Yibbaatoo 4:13 - Kafa Linguistics Project

¹³ Biyoo ittoshi quyemmoyich bi immiti, biinnaa ittoshinochi daggooch beeti wogoon, ebiyoo aashire geteenaꞌon ittoshich gettiye. Ebi aroonoo gutte yalle xaqqeenaꞌo toommooch kooriye.

Yibbaatoo 4:13 ပူးပေါင်းရင်းမြစ်များ

1 Taateenaꞌo 8:9

Israꞌeeleenaꞌo Gibitsee boonoshi keyiyooba, Doono Yeeriyoo boonoshina tookkii wogoon bi giyiyooba, Kooreebi guudoochaa Muusi kotiiti gutte yalle xaqqeenaꞌoyee besh taabootee maacooch amolla aalloone.

Shoddo 119:4

Ne qociyoon kupphii no quyemmoyich, noon gettehine.

Keyo 19:5

Showee toommooch beeti aagetoo bulli taachone; tunebaani aagetoo bulliyee taach shucheti, ta hajjee asho tunemmo ittoshine. Ebiyoo manjiyaꞌa taach deꞌa ittoshi getigaata, ta wogoonoo ittoshi quyegaatane.

Keyo 24:12

Aroochee Doono Yeeri Muusich ishichiye: “Guudi toommooch ta waan wobe. Hiniichoo yagibe. Tawoo Israꞌeeleenaꞌon ne dojjemmi sheeroonaa geteenaꞌonon ta kooriti yalle xaqqeenaꞌon neech immemmo taane” iye.

Keyo 31:18

Doono Yeeri Siini guudi toommoochaa Muusina tookkii bi yibbaatoon bi ciichitoyee gubb, bi yapheroona kooreeti, gutte yalle miixee xaqqeenaꞌon Muusich immiye.

Keyo 34:1

Doono Yeeriyoo Muusich ishichiye: “Aafichoommi gutte yalle xaqqoon xaribe. Ne tiicheti, aafi yalle xaqqee toommooch beeti qaareenaꞌon kooremmo taane.

Keyo 34:28

Muusiyoo maayoon maataanoon, aacon uyaanoon, aabbe areddoonaa aabbe xumoonon Doono Yeerina tookkii arooch beehe. Yalle xaqqeenaꞌo toommooch wogee qaareenaꞌon, eboshiyoo aashire geteenaꞌon, kooriye.

Roomi 9:4

Boonoshiyoo Israꞌeelee macceenaꞌone; Yeeriyoo boonoshin bi hajjee bushiisheenaꞌo tuniihe; bi oogee yiiroochee boonoshich qoodiye; wogoonoo boonoshina tookkii giyiye; sheeroonoo boonoshich immiye; yaafee kechi maddee doyoon, meeti baribare gibenee qaaroonoo boonoshich immiye.

2 Qorontoosi 3:7

Wonna sheeroo kooreeto, xareeti xaqqee toommoochiye; sheeroo immehooba, Yeerichi oogee yiiroo waccii bekketone; Muusichi barooch wacciibeeti bekko aallee aallee hammiibeeto bi tunetaanoona, Israꞌeeleenaꞌo Muusichi barooch manjiiꞌi ciinon hakkaaneenaꞌone. Illa qitoon deebiti maddoo ebiyoommi oogee yiiroona bekketo bi tunegaata,

Yibbaatoo 4:12

Aroochee Doono Yeeri qaaqqee daggooch tuneechii ittoshich bi yibbaatetaa waayehote. Ittoshich bi yibbaatee beetaa waayehote; tunebaani bi shaahoo amoommo gaata beegaano ittoshine; ittoshi waayeto, qaaroon baachiye.

Yibbaatoo 4:14

Yoordaanoosin kimi hami ittoshi hajjemmi showoochaa ittoshi quyemmi qociyoonaa doyoonon ittoshich ta dojjemmoyich, arooba Doono Yeeri taach gettiye” iye.

Yibbaatoo 5:22

“Doono Yeeri guudi toommooch kiceeti ittoshi asheenaꞌo bullich bi gettiti geteenaꞌo eboshine. Qaaqqee daggoochaa, quboonaa dunne manderoonochi daggoochaa bi qaaroon oogichiꞌi bi yibbaatehooba bi immiti geteenaꞌon gettiyani, baroon daakkaanoone. Eboshinoo gutte yalle xaqqeenaꞌooch kooriꞌi, taach immiye” iye.

Hibireena'o 9:4

Ebi are xaaꞌooch ixaano shookkeebeeti deejjee qiico beetone; ebi deejjee qiico aachoona dikkeetone; wotta bi guude gawo bulli aachoona dikkeeti wogee taaboote beetine; ebi taabootee daggooch mannoo beeti aachee qullo, atee waajjeti Haroonichi gumbeenaa Yeerichi sheeroo kooreeti gutte xaqqeenaꞌona beetinaꞌone.