Yibbaatoo 33:29 - Kafa Linguistics Project

²⁹ Israꞌeelo, diireeto neene; Doono Yeerina woditi asho neenoommo, konine? Gaachoochoommon bi neen quyee beetone; goraadoochoommon ne etteenaꞌon qeccee beetone. Ne etteenaꞌo maaroon qollebee ne waan woyemminaꞌone; tunebaani ne boonoshi shimetoon neexxemmo neene” iye.

Yibbaatoo 33:29 ပူးပေါင်းရင်းမြစ်များ

Halloo 15:1

Ebi mooyoyee gubb, Doono Yeeri yaaꞌoona Abraamich ishichiye: “Abraamo, shattaahine. Ta neen gaachoochoommon quyemmo taane; neech ta immemmi wojjoo oogeti woddoone” iye.

2 Saameeli 22:3

ta Nuggishoo, shoobbii taan wodiibeeti deebe xaqqo, gaachoochoommon taan qeriibeeto, giidechi wodiyecho, bi shoobooch giyiree ta wodemmi, ta deeboone; taan wodiyecho, xuꞌechinaꞌo kishoochee taan wodii beetone.

2 Saameeli 22:45

Ashi showee asheenaꞌo waaꞌi, ta aafooch yittiyeete; ta gettaahaa, bekkech ta getoon waayeheete.

2 Saameeli 7:23

Ne hajjee asheenaꞌon tuniyoyich guuchittinoochee ne biisheti Israꞌeeleenaꞌoommi asho showee toommooch aalloone. Boonoshich ne tuniiti, oogeti, worganikkiti mooyona ne shigo showee toommo bulliich arichetone. Ne hajjee asheenaꞌo boonoshi tunemmoyich, Gibitsee ne biisheti asheenaꞌo aaf boonoshi hammimmona, bare asheenaꞌonaa boonoshi nuggisheenaꞌonon boonoshi aafoochee gashaa kichihine.

2 Kiinoo 31:8

Hiziqiyaasinaa iraasheenaꞌona waa guteeti wojjoon beeggiꞌi, Doono Yeerinaa bi asheenaꞌo tuneti Israꞌeeleenaꞌonon diiriyeete.

Shoddo 1:1

Gondeenaꞌochi ciicoona hamaani, axaaxechinaꞌochi gommooch neexeyaani, cooqqirechinaꞌochi gabberooch koteyaani, asho diireetone.

Shoddo 144:15

Ebi diiroon daneebeeti maccoo diireetone; Doono Yeeri bi Nuggishoo tuneti asho diireetone.

Shoddo 18:44

Ashi showee asheenaꞌo waaꞌi, ta aafooch yittiyeete; ta gettaahaa, bekkech ta getoon waayeheete.

Shoddo 18:45

Boonoshi mullo qitiye; boonoshi aasheti xaaꞌoochee qeweebee ta waan waaheete.

Shoddo 32:1

Bi xuꞌo echeti, bi axaaxoo oppeeti asho diireetone.

Shoddo 32:2

Doono Yeeri bi axaaxoon haddaani, bi kashooch dawushoo aalli, asho diireetone.

Shoddo 33:12

Doono Yeeri bi Nuggishoo tuneti aagetoo, bi iristo tuniiꞌi bi kaacciti maccoo, diireetone.

Shoddo 33:20

Doono Yeerin gibenehone; bi noon gaacheebeeti deeboone.

Shoddo 45:3

Ginee anaamocho, ne oogoonaa oogee yiiroona, ne goraadoon ne shimetooch cuyebe.

Shoddo 66:3

Yeerin “Ne shuunoo am shaahoon worganikkitone! Ne hakkoo oogeto bi tunetoyich, ne etteenaꞌo ne aafooch waagwaagiyemminaꞌone.

Shoddo 68:34

Bi oogee yiiroo Israꞌeeleenaꞌo toommooch, bi hakkoo qubee toommooch tuneti, Yeerichi hakkoon awaajjibote.

Shoddo 7:12

Asho gondoochee wottoon bi qayigaata, Yeeri bi goraadoon gayiremmone; bi maꞌoon yeephiree qanniyemmone.

Shoddo 81:15

Taan shixxii beetinaꞌo taan shati yitteshinaꞌone; bulli yemeenoon naxeyeshinaꞌone.

Shoddo 84:11

No Nuggishoo Doono Yeeri nooch aaboommonaa gaachoommonane; biyoo gaawe aafoona noon ciinnemmone; oogoonoo nooch immemmone. Doono Yeeri, kaamoona hammii beetinaꞌoyich, deꞌe mooyon ciroona muccii ariyaanoone.

Isiyaasi 12:2

Yeeri taan wodiyechone; biin ta gibenaa beetoyich, shataache; Nuggishoo Doono Yeeri ta hakkoonaa ta shoddoonane; biyoo taan wodiyechone” gettemmo neene.

Isiyaasi 27:1

Arooba Doono Yeeri qingireebee awureebeeti Lewataanin, caaceebeeti dingeroon, manje ooge kupphe bi goraadoona kuxxemmone; baharee daggooch beeti dareboon wuxemmone.

Isiyaasi 33:16

aroo oogee xaaꞌooch kotemmone; xaqqee mishigo bi deebee xaaꞌoon tunemmone; kosho biich ichemmone; bi aacoo tahaachemmone.

Isiyaasi 45:17

Tunebaani Doono Yeeri, bulli yemeenee wodoon, Israꞌeeleenaꞌon wodiyemmone; ittoshiyoo bulli yemeenoon yeelleyaachemmo ittoshine; giisheyaachemmo ittoshine.

Isiyaasi 58:14

Doono Yeeri taanna emiremmo ittoshine; showee toommeexi qaalle xaaꞌooch ittoshi beeyemmoyich tuniyemmo taane; ittoshi qaabbechi Yaaqobichi iristoochee daneebeeti mooyona ittoshi michemmoyich tuniyemmo taane; ebin getteto Doono Yeeri taane” iye.

Erimiyaasi 12:12

Baraheexi shokkaache geppeenaꞌo bulliich bokkeenaꞌo waatinaꞌone; Doono Yeerichi goraado, ikke daaroochee tiijjii bare daarooch beddaahaa maabeeto bi tunetoyich, meeno taheto bullich diggoo aalloone.

Erimiyaasi 47:6

“Ittoshiyoo, ‘Hini Doono Yeerichi goraadoocho, ne cikkiyaachemmo aati wottooniye? Ne gonenooch gibe; cikkishoo kashebe’ gettemmo ittoshine.

Hosee'i 13:9

“Israꞌeeleenaꞌote, ittoshin gaachaabeeti ta toommooch ittoshi tiyitoyich, aallemmo ittoshine.

Amootsi 8:7

Israꞌeeleenaꞌochi oogo tuneti Doono Yeeri ishichiꞌi wogetone: “Boonoshi shuuneti shuunoon ciroona batteyaachemmo taane.

Imbaaqoomi 3:19

Nuggishoo Doono Yeeri taach giidoon immii beetone; ta baatoon doollee baatoochoommon kupphiyemmone; guudi toommoochoo wocona ta kechemmoyich tuniyemmone.

Haddoo 24:5

“Yaaqobo, ne duukkaaneenaꞌo, Israꞌeelo, ne beeyi xaaꞌeenaꞌo, am shaahoon gaaweheete!

Haddoo 33:52

arooba are showeexi asheenaꞌon ittoshi aafoochee yoohi kichemmo ittoshine; xogeeti boonoshi xaqqee giimboo bullin waaxi aalliyemmo ittoshine. Boonoshi shahalloon aalliyemmo ittoshine; guudi toommeexi boonoshi goyinnee xaaꞌoon happemmo ittoshine.

Yibbaatoo 32:13

“Xoobooch keyiree showoon ittoshi hajjemmoyich tuniihe; naqqe showooch gocheti maayoon maahote. Xaqqee gogginoochee eeyon ittoshi maayemmon tuniihe; xaqqechi showooch zayitee mixo ittoshich bi collemmoyich tuniihe.

Yibbaatoo 4:32

“Ittoshi Nuggishoo Doono Yeeri ittoshin Gibitsee kichii deebiꞌi bi hajjee ashoon bi tuniihooba, kupphe bi kishoonaa giidechi bi mochoonon bekkiiꞌi Gibitseenaꞌon aabichiꞌi xuuxooch bi duppito gaata beeggito ittoshine. Biyoo worganikkiti malletoonaa gaakkechi mooyonon tuniiꞌi boonoshin keqqichiye; ittoshicha iinoo boonoshina koyehe. Aroyee gubb, Siini guudoochaa qaaqqee daggoochaa ittoshich bi yibbaatee beetaa waayehote; tunebaani and beddaahaa kashoona beeto ittoshine. Doono Yeeri ashoon bi hallitoochee tiijjiꞌi and beddaahaa, ebiyoommi mooyo tunee ariibeete? Showee toommo bulliich guuddii ittoshi qaawitaanona, ittoshi Nuggishoo Doono Yeeri ittoshich tuniitoommi mooyon tuniiti bare nuggishoo beemon waayeto koninolla daneyaachemmo ittoshine.

1 Ximootiyoosi 4:10

Ebicha getona aajjaa maraataa beeto noone. Ebiyoo asho bullin, beshoonoo Kiristoosichi mishiraachee qaaroon iberii beetinaꞌo bullin, wodiibeeti beeyechi Nuggishoon no gibenaa beetoyichiye.

Yaaꞌoo 1:16

Bi qanne kishoona shabaatte xojjenoon yechitone; bi kookkoochee gutte baddaa gayireeti aci goraado kechiye; bi baroo qaawee aabee aaxxoommon aaxxee beetone.

Yaaꞌoo 19:21

Echetinaꞌoo hareshoon yebbetochi kookkoochee kechiibeeti aci goraadoona kochee qitiyeete; gaceenaꞌo bulliyoo boonoshi meenon maa michiyeete.

Woraaferasheenaꞌo 7:20

Ebi keejje kaattoona waati asheenaꞌo bulli tiroon huggiyeete; qulloonoo tiichiyeete. Boonoshi yooche kishoona ceechoon, boonoshi qanne kishoonoo tiroon yechiꞌi huggiibee, “Doono Yeerinaa Geediyooninoyich koyeebeeti koyo!” iꞌi cookiyeete.