Yibbaatoo 33:28 - Kafa Linguistics Project

²⁸ Ebina Israꞌeeli diggoona, Yaaqobichi sheeyo keqqaalloon, maayoonaa woyinee uyoona ceenniti, shimaayoo doshoon (caagibanoon) kindiibeeti showooch beehe.

Yibbaatoo 33:28 ပူးပေါင်းရင်းမြစ်များ

Halloo 27:28

Yeeri shimaajji shuxoon, showee qeemon, beshaa beshiti maayoonaa woyinee uyoonon neech imbe.

Halloo 27:37

Yisaaqiyoo wochii Esayich ishichiye: “Ebiyoche, ne toommooch biin doonjiito taane; bi maneenaꞌo bulli biich hajjeyemmoyich, maayoonaa woyinee uyoona biich abbetemmoyich diirito taane. Ta bushoocho, illa neech amoon hallibote?” iye.

Halloo 27:39

Yisaaqiyoo wochiꞌi ishichiye: “Ne beeyemmo, qeemi showoochee, shimaajji shuxoocheenoo wohireeshiye.

1 Taateenaꞌo 5:5

Ebiyoche, Doono Yeeri ta nihoo Daawitich ‘Ne keroon, ne taatee qeenooch ta kotiyemmi ne bushoo ta shigoyich kexon haggemmone’ iꞌi bi gettitoommon, ta Nuggishoo Doono Yeerich kexon hagoyich gabito taane.

Shoddo 68:26

Boonoshiyoo, “Ooge iitee daggoochaa Yeerin galletebote; Israꞌeelichi shiijjereenaꞌote, Doono Yeerin galletebote” gettemminaꞌone.

Keyo 33:16

Ne, noonna tookkii hamo qayigaata, taannaa ne asheenaꞌona ne aafoochaa gidoon dano amoona arichehe? Taannaa ne asheenaꞌona showee toommo bulliich beeti asheenaꞌo bulliyee barito no tuno bi aricheebeeto, ne, noonna tookkaa ne hamona toone?” iye.

Shaahiyoo 19:12

Taatoochi kaaro daaheree cidoommone; tunebaani bi aafoochaa gidoon dano, mocee toommeexi keetoommone.

Shaahiyoo 3:20

Bi ariyoona aacinaꞌo ufeheete; qubeenaꞌoo amiyon dichiyeete.

Isiyaasi 48:1

“Yaaqobichi yareenaꞌote, Israꞌeelichi shigoona ceekketinaꞌote, Yihudi yaroochee shiijjetinaꞌote, Doono Yeerichi shigoona wogee beetinaꞌote, iberoona woyee cadiqoona tuneyaanoon Israꞌeelee Nuggishoon ceeggii beetinaꞌote, waayebote.

Erimiyaasi 23:6

Bi taatee yemeenooch Yihudee asheenaꞌo wodemminaꞌone; Israꞌeeleenaꞌo keqqaalloon beeyemminaꞌone. Bi ceeggeyemmoo ‘No Cadiqoo Doono Yeeri’ getenane.

Erimiyaasi 33:16

Ebiyoobee yemeenooch Yihudee showeexi maccoo wodemmone; Yerusaalemi katemeexi asho diggoona beeyemmone; katemoo ceekkemmo ‘Doono Yeeri No Cadiqoone’ getenane” iye.

Erimiyaasi 49:31

“Tibote, keqqaalloon diggoona beeti ashoon koyote” iye Doono Yeeri. “Kelloonaa tuggoona aalloon bi ikkeeto koteꞌi beeton koyote.

Hiziqeeli 34:25

“ ‘Diggee wogoon boonoshina tookki giyemmo taane; gonde cooxinaꞌon showoochee aalliyemmo taane; ebina boonoshi diggoona barahooch kotemminaꞌone; kuboochoo tokketemminaꞌone.

Zakaariyaasi 14:11

Yerusaalemi ashi beeyi xaaꞌoon tunemmine; wochinnoon aallo bi toommooch shagaachemmone; asheenaꞌo keqqaalloon diggoona beeyemmine.

Zakaariyaasi 8:12

“Boonoshi maayi yaroon diggoona shookkemminaꞌone; boonoshi woyinoo aafemmone. Showoo maayoon shakkiyemmone; amiyo shimaayoochee dihemmone. Ebi bulli mooyon curo tuneꞌi echeti ta asheenaꞌo woraashemmoyich tuniyemmo taane.

Haddoo 23:9

Guudinaꞌo toommoochaa boonoshin ciinnaabeeto taane; geppeenaꞌo toommoochaa boonoshin beeggaabeeto taane. Aageteenaꞌona tookkii bacceyaanoon bariꞌi boonoshi qelloona koteebeeti asheenaꞌone.

Yibbaatoo 11:11

Giyiree ittoshi woraashiya ii beeti showoo geppoonaa bamboona beeti showoo, shimaayoochee amiyon daneebeeti showoone.

Yibbaatoo 12:10

Yoordaanoosin ittoshi kimiyooba, ittoshi Nuggishoo Doono Yeeri are showoon woraashi arooch ittoshi beeyemmoyich tuniyemmone. Biyoo ittoshi etteenaꞌo bulli waanee ittoshin bi kashiitaa, diggoona beeyemmo ittoshine.

Yibbaatoo 32:2

Ta doyoo amiyochoommon ufebe; ta yibbaatoo doshoochoommon kindibe; colleebeeti mocee toommooch dudiibeeti amiyochoommon, mocee toommooch amichi kuchoochoommon kindibe.

Yibbaatoo 32:8

Beshoo Yeeri aageteenaꞌoyich iristoon bi imiyooba, ashi yaroonoo bi barbariihooba, Israꞌeelee bushiisheenaꞌo haddi haddoommona macceenaꞌoyich daaroon geddiye.

Yibbaatoo 33:12

Biiniyaami yoodoochon ishichiye: “Doono Yeerina shucheti yoodo, biinna quyeeꞌi beehe; heeyo bullin boonoshin quyemmone; bi beeyi xaaꞌoonoo boonoshi geppee toommooch tuniihe” iye.

Yibbaatoo 33:13

Yooseefi yoodoochon ishichiye: “Doono Yeeri boonoshi showoon, shimaayoochee doshoon (caagibanoon) kindiyoona, showee dechiichee aacon xuuphiyoona, diiribe.

Yaaꞌoo 21:27

Bagoochi kashee macaafooch boonoshi shigo kooreetinaꞌoyee beshetaa, amee eeꞌe mooyo tuneba tiyaariibeeti mooyon shuuneebeeto woyee kootoon koottiibeeti asho hini are katemeech ciroona giyaachemmone.