Yibbaatoo 33:8 - Kafa Linguistics Project

⁸ Lewi yoodoochon ishichiye: “Ne Tumiimoon Lewich, ne Uriimoon bi qelloon neech beshiiꞌi immitoyich imbe. Masaahaa boonoshin phirehine; Meriibi aacoochaa boonoshina tookkaa hayehine.

Yibbaatoo 33:8 ပူးပေါင်းရင်းမြစ်များ

2 Kiinoo 23:6

Tunebaani qeesheenaꞌonaa maddeebeeti Leweenaꞌonoyee besh, koniyoona Doono Yeerichi yaafee kexooch giyaaye. Yaafeetinaꞌo boonoshi tunetoyich, boonoshi gibeete. Asheenaꞌo bulli Doono Yeerichi sheeroon quyebeete.

Iziri 2:63

Uriimoonaa Tumiimoona Yeerin echeebeeti qeeshoo danemmi wottoon, oogichii yaafeeti maayoochee boonoshi maataachemmoyich showee iraashoo gettiye.

Iziri 8:28

Tawoo boonoshich, “Ittoshiyoo Doono Yeerich yaafeeto ittoshine; qiiceenaꞌoo yaafeetinaꞌone; hini aachoonaa birewoona ittoshi qaabbechinaꞌochi Nuggishoo Doono Yeerich mullee daaggoona icheti wojjoone.

Nehimi 7:65

Uriimoonaa Tumiimoona Yeerin echeebeeti qeeshoo danemmi wottoon, oogichii yaafeeti maayoochee boonoshi maataachemmoyich showee iraashoo gettiye.

Shoddo 106:16

Kaambooch beechii, Muusina, Doono Yeerich yaafeeti Haroonina, qanaateheete.

Shoddo 16:10

Taan maash qayaachemmo neene; gibeneeti ne guuno taan oppooch daachiyaachemmo neene.

Shoddo 81:7

Ne duꞌehooba taan ceeggehine; tawoo neen wodiihoye; gigeebeeti qere xaaꞌoochaa ne qolloon waayehoye; Meriibi aacoochaa neen phiree beeggehoye.

Keyo 17:7

Ebi xaaꞌoonoo Masaahinaa Meriibina iꞌi shigiihe; ebiyoo Israꞌeeleenaꞌo kaaroon tiijjiꞌi, “Doono Yeeri noonna tookkii beete, aalle?” iꞌi Doono Yeerin phireya boonoshi tiyitoyichiye.

Keyo 28:30

Doono Yeeri ta aafooch bi giddeebeeti aabo bulliich, Harooni mullee kaamooch boonoshi tunemmoyich, Uriimoonaa Tumiimoonon bi geteexi kiisooch gede. Ebina Harooni ta daaggoo echeebeeti, geteexi kiisoon Doono Yeeri ta aafooch bulli aaboon shaage.

Keyo 28:36

“Xalle aachoochee ikke shashoon shuunebe. Bi toommooch ‘Doono Yeerich Yaafeeto’ ii beeton maatemoochoommon qiici kooribe.

Leweenaꞌo 21:7

“ ‘Qeeshoo bi Nuggishoyich yaafeeto bi tunetoyich, yahechin tunaꞌa bi qeddoon eeꞌiitin woyee gawukkeeti maacheen shaaggaaye.

Leweenaꞌo 8:8

Geteexi kiisoon bi toommooch geddiye. Ebi geteexi kiisooch Uriimoonaa Tumiimoonon geddiye.

Milikiyaasi 2:6

Biyoo ibere mooyon asheenaꞌoyich dojjiye; koote mooyon yibbaatee ariyaanoone. Taanna tookkii diggoona, kaamittinoonoo beehe; meeti asheenaꞌonoo axaaxoochee wochiye.

Haddoo 16:5

Qoraahinaa bi guuphinaꞌo bullinoyich ishichiye: “Doono Yeeri yaach maaddoona biicho tunetonaa yaafoonon bekkiyemmone; bi waanoo katichemmone; bi kaaccimmi ashoon bi waan bi katinnemmoyich tuniyemmone.

Haddoo 20:13

Israꞌeeleenaꞌo Doono Yeerina kaareti, biyoo yaafoo bi tunoon boonoshich bi bekkiiti Meriibi aaco ebine.

Haddoo 20:24

“Harooni bi qaabbechinaꞌo waan xaꞌeyemmone. Meriibi aacoochaa ta getee toommooch hukkoon ittoshi tiijjitoyich, Israꞌeeleenaꞌoyich ta immeti showooch giyaachemmone.

Haddoo 27:21

Qeeshoo Elazaari Uriimoona ta daaggoon ariibeeto bi tunetoyich, biyoo Elazaarina degeebe. Biinnaa Israꞌeelee iitoo bullina Elazaarichi getoona keyeete; bi getoonoo gibeete” iye.

Haddoo 35:8

Israꞌeeleenaꞌo woraashiti iristoochee Leweenaꞌoyich ittoshi immemmo ebiyoommoniye. Woddoon yechiti yoodo waanee woddoon, giishechoon yechiti yoodo waanee giishechoon imbote. Boonoshi ikkikkoona boonoshi woraashitoommonaa boonoshich beeti iristoommona boonoshi katemoochee Leweenaꞌoyich immemminaꞌone” iye.

Yibbaatoo 6:16

“Masaahaa Doono Yeeri ittoshin gaachoon hakkemmo bi tunoon xiishi bi bekkiyemmoyich ittoshi qaawoommon, ebiyoommon tuniyaahote.

Yibbaatoo 8:16

Ne qaabbechinaꞌo maa ariyaani mannoon barahoochaa neech maanjiye. Ciiroochaa gaawe mooyona neen diiriya, iritoon ne toommooch deebiꞌi neen phirehe.

Yibbaatoo 9:22

“Ebiyoommon wotta Tabeeri, Masaahinaa Qibiroot Hataawinoochaa Doono Yeeri shine kaaremmoyich tuniihote.

Hibireena'o 7:26

Yaafoo, bachaallo, muricaallo, axaaxechinaꞌoyee barito, shimaayoyee damba kechito, ebiyoommi qeeshee guudo nooch qaawiihe.

Yaaꞌoo 3:7

“Filaadelifi kittinnee guuphi maraakoyich ishichi kooribe: Yaafoonaa iberoona tuneto, Daawitichi qulfoon yechito, bi qechiton koniyoona hicaano, bi hicciton koniyoona qechaano ishichiye:

1 Saameeli 28:6

Biyoo Doono Yeer waan corootiye. Doono Yeeriyoo gumona woyee Uriimoona woyee keemechinaꞌona biich wochemmon qajjiye.