Yibbaatoo 4:25 - Kafa Linguistics Project

²⁵ “Bushiishoonaa bushaa bushoonon ittoshi shiyihooba, are showoochoo meeti naton ittoshi kotehooba, shahalloon amee shaahoonona shuunoona axaaxoon shuuneyaahote. Ebi ittoshi Nuggishoo Doono Yeeri shunaani mooyo bi tunetoyich, bi kaaremmoyich tuniyemmone.

Yibbaatoo 4:25 ပူးပေါင်းရင်းမြစ်များ

2 Taateenaꞌo 21:2

Minaasiyoo Doono Yeeri Israꞌeeleenaꞌo aafoochee yookkii bi aalliiti aageteenaꞌochi, ciigiiti doyoon dabboona Doono Yeeri aafooch gonde mooyon tuniihe.

Shoddo 78:58

Geppeexi boonoshi goyinnee xaaꞌoona biin ippiiheete; boonoshi shahalleenaꞌona bi qanaatemmoyich tuniiheete.

Keyo 20:4

“Damba shimaayooch, desh showooch, showoyee deshi aacoochoo beeti mooyoochee amee shaahoonona shuuneeti shahalloon neech shuuneyaahine.

Keyo 32:7

Arooba Doono Yeeri Muusich ishichiye: “Gibitsee ne kichiti ne asheenaꞌo duubetinaꞌone; ebich boonoshi waan kaateree hambe.

Hiziqeeli 8:10

Ebich maac giyaꞌa ciinneho; xaqqee uxeree guudo bulliich shicheeti, yuummere halleenaꞌo bullichi misilo, eeꞌe cooxinaꞌochi misiloonaa Israꞌeelee macceenaꞌochi shahalloo bullina arooch beete;

Hosee'i 9:17

Bi getaa waayeyaache boonoshi itoyich ta Nuggishoo boonoshin duppemmone. Aageteenaꞌo daggooch yallyallimii beetinaꞌon tunemminaꞌone.

Hosee'i 9:9

Gibaaha boonoshi beehooba bi tunetoommon asheenaꞌo oogichii eeꞌetinaꞌone. Yeeriyoo boonoshi xuꞌoon shalligemmone. Boonoshi axaaxoyichoo boonoshin sheeremmone.

1 Qorontoosi 10:22

Ebin tuniyoona Doonon Kiristoosin qanaatiibona? Nooch biyee beshe giidoo beete?

Yibbaatoo 16:22

Goyinnee xaqqee giimboonoo neechiyaahine. Ebin ne Nuggishoo Doono Yeeri shixxii beetone” iye.

Yibbaatoo 27:15

“ ‘Ariyechi ashi kishoona shuuneeti, Doono Yeeri aafoochaa shicheti, xaqqoochee, mixoochee woyee xuuroochee shahalloon shuuneꞌi aashoona goyinneebeeto uppeton tunebe’ geteete. “Asheenaꞌo bulliyoo ‘Ameena’ geteete.

Yibbaatoo 28:45

“Ne Nuggishoo Doono Yeerichi qaaroon waayo ne qajjetoyich, wotta bi getoonaa bi qociyoonon ceechaa quyo ne qajjetoyich, neen bi aalliimmi wottoon, ebi ufo ne toommooch shaggemmone; neen yoohi dabbiree yechemmone.

Yibbaatoo 28:61

Ebiyoommon wotta Doono Yeeri neen bi aalliimmi wottoon hini Sheeree Macaafooch kooreyaani baribare biiyoonaa naxoonon ne toommooch deebemmone.

Yibbaatoo 30:18

ciroona aallemmo ne tunoon ta hanaach neech gettaabeeto taane. Yoordaanoosin kimiree ne hajjemmi showooch meeti yemeenoon koteyaachemmo neene.

Yibbaatoo 30:19

“Hanaach kashoona beemonaa qitoonon, diiroonaa ufonon ittoshi aafooch ta kotiyoyich shimaayoonaa showoonon miixoo ceeggaabeeto taane. Illa neennaa ne shiijjeroona kashoona ittoshi beeyemmoyich kashoona beemon kaace.

Yibbaatoo 31:29

Ta qititoyee gubb ciroona duubemmo, ittoshich ta getteti gommonoo qayi wottemmo ittoshi tunoon ariibeeto taane. Doono Yeeri aafooch gonde mooyon tuniyemmo ittoshi tunetoyich, ittoshi shuuneebeeti shuunoona biin ippiyemmo ittoshi tunetoyich, waabeeti yemeenooch gonde mooyo ittoshi toommooch shaggemmone” iye.

Yibbaatoo 32:5

“Tunebaani ittoshi, Doono Yeeri toommooch axaaxoon shuuneto ittoshine; ebi ittoshi gonde shuunee naboona, bi bushiishoo getaa ceekkeyaachemmo ittoshine; ittoshiyoo wuuqqoonaa xummoona tuneti asho ittoshine.

Yibbaatoo 4:16

Anaami woyee maache ashi shaahoona shaahiitaa shuuneeti, amee mooyonona ittoshi qellich shuunoona ittoshi eeꞌeyaachemmoyich ittoshi qelloon ariibote!

Yibbaatoo 4:23

Ittoshi Nuggishoo Doono Yeeri ittoshina tookkii bi giyiti wogoon ittoshi batteyaachemmoyich, ittoshi goyinne maddaachemmoyich bi bajjiti, amee shaahoonona shuuneebeeti shahalloon ittoshi shuuneyaachemmoyich ittoshi qelloon ariibote!

Yaasi 23:16

Ittoshi Nuggishoo Doono Yeeri gettiti wogoon ittoshi shaaddegaata, hammiꞌi bare nuggisheenaꞌoyich ittoshi goyinnee maddegaata, Doono Yeeri kaaro ittoshi toommooch cufemmone; ittoshich bi immiti gaawe showoochee kaateree aallemmo ittoshine” iye.

Yaasi 24:20

Doono Yeerin qayiichi bare nuggisheenaꞌoyich goyinnemmo ittoshi tunegaata, gaawe mooyon ittoshich bi tuniitoyee gubb, wochiree gonde mooyon ittoshi toommooch tuniyemmone; ittoshin aalliyemmone” iye.