Yibbaatoo 34:1 - Kafa Linguistics Project

¹ Muusiyoo Moꞌabee gaddoochee tiyiꞌi Yaariki katemee ciinooch beeti, Neebi guudi cullullooch beeti Fisigi guudooch kechiye. Ebi aroochaa Doono Yeeri Gilaadee showoochee tiijjiꞌi Daani katemooch beddaahaa beeti showoo bullin biich bekkiihe.

Yibbaatoo 34:1 ပူးပေါင်းရင်းမြစ်များ

Halloo 13:14

Looxi Abraamiyee bi baritoyee gubb, Doono Yeeri Abraamich ishichiye: “Ne beeti xaaꞌooch neexeechi, ne aafoon kaachiree aabi-keyonaa aabi-gimonooch, dambi-waaninaa deshi-waaninooch ciine.

Halloo 14:14

Abraami bi manoochi bushoo Looxi kecee hamon bi waayehooba, bi kexooch shiijjeꞌi dicciti, koyoon doyiti, keejje ballaa aaraa shimitte asheenaꞌona tookkii kechiye; ebi awudde taateenaꞌon dabbiꞌi, Daani katemooch beddaahaa hammiyeete.

Hiziqeeli 40:2

Yeerichi yaaꞌoona Israꞌeelee showooch deebiꞌi, ooge guudi toommooch taan kotiihe; aroochoo meeti kexinaꞌo shuuneeti katemoommi mooyon deshi-waanee ciinneho.

Haddoo 21:20

Baamootee Fisigi guudi cilloochaa barahoo dugilla ciicheebeeti Moꞌabi barahooch beeti bambooch qaxiriyeete.

Haddoo 23:14

Ebina Fisigi guudi toommooch beeti Yofiimi gaddooch biin daammiye. Arooch shabaatte deejjee gudoon shuunehe. Deejjee gudo bi ikkikkooch ikke wuronaa ikke bagee baaddoonon deejjiye.

Haddoo 27:12

Doono Yeeri Muusich ishichiye: “Abariimi guudooch keyiichi, Israꞌeeleenaꞌoyich ta immeti showoon ciine.

Haddoo 33:47

Almoon Dibilatayimee tiyii qaxiriꞌi, Neebi ciinooch beeti Abariimi guudooch koteheete.

Yibbaatoo 3:27

Ne, Yoordaanoosin kimaachemmo neene; Fisigi guudi toommooch keyiichi, deshi-waaninaa dambi-waaninon, aabi-keyo waaninaa aabi-gimo waaninon ciine. Bi guudo bullin manjii ciine.

Yibbaatoo 32:49

“Moꞌabee showooch, Yaariki katemee ciinooch beeti Abariimi guudinaꞌo beetooch hambe. Neebi guudi toommooch keyiichi, boonoshi hajjemmoyich Israꞌeeleenaꞌoyich ta immaabeeti Kanaanee showoon ciine.

Yibbaatoo 32:52

Ebich Israꞌeeleenaꞌoyich ta immaabeeti showoon wohoochaa ciinishalli ne gettemmo, arooch giyaachemmo neene” iye.

Yibbaatoo 34:4

Aroochee Doono Yeeri Muusich ishichiye: “ ‘Ittoshi shiijjereenaꞌoyich immemmo taane’ iyaꞌa Abrahamich, Yisaaqinaa Yaaqobinoyich ta wogeti showoo ebine. Ne aafoona baach ne beeggemmoyich tuniito taane; tunebaani arooch giyaachemmo neene” iye.

Yaasi 19:47

Tunebaani ebiyee gubb Daani yoodo boonoshi showoon boonoshi bokketoyich, Lesheemi katemooch kechiꞌi, arooch beeti asheenaꞌon goraadoona wuxii aalliichii, ebi katemoon hajjiyeete; aroochoo koteheete. Ebi showee shigoon shaddii boonoshi qaabbechi nihoochi shigoona Daani iyeete.

Yaasi 22:9

Ebich Roobeelinaa Gaadinochi yoodeenaꞌo, ebiyoommon Minaasi yoodoochee qatinaꞌo Kanaanee showooch beeti Shiloohi katemoochaa Israꞌeeleenaꞌo waanee bariꞌi, Doono Yeeri Muusina bi gettitoommon, boonoshi kochii yechiti, boonoshi hajjoo tuneti showoo Gilaad wotteheete.

Yaaꞌoo 21:10

Yeerichi Ayaanee giidoo ta toommooch tunetaa, are maraakoo oogeti genje guudi toommooch taan kichiye; Yeerichi oogee yiiroo beeti yaafe katemee Yerusaalemi shimaajj beeti Yeer waanee bi kindaa beetaa taach bekkiihe. Bi aaxxoo yasphiido getteebeeti ooge aaxxe xaqqoommi shaahaachaa, bi daggoona beshii bekkiibeeti burciqoommine.

Woraaferasheenaꞌo 18:29

Are katemoonoo Israꞌeeli bushoo tuneti, boonoshi qaabbechi Daani shigoona Daani iꞌi shigiiheete. Aroyee aaf are katemee shigo Layishi getteehe.