Yibbaatoo 33:7 - Kafa Linguistics Project

⁷ Yihudi yoodoochon ishichiye: “Doono Yeero, Yihudichi cookoon waayebe. Bare yoodeenaꞌona tookki boonoshin ikkochibe. Boonoshin giidechinaꞌon tuniibe. Boonoshi etteenaꞌo waanee boonoshin gaachebe” iye.

Yibbaatoo 33:7 ပူးပေါင်းရင်းမြစ်များ

2 Saameeli 3:1

Saaꞌoolichi dabbeenaꞌonaa Daawitichi dabbeenaꞌonochi daggooch beeti koyo meeti yemeenoon yagiye. Daawitiyoo kupphee kupphee hammiye; tunebaani Saaꞌoolichi dabbeenaꞌo niree niree hammiyeete.

2 Saameeli 5:1

Ebiyee gubb, Israꞌeelee yoodeenaꞌo bulli Kebiroon, Daawit waan waaꞌi, biich ishichiyeete: “No, ne meeno, ne damoo noone.

2 Saameeli 5:19

Daawitiyoo “Ebi Filsixeemeenaꞌon keyiree koyote? Ta kishooch beshiiree immenne?” iꞌi Doono Yeerin echehe. Doono Yeeriyoo Daawitin “Hamiree koye; iberoon boonoshin ne kishooch beshiiree immemmo taane” iye.

2 Saameeli 5:24

Ebi caaree mixinaꞌochi cilloochaa guubbee qaaroon ne waayegaata, Doono Yeeri ta, Filsixeemeenaꞌochi ginee naayinaꞌon kocha ne aafooch kecheto ta tunetoyich, afaafinoona keyi koyebe” iye.

1 Kiinoo 12:22

Daawitin gaachoyich qemi qemona asheenaꞌo bi waan waatoyich, Doono Yeerichi ginee naayinaꞌo meetoommon bi ginee naayinaꞌo meettiyeete.

Shoddo 146:5

Yaaqobichi Nuggishoon bi gaachoo, bi Nuggishoo Doono Yeerinoo bi gibeno, tuniito diireetone.

Shoddo 20:2

Bi yaafee kexoochee gaachoon neech deejjibe; Tsiyooni guudoochaanoo neen dege.

Shoddo 21:1

Doono Yeero, biich giidoon ne immetoyich taatoo emiriye; wudoon ne daniitoyich emiroona wucwucciye.

Shoddo 21:8

Ne kishoo ne etto bullin, ne qanne kishoo neen shixxii beetinaꞌon, yoohi yechemmone.

Shoddo 78:68

Tunebaani Yihudi yoodoon, bi shunniibeeti Tsiyooni guudon, kaacciye.

Shoddo 78:70

Bi guuno Daawitin kaacciye; bagee qiddoochee deebiye.

Shoddo 89:24

Ta gibeneyoonaa ta shoodoona biinna tookki tunemmone; ta shigoona kaama kaama ciixemmone.

Isiyaasi 9:17

Ebich Doono Yeeri gurimaasheenaꞌona emiraachemmone; nihaalli bushiisheenaꞌonaa kenaalli maacheenaꞌonoyichoo ariqqeyaachemmone; bulliyona Yeerich qeyaaneenaꞌonaa gonde shuunechinaꞌonane; boonoshi bulli noonoochee gonde yibbaatoo kechiye; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Mikiyaasi 5:2

Doono Yeeri ishichiye: “Beetilehem Efiraati katemeene, Yihudee showooch beeti gishiishi katemeenaꞌoochee ikke ne tunetaanoona, wonnee wonneecho, wohi yemeeneexo tuneti, Israꞌeelee showoon qeejjemmi woraaferashoo ne waanee taach kechemmone” iye.

Milikiyaasi 3:1

“Ebiyoche, gommon ta aafooch qanniyemmi ta wocheyechon daachiyemmo taane. Ittoshi qaawiibeeti Doono diqqoona yaafee kexooch woyemmone. Ittoshi qaatiibeeti wocheyecho waaree ittoshina tookkaa ta giyeti wogoon ittoshich awaajjemmone” iye Beshe Mawe Doono Yeeri.

Haddoo 34:19

Ebi asheenaꞌochi shigo: Yihudi yoodoochee Yefuuni bushoo Kaaleebi,

Luqaasi 19:27

Wotta boonoshi toommooch ta taatemmoyich shunaani ta shixechinaꞌon yeshiree taach hach deebote. Ta aafoochaanoo boonoshin guuribote’ iye” iꞌi gettiye.

Hibireena'o 7:14

No Doono Yesuusi Yihudi yoodoochee bi shiijjo arichetone; tunebaani Muusi qeeshoo tuneechon ebi yoodoochee bi gettiti mooyo aalloone.

Yaasi 15:20

Yihudi yoodo boonoshi yari yaroona boonoshi woraashiti showoo ebine: