Yibbaatoo 4:15 - Kafa Linguistics Project

¹⁵ Muusi Israꞌeeleenaꞌoyich ishichiye: “Doono Yeeri Kooreebi guudoochaa, qaaqqee daggoochaa ittoshich bi yibbaatehooba, bi shaahoon beegaano ittoshine. Ebich ittoshi qelloon ariibote!

Yibbaatoo 4:15 ပူးပေါင်းရင်းမြစ်များ

1 Taateenaꞌo 19:12

Showee qewee hillooch qaaqqoo waahe; tunebaani Doono Yeeri qaaqqee daggooch aalloone. Qaaqqee hillooch shaashikkee qaaro waayeehe.

Shoddo 119:9

Gurimaashoo xallittinoona beemon bi hakkemmo aabichireeshiye? Ne qaaroon quyoonane.

Keyo 19:1

Israꞌeeleenaꞌo Refidiimee tiyiyeete. Gibitsee showoon gawukkii boonoshi kechitoyee gubb, keejjinnee agenee ikkinnee qemooba, Siini barahooch waaheete. Arooch shaggiꞌi, guudi ciinooch kaamboon geddii koteheete.

Keyo 20:4

“Damba shimaayooch, desh showooch, showoyee deshi aacoochoo beeti mooyoochee amee shaahoonona shuuneeti shahalloon neech shuuneyaahine.

Shaahiyoo 4:23

Kashee tunoo bi tunetoyich, bulli mooyoyee beshiiree ne mulloon quyebe.

Shaahiyoo 4:27

Yoocha qanna gettaahine; ne baatoon gondoochee wochibe.

Isiyaasi 40:18

Yeerin ittoshi tachiya ii beeto konina tookkiiniye? Konina tookkishoo shaahiiyehote?

Erimiyaasi 17:21

Doono Yeeri ta ishichiyoye: “Shambetooba shaagoon shaagiree Yerusaalemi uxeree kelloona giyaahote; ittoshi qelloon ariibote!

Milikiyaasi 2:15

Yeeri neennaa biinnon ikke meenonaa ikke ayaanoonon tuniyaanoone? Ebin bi tuniito amoyichiye? Ebin bi tuniito, biin shattiibeeti bushiishoon ittoshi shiyemmoyichiye. Ebich ittoshi qelloon quyebote. Koniyoona bi bushittinee mecheyich bi giyiti wogoon biichaaye.

Yibbaatoo 10:4

Iitoo kiceehooba, guudi toommoochaa, qaaqqee daggoochaa Doono Yeeri ittoshich bi gettiti, ebiyee aaf bi kooritoommi aashire geteenaꞌon arooch kooriye; Doono Yeeriyoo eboshin taach immiye.

Yibbaatoo 4:12

Aroochee Doono Yeeri qaaqqee daggooch tuneechii ittoshich bi yibbaatetaa waayehote. Ittoshich bi yibbaatee beetaa waayehote; tunebaani bi shaahoo amoommo gaata beegaano ittoshine; ittoshi waayeto, qaaroon baachiye.

Yibbaatoo 4:14

Yoordaanoosin kimi hami ittoshi hajjemmi showoochaa ittoshi quyemmi qociyoonaa doyoonon ittoshich ta dojjemmoyich, arooba Doono Yeeri taach gettiye” iye.

Yibbaatoo 4:23

Ittoshi Nuggishoo Doono Yeeri ittoshina tookkii bi giyiti wogoon ittoshi batteyaachemmoyich, ittoshi goyinne maddaachemmoyich bi bajjiti, amee shaahoonona shuuneebeeti shahalloon ittoshi shuuneyaachemmoyich ittoshi qelloon ariibote!

Yibbaatoo 4:36

Ittoshin sheeroyich, shimaayoochee bi qaaroon ittoshi waayemmoyich tuniihe. Showee toommoochaanoo giidechi bi qaaqqoon ittoshi beeggemmoyich tuniihe. Ittoshiyoo qaaqqee daggoochee bi qaaroon waayehote.

Yibbaatoo 4:9

“Doono Yeeri ‘Asheenaꞌon ta waan kicibe. Showee toommooch kashoona boonoshi beemmi yemeeno bullin taan shaton boonoshi doyemmoyich, boonoshi bushiishoonoo boonoshi dojjemmoyich, ta qaaroon boonoshich waayiyemmo taane’ iꞌi bi gettiyooba, ittoshi Nuggishoo Doono Yeeri aafooch, Kooreebi guudooch ittoshi neexeti aaboon batteyaahote. Ebi ittoshi aafoona ittoshi beeggiti mooyon ittoshi batteyaachemmoyich, wotta kashoona ittoshi beemmi yemeeno bullin ittoshi mulloochee bi aalleyaachemmoyich, kupphiiree ittoshi qelloon ariibote! Ebi mooyon ittoshi bushiishoonaa bushaa bushiishoonoyichoo dojjibote.

Yibbaatoo 5:4

Doono Yeeri guudi toommoochaa, qaaqqee daggoochaa ittoshina tookkii baroona daneꞌi ittoshich yibbaatehe.

Yibbaatoo 5:8

“ ‘Damba shimaayooch, desh showooch, showoyee deshi aacooch beeti mooyoochee amee shaahoonona shuuneeti shahalloochi misiloon neech shuuneyaahine.

Yibbaatoo 9:10

Aroochee Doono Yeeri bi hajjee kishoona kooreeti gutte yalle xaqqeenaꞌon taach immiye. Iitoo kiceehooba, Doono Yeeri ebi are guudoochaa, qaaqqee daggoochaa tuneꞌi ittoshich bi gettiti mooyo bulli arooch beetone.

Hibireena'o 1:3

Biyoo worganikkiti Yeerichi oogee yiiree bekkoonaa bi shuriyoonochi shaahoona tuneechii, bulli mooyon giidechi bi qaaroona deggii yechitone; no axaaxoon bi xalliitoyee gubb, shimaayooch Yeerichi oogee yiiree qannooch kotehe.

Yaasi 23:11

Ebich ittoshi Nuggishoo Doono Yeerin shunniibeeto ittoshi tunoon manjiiree ariibote.