Yibbaatoo 4:27 - Kafa Linguistics Project

²⁷ Doono Yeeri aagetee asheenaꞌo daggooch ittoshin shaccemmone; ebi bi shacciti asheenaꞌo daggooch haddoona giishechoon tune echemmo ittoshine.

Yibbaatoo 4:27 ပူးပေါင်းရင်းမြစ်များ

Halloo 34:30

Yaaqobiyoo Simooninaa Lewinoyich ishichiye: “Hini showooch beeti Kanaaneenaꞌonaa Ferizeenaꞌona waanaa ta shigo gondemmoyich tuniiꞌi, ta toommooch xuuxoon deebiyote. No, haddoona giishecho noone. Ikkottee ta toommooch boonoshi tiyigaata, taannaa ta kechi asheenaꞌona aallesh toone no gettemmo?” iye.

Nehimi 1:3

Boonoshiyoo “Are woraafooch beeti, kecceyoochee echeti asheenaꞌo ooge xuuxoonaa cooneyoonoochiye boonoshi beeto; Yerusaalemi xaqqee uxeroo happeetone; bi kelloo qaaqqoona miccitone” iꞌi taach gettiyeete.

Shoddo 106:27

Boonoshi shiijjereenaꞌon aageteenaꞌo daggooch, boonoshinoo showee toommooch, shaccemmo bi tunoon wogehe.

Shoddo 44:11

Guureyemmi bagoommon noon tuniihine; aageteenaꞌo daggooch noon shaccehine.

Shoddo 44:12

Ne asheenaꞌon qalli gatiyoona kemmehine; bede gatiyoon qochiyaꞌa kemaano neene.

Isiyaasi 17:6

Tunetaa zayitee michi aafo maceechaa, ikke woyee gutte aafoo tookki bi cillooch echoommon woyee awudde woyee uuche aafoo deshi bi cillooch echoommon, giisheche asho baach echemmone” iye Israꞌeelee Nuggishoo Doono Yeeri.

Erimiyaasi 16:13

Ebich hini showoochee ittoshinaa ittoshi qaabbechinaꞌona ariyaani showooch ittoshin yugemmo taane; ittoshich ariqqeyaachemmo ta tunetoyich, aroochaa bare nuggisheenaꞌoyich areddoonaa xumoonon maddemmo ittoshine’ gete” iye.

Hiziqeeli 11:16

“Ebich boonoshich ishichibe: ‘Nuggishoo Doono Yeeri ishichiye: Ta, aageteenaꞌo waan boonoshin daachiito taane; showeenaꞌoochoo boonoshin shacceto taane; tunebaani boonoshi hammiti showeenaꞌoochaa giisheche aaboon boonoshich yaafee kexon tunemmo taane itone.

Hiziqeeli 12:15

“Aageteenaꞌo daggooch boonoshin ta shaciyooba, showee toommoochoo boonoshin ta yoohiyooba, Doono Yeeri ta tunoon ariyemminaꞌone.

Hiziqeeli 20:23

Andoo aageteenaꞌo daggooch, showeenaꞌoochoo boonoshin shaccemmo ta tunoon barahoochaa boonoshich wogehoye.

Hiziqeeli 22:15

Aageteenaꞌo daggooch neen shaccemmo taane; showee toommoochoo neen bitinnemmo taane; ne eeꞌittinoonoo ne waanee aalliyemmo taane.

Hiziqeeli 32:26

“Mesheekee showoonaa Tubaalee showoona arooch beetone; dofee boonoshi asheenaꞌochi maasho boonoshi guudoona beetone; bulliyona dokireyaaneenaꞌo, goraadoonoo qititinaꞌone; ebiyoo kashechinaꞌochi showoochaa keqqichiibee boonoshi echetoyichiye.

Daaneeli 9:7

“Ta Doonocho, ne, cadiqo neene. Tunebaani no hanaach yeelleto noone. Ebiyoo Yihudee asheenaꞌonaa Yerusaalem beeti asheenaꞌona, katinoonaa wohonooch boonoshin ne shacceti showoo bulliich beeti Israꞌeelee asho no bulliyoo neech gibeneeto tunoon no qajjetoyichiye.

Hosee'i 9:17

Bi getaa waayeyaache boonoshi itoyich ta Nuggishoo boonoshin duppemmone. Aageteenaꞌo daggooch yallyallimii beetinaꞌon tunemminaꞌone.

Leweenaꞌo 26:33

Ginoon ittoshi toommooch deebiree, aagetee showooch ittoshin shaccemmo taane; ittoshi showoo ashaalli xafo tunemmone; ittoshi katemoo happaa aallemmone.

Zakaariyaasi 7:14

Boonoshi ariyaani aageteenaꞌo bulli daggooch yubee yongoona boonoshin shaccehoye. Showoo ashaalli shokkoon tunehe. Koniyoona arooch okk hach shaꞌemmo aallehe; ebina gaawe showoon shokko echiiheete” iye.

Yibbaatoo 28:36

“Doono Yeeri ne woyee ne qaabbechinaꞌo ariyaani aagetooch, neennaa ne toommooch ne taatiiti taatoona hammemmoyich tuniyemmone. Aroochaa mixonaa xaqqoonoochee shuuneeti nuggisheenaꞌoyich goyinne maddemmo neene.

Yibbaatoo 29:28

And ebi bi tunetoommon, Doono Yeeri boonoshin shinee kaaree, naxoon boonoshi toommooch kindiiꞌi boonoshi showoochee boonoshin cammona waaxxiye; bare showoochoo daammiꞌi duppiye’ getaa getteyemmone.

Yibbaatoo 30:3

ne Nuggishoo Doono Yeeri neen wochinnoon gaanniyemmone; neech ariqqemmone; aageteenaꞌo bulli daggooch neen bi shaccitoochee, wochiree neen kicemmone.

Yibbaatoo 32:26

Ittoshin koniyoona shalligaachemmoyich tuniiree, ciroona ittoshin aalliyesho taane;