aabooba Doono Yeer waan cookiyeete; biyoo boonoshi iritoochee boonoshin wodiihe.

Shoddo 18:6

Ta xuuxehooba, Doono Yeerin ceeggehoye; ta Nuggishoo taan bi gaachemmoyich ceeggehoye. Biyoo bi yaafee kexooch beechii, ta qaaroon waayehe; ta cookoo bi waamooch shaggiye.

Shoddo 59:16

Ta xuuxee aabooba taach deeboonaa mishigoonon ne tunetoyich, ne hakkoyich shoddemmo taane; qaaroon oogichiree maaddoona, ne shoodoyich, shoddemmo taane.

Keyo 18:8

Muusiyoo Doono Yeeri Israꞌeeleenaꞌoyicha iꞌi Farooninaa Gibitseenaꞌonochi toommooch bi tuniito bullin, bi abboyich gettiye; wotta daakkiꞌi, gommoochaa boonoshi toommooch iritoo shagaa, Doono Yeeri am shaahe gommona boonoshin bi wodiito gaata bi abboyich gettiye.

Isiyaasi 1:19

Deꞌa iꞌi ta getoon ittoshi waayegaata, showoochee daneebeeti gaawe maayoon maayemmo ittoshine;

Erimiyaasi 23:20

Doono Yeeri kaaro bi mullee gaboon shuunee bi ciichimmi wottoon wotteyaachemmone; ebin gubbi yemeenooch ceenoona ariyemmo ittoshine.

Erimiyaasi 4:1

Doono Yeeri ishichiye: “Israꞌeelo! Ne wottemmo gaata, ta waan wottebe. Ciigiiti mooyon ta aafoochee ne wokkiigaata, yallyallimoon ne qayigaata,

Erimiyaasi 4:2

‘Beeyechi Doono Yeeri beege’ iyaꞌa iberoona, dayinnetoona, cadiqoonoo ne wogegaata, aageteenaꞌo taanna diireyemminaꞌone; taannoo yebenemminaꞌone” iye.

Erimiyaasi 7:23

Tunebaani ‘Ta qaaroon waayebote; ta, ittoshi Nuggishoon tunemmo taane; ittoshiyoo ta maccoon tunemmo ittoshine; ittoshich bi kaamemmoyich, ta gommona hambote’ iyaꞌa boonoshich getteto taane.

Shoosho 3:40

No gommon huushi boshebone; Doono Yeer waan wottebone.

Daaneeli 10:14

And ta waato, gubb ne asheenaꞌo toommooch tunemmi mooyon ne ariyemmoyich tuniyane. Ebi yaaꞌoo gubb tunemmi mooyoniye bi bekkiibeeto” iye.

Hosee'i 3:5

Ebiyee gubb, Israꞌeeleenaꞌo wotteree boonoshi Nuggishoo Doono Yeerinaa boonoshi taatoo Daawitinon qaawemminaꞌone. Gubbi yemeenooch Doono Yeerin shatiree bi waan wottemminaꞌone; bi diiroonoo deqqemminaꞌone.

Zakaariyaasi 6:15

Wohooch beetinaꞌo waaree Doono Yeerichi yaafee kechi shuunoon gaachemminaꞌone. Beshe Mawe Doono Yeeri taan wocheto bi tunoon ebiyooba ariyemo ittoshine. Ittoshi Nuggishoo Doono Yeerichi qaaroyich mulloochee tiijjiꞌi deꞌa ittoshi getigaata ebi tunemmone” iye.

Haddoo 24:20

Balaami yaaꞌoona Amaleeqeenaꞌon beeggiꞌi, ishichii yibbaatooch giyiye: “Amaleeqi aageteenaꞌo daggoochee ikkinnoone; tunebaani ciiroochaa aallemmone” iye.

Mishiraachechinaꞌo 26:20

Shiichaꞌa Damaasiqa beetinaꞌoyich, gubb wotta Yerusaaleminaa Yihudee showoo bullinooch beetinaꞌoyich, wotta Aageteenaꞌoyich axaaxee gommoochee Yeer waan boonoshi wottemmonaa boonoshi wottoon bekkiibeeti shuunoon boonoshi shuunemmonoyich gettoye.

Mishiraachechinaꞌo 3:19

Illa Yeeri ittoshi axaaxoon hidiree bi wokkiyemmoyich, ittoshi axaaxee gommoochee Yeer waan wottebote.

Yibbaatoo 30:10

Ebi bi tunemmo, ne Nuggishoo Doono Yeerichi qaaroon waayaa, hini Sheeree Macaafooch kooreeti bi geteenaꞌonaa bi qociyeenaꞌonon ne quyegaata, ne Nuggishoo Doono Yeer waan ceeni ne mulloonaa ceeni ne kashoona ne wottegaatane” iye.

Yibbaatoo 30:2

Neennaa ne shiijjeroona ittoshi Nuggishoo Doono Yeer waan wotteꞌi, hanaach neech ta gettaabeeti bi qaaroyich ceeni ittoshi mulloonaa ceeni ittoshi kashoona deꞌa ittoshi getaa,

Yibbaatoo 31:17

Ebi tunehooba, ta kaaro boonoshi toommooch cufemmone; boonoshin qajjemmo taane; boonoshin guudi ciinaachemmo taane; boonoshiyoo aalleminaꞌone. Meeti gonde mooyonaa iritoona boonoshi toommooch shaggemmone. Boonoshiyoo ebiyooba, ‘Ebi gonde mooyo no toommooch bi shaggito, no Nuggishoo noonna tookkii tuno bi qajjitoyich toonoone?’ gettemminaꞌone.

Yibbaatoo 31:21

Meeti gonde mooyonaa iritoona boonoshi toommooch waahooba, ebi shoddoon shalligiree, boonoshin sheeraabeeto ta tunoon ariyemminaꞌone. Boonoshi shiijjereenaꞌo mulloochee batteyaachemmone. Boonoshich imma ta wogeti showooch boonoshin batt giijjaan ta beetaa, and boonoshi gabiibeeti gaboo amo gaata ariibeeto taane” iye.

Yibbaatoo 31:29

Ta qititoyee gubb ciroona duubemmo, ittoshich ta getteti gommonoo qayi wottemmo ittoshi tunoon ariibeeto taane. Doono Yeeri aafooch gonde mooyon tuniyemmo ittoshi tunetoyich, ittoshi shuuneebeeti shuunoona biin ippiyemmo ittoshi tunetoyich, waabeeti yemeenooch gonde mooyo ittoshi toommooch shaggemmone” iye.

Hibireena'o 1:2

And hini yemeenee ciiroochaa nooch bi gettito, bulli mooyon woraasho bi tuniiti, wotta showoonaa shimaayoonon biinna bi halliti, bi Bushoonane.

Hibireena'o 5:9

Ebi bullin bi ceechitoyee gubb, biich deꞌa ii beeto bullich, bulli yemeenee wodoon immiibeeto tunetone.