Yibbaatoo 33:27 - Kafa Linguistics Project

²⁷ Bulli yemeenoon beeyechi Yeeri ittoshi beeyi xaaꞌoone; bulli yemeenoon beeyechi bi mocheenaꞌo ittoshi qoyeenaꞌone. Ittoshi etteenaꞌon ittoshi aafoochee yookkii kichiꞌi, ‘Koyi aalliibote’ iye.

Yibbaatoo 33:27 ပူးပေါင်းရင်းမြစ်များ

Halloo 49:24

Tunebaani ginoon manje bi kishoona yaaddiyemmone. Yaaqobi goyinneebeeti Giidechi Nuggishoo Yeerichi kishoona, Qiddoo, Israꞌeelichi Xaqqee Inderoo, Yeerina bi mochoo manjiye.

Shoddo 102:24

Tawoo “Ta Nuggishoocho, ta eeni gutte daggoochaa taan daammaahine; ne yemeeno shiijjeroochee shiijjerooch bedoone.

Shoddo 139:5

Ne, ta aafinaa ta gubbinooch beeto neene; ta shimbooch ne kishoon kotiihine.

Shoddo 18:2

Doono Yeeri ta deebe xaqqo, ta mishigo, taan wodiyecho, ta Nuggishoo, shoobbii taan wodiibeeti deebe xaqqo, gaachoochoommon taan qeriibeeto, giidechi wodiyecho, bi shoobooch giyiree ta wodemmi, ta deeboone.

Shoddo 27:5

Ebiyoo xuuxee aabooba, bi duukkaanooch taan aachemmo, bi duukkaanee maacoo taan qeremmo, shiishe xaqqee toommoochoo taan neechemmo, bi tunetoyichiye.

Shoddo 36:7

Yeero, ne shoodo oogeti aaxxe mooyone; asheenaꞌo ne qoshee yiiroon shoobo tuniiheete.

Shoddo 46:1

Yeeri nooch deeboonaa giidoonane; xuuxee aabo bulliichoo no gaachoone.

Shoddo 46:11

Beshe Mawe Doono Yeeri noonna tookkii beetone; Yaaqobichi Nuggishoo no deeboone.

Shoddo 46:7

Beshe Mawe Doono Yeeri noonna tookkii beetone; Yaaqobichi Nuggishoo no deeboone.

Shoddo 48:3

Yeeri are katemee mishigooch beetone; biyoo are katemeech deebo bi tunoon bekkiitone.

Shoddo 55:19

Yeer waan wotteyaaneenaꞌo, biinoo shataaneenaꞌo boonoshi tunetoyich, bulli aabooch bi taatee qeenooch beeti Yeeri, ebin waayeree boonoshin cooniyemmone.

Shoddo 68:34

Bi oogee yiiroo Israꞌeeleenaꞌo toommooch, bi hakkoo qubee toommooch tuneti, Yeerichi hakkoon awaajjibote.

Shoddo 71:3

deebe xaqqoon tuneree, manje mishigoonoo tuneree, taan wodiibe; ne ta deebe xaqqo, ta mishigo neene.

Shoddo 91:15

Taan bi ceegiyooba waayemmo taane; bi xuuxee aabooba biinna tookki tunemmo taane; biin wodiyemmo taane; biin oogiyemmo taane.

Shoddo 91:9

Ebiyoo Doono Yeerin neech shoobo ne tuniitoyich, Beshoo Yeerin ne qiddoo ne tuniitoyichiye.

Keyo 23:28

Hiweenaꞌon, Kanaaneenaꞌonaa Hiteenaꞌonon betiyemmo taane; ne aafoochee boonoshin yoohi kichemmo taane.

Keyo 34:11

“Hanaach neech ta gettaa beeton tuniibe. Amooreenaꞌon, Kanaaneenaꞌon, Hiteenaꞌon, Ferizeenaꞌon, Hiweenaꞌonaa Yebuseenaꞌonon ne aafoochee yoohi kichemmo taane.

Shaahiyoo 10:25

Yuboo tiyiyooba gonde asho hidee aallemmone; tunebaani cadiqo bulli yemeenoon manjiree beeyemmone.

Shaahiyoo 18:10

Doono Yeerichi shigo manje xaqqee dilaaloommone; cadiqeenaꞌo arooch woccii deebeꞌi wodiyeete.

Solomooni 2:6

Bi yooche kishoon taach qoyiihe; bi qanne kishoona taan tiqqehe.

Isiyaasi 25:4

Girechoyich deeboon, shiqqoyichoo bi xuuxee aabooba deebon, aachi aayoochee bi wodemmi xaaꞌoon, aaboyich yiiroon, tuneto neene; maacmanjeenaꞌochi kaaree cufoo, kechi duuhoon qicciibeeti aachi aayoommon,

Isiyaasi 26:4

Bulli yemeenooch Doono Yeerin gibenebote. Nuggishoo Doono Yeeri, nooch bulli yemeenee deebe xaqqoone.

Isiyaasi 32:2

Eboshiyoo boonoshi ikkikkoona yongoonaa yuboonoochee aashee xaaꞌoommon, baraheexi aachi xuuphoommon, shuuꞌi showoochaa xaqqee guudee yiiroommon tunemminaꞌone.

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Erimiyaasi 10:10

Tunebaani Doono Yeeri ibere Nuggishoone; aroo beeyechi Nuggishoonaa bulli aabee Taatoonane; bi kaaroochee tiyitona showoo qewehe; aageteenaꞌoo bi kaaroon haaꞌiyoon hakkaacheete.

Erimiyaasi 50:21

“Damba Maritaayimi showoonaa Feqoodinooch beetinaꞌo waan keyote; boonoshin wuxibote; ciroona aalliibote” iye Doono Yeeri. “Ittoshich ta getteto bullin tuniibote.

Hosee'i 11:3

Efreemin haattaa, bi shaꞌemmoyich tuniito taane; ta sheenooch tiqqeto taane; tunebaani boonoshin wodiito ta tunoon ariyaaneenaꞌone.

Mikiyaasi 5:1

Hini ginee naayinaꞌochi katemoocho, ginee naayinaꞌon kicibe; giicheto noone. Israꞌeelee wulloochi gaakkoon gumboona xoobbii beetinaꞌone.

Mikiyaasi 5:2

Doono Yeeri ishichiye: “Beetilehem Efiraati katemeene, Yihudee showooch beeti gishiishi katemeenaꞌoochee ikke ne tunetaanoona, wonnee wonneecho, wohi yemeeneexo tuneti, Israꞌeelee showoon qeejjemmi woraaferashoo ne waanee taach kechemmone” iye.

Imbaaqoomi 1:12

Yaafe ta Nuggishoo Doono Yeero, ne, bulli yemeenoon beeyechi Nuggishoo neene. No qitaachemmo noone. Doono Yeero, no toommooch boonoshi nallemmoyich Baablooneenaꞌon kaaccehine; no Xaqqee Inderoocho, noon boonoshi sheeremmoyich boonoshich giidoon immeto neene.

Luqaasi 13:34

“Keemechinaꞌon wuxiibeeti hini Yerusaalemi asheenaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin kicoyich ambiche wottoon shunnetote! Tunetaa ittoshi qaawaano ittoshine.

Roomi 16:20

Diggee Nuggishoo Sheexaanoon kaate yexi dichiree ittoshi baatee dechiich yiikkemmone. No Doono Yesuus Kiristoosichi wojjoo ittoshina tookki tunebe.

Roomi 8:2

Kiristoos Yesuusina ta daneti, kashoon immiibeeti Ayaanee sheeroo axaaxoonaa qitoonooch shakkiibeeti sheeroochee taan kichitone.

Yibbaatoo 7:2

Ne Nuggishoo Doono Yeeri boonoshin ne kishooch beshii bi imaa, koyi wochemmo neene. Ebiyooba boonoshin ciroona hidi aalliibe. Boonoshina tookki ikkotteya wogoon giyaahine. Boonoshichoo ariqqeyaahine.

1 Ximootiyoosi 1:17

Bulli yemeenee Taatoo, aalleyaano, bekkeyaano, bi ikkeeto baach tuneti Nuggishoyich galletoonaa oogee yiiroona bulli yemeenoon tunebe. Ameena.

Hibireena'o 9:14

kiinaallo tuneꞌi bulli yemeenoon beeyemmi Yeerichi Ayaanoona bi qelloon deejjoo tuniiꞌi Yeerich giddiiti Kiristoosichi damoo aabichiree beshoon beeyechi Yeerich no maddemmoyich, qitoo tuneti shuunoochee no mulloon xalliyemmo tunehe!

Yaasi 24:18

Doono Yeeri hini showooch beeti aageteenaꞌo bullin, Amooreenaꞌona tookkii, no aafoochee yookkitone; bi, no Nuggishoone; ebich nowoo wotta Doono Yeerich goyinne maddemmo noone” iyeete.

1 Pheexiroosi 1:5

Ittoshi mulloon Kiristoosi toommooch ittoshi tooꞌii beetoyich, yemeenee ciirooba bekkeya qanniti wodoyich Yeerichi giidoona quyeeꞌi beeto ittoshine.

Yihudi 1:24

Giinnii dihoochee ittoshin quyebee, bachaallo tuniiree bi oogee yiiree aafooch oogeti emiroona ittoshin neechoon hakkiibeeti,

Yaaꞌoo 20:10

Boonoshin muriciiti daabiloosiyoo, cooxonaa koote keemechona duppeti, qaaqqoonaa waageroona micciibeeti baharooch duppehe; bulli yemeenoon areddoonaa xumoonon xuuxemminaꞌone.

1 Saameeli 15:29

Israꞌeeleenaꞌochi oogee yiiroo tuneti Yeeri kootaache; bi gaboonoo shaddaache. Bi gaboon bi shaddemmoyich, bi asho toonoone” iye.