Yibbaatoo 4:19 - Kafa Linguistics Project

¹⁹ Damba shimaayooch ciiniree, aabeen, ageneenaa xojjenoonoyich ne goyinne maddemmoyich ne mullo neen bi geechaachemmoyich, ne qelloon ariibe! Ne Nuggishoo Doono Yeeri eboshich boonoshi goyinne maddemmoyich showee toommo bulliich beeti asheenaꞌon beshiiꞌi immitone.

Yibbaatoo 4:19 ပူးပေါင်းရင်းမြစ်များ

Halloo 1:14

Aree hillooch Yeeri “Areddoonaa xumoonon boonoshi barbariyemmoyich, bekkeenaꞌo shimaajji gumooch beebeete; qeminaꞌon, natinaꞌonaa yemeeneenaꞌonon boonoshi barbariyemmoyich, shimaayooch malleteenaꞌo tunebeete;

Halloo 2:1

Ebiyoommi gommona shimaayoonaa showoona, boonoshi daggooch beeti mooyo bulliyoo shuunetaa taccehe.

2 Taateenaꞌo 17:16

Boonoshi Nuggishoo Doono Yeerichi geto bullin qajjiyeete; boonoshi qellich aachoon ukkii, gutte maanji misiloon shuuneheete. Nuggishee Asheeri misiloon shuuneheete; shimaajji xojjenoyich goyinneheete; Baꞌaaloyichoo maddeheete.

2 Taateenaꞌo 21:3

Bi nihoo Hiziqiyaasi happii aalliiti, guudi toommeexi goyinnee xaaꞌeenaꞌon wochinnoon shuunehe. Israꞌeelee taatoo Akaabi tuniitoommon, Baꞌaaloyich deejjee gudoon shuunehe; nuggishee Asheeri misiloonoo neechiye; shimaajji xojjeno bullichoo goyinnee maddehe.

2 Taateenaꞌo 23:11

Yihudee taateenaꞌo Doono Yeerichi yaafee kexooch giyeebeeti kelloochaa aabeyich goyinnoyich boonoshi kichiti haresheenaꞌon aroochee tiijjiye. Ebi haresheenaꞌo beeto, ukkiroo Naataan Meleeki kechi gaꞌooch beeti addibaaboochiye. Aroocheenoo Yosiyaasi aabeyich kechiti gaarinaꞌon qaaqqoona michiye.

2 Kiinoo 33:3

Bi nihoo Hiziqiyaasi happii aalliiti, guudi toommeexi goyinnee xaaꞌeenaꞌon wochinnoon shuunehe; Baꞌaaloyich deejjee gudeenaꞌon shuunehe; nuggishee Asheeri misileenaꞌon neechiye; shimaajji xojjeno bullichoo goyinnee maddehe.

Nehimi 9:6

Ne ikkeeto baach Doono Yeeri neene; shimaayoon, shimaayeexi shimaayoon, boonoshi daggoochoo beeto bullin, showoonaa bi toommooch beeto bullinon, baharoonaa bi daggooch beeto bullinonoo hallito neene; bullichona kashoon immaabeeto neene. Shimaayeexi halleenaꞌo bulliyoo neech goyinnee beetinaꞌone.

Shoddo 19:3

Yibbaatoo tuneba qaaro boonoshich aalloone; boonoshi qaaroo waayeyaanoone.

Erimiyaasi 19:13

Yerusaalemi katemeexi kexinaꞌonaa Yihudee taateenaꞌo kexinaꞌona, boonoshi kechi toommeexi kexinaꞌoochaa shimaajji xojjeneenaꞌo bullich boonoshi deejjiti, bare nuggisheenaꞌoyich uyee buuroon boonoshi ukkiti kexinaꞌo bulliyoo Tofeeti xaaꞌoochoommon eeꞌeenaꞌo tunemminaꞌone’ itone gete” iye.

Erimiyaasi 31:35

Areddoyich aaboon tuniito, xumoyich ageneenaa xojjenoonon qociito, baharee aayinaꞌo buugemmoyich baharoon shuurikkiibeeto, bi shigo Beshe Mawe Doono Yeeri ishichii beetone:

Erimiyaasi 33:25

Daakkiꞌi Doono Yeeri ishichiye: “Areddoonaa xumoonoyich ta giyeti wogoon, shimaayoonaa showoonoyich qociyoon manjiyaano ta gaata,

Erimiyaasi 8:2

Boonoshi shunnii maddeti, boonoshi qaawii dabbiti, goyinneenoo iti aabeenaa ageneenochi, wotta shimaajji xojjeneenaꞌo aafooch boonoshin yachemminaꞌone; boonoshi shaawusho ikkooch kicaa duukkeyaachemmone; showee toommooch guudoochoommon qixeyemminaꞌone.

Hiziqeeli 18:6

guudinaꞌo toommoochaa deejjeeton maataano bi tunegaata, Israꞌeelee macceenaꞌochi shahalleenaꞌoyich goyinno bi qayigaata, bi nuuchoochi mecheen eeꞌiyoo bi qayigaata, qechee goorooch maacheena dano bi qayigaata,

Hiziqeeli 8:16

Aroochee taan Doono Yeerichi yaafee kechi maaci addibaabooch deebiye; ebiyoche Doono Yeerichi yaafee kechi godooch, gaaddaafoonaa deejjee gudoonochi gutte daggooch hiyaa uucha bede asheenaꞌo beeteete; boonoshi gubboon Doono Yeerichi yaafee kexo waan, boonoshi aafoonoo aabi-keyo waan wochiꞌi aabeyich guufee goyinnee beeteete.

Sofoniyaasi 1:5

Kechi toommooch kechiichii aabeyich, ageneenaa xojjenoonoyich goyinnee beetinaꞌon aalliyemmo taane. Doono Yeeri taach goyinnee ta shigoona wogeechii, hammii Milikoomi getteebeeti nuggishoochi shigoona wogee beetinaꞌonoo aalliyemmo taane.

Mishiraachechinaꞌo 7:42

Ebich Yeeri boonoshin qajjiye; shimaajji xojjeneenaꞌoyich boonoshi goyinnemmoyich beshiiꞌi boonoshin immiye. Keemechinaꞌochi macaafooch bi kooreetoommon, ‘Yeeri “Hini Israꞌeeleenaꞌote! Aabbe naton barahooch ittoshi beehooba, deejjoonaa buuroonon ittoshi giddiito taachiye?

Roomi 1:25

Ebiyoo Yeerichi iberoon kootoona boonoshi shadditonaa Hallito beetaa halleetoyich boonoshi goyinnee maddetonoyichiye. Halliti Yeeri bulli yemeenoon galleteetone. Ameena.

Yibbaatoo 13:10

Xaqqoona yexiree wuxibe. Ebiyoo guuno tunaa hajjeyaꞌa beebee ne echeti Gibitsee neen kichii deebiti, ne Nuggishoo Doono Yeer waanee neen bariiya bi qaawitoyichiye.

Yibbaatoo 13:5

Tunebaani guuno tunee hajjeeꞌi beebee ittoshi echeti Gibitsee ittoshin biisheꞌi deebiti, ittoshi Nuggishoo Doono Yeeri toommooch hukkoon ittoshi shuunemmoyich bi gettitoyich, wotta ittoshi Nuggishoo Doono Yeeri gettiti gommoochee gubb ittoshi wottemmoyich tuniiya bi qaawitoyich, ebiyoommi keemechon woyee gumi gummechon wuxibote. Ebin tuniyoona, ebiyoommi gonde mooyonoo ittoshi daggoochee wokkiibote.

Yibbaatoo 4:18

showee toommona gaphiibee shaꞌeebeeti moochi shaahiyoon woyee aachi daggooch beeti haashee shaahiyoon amoonolla ittoshich shuuneyaahote.