Yibbaatoo 33:19 - Kafa Linguistics Project

¹⁹ Bare yoodee asheenaꞌon boonoshi geppooch ceeggemminaꞌone; ebi aroochaa tate deejjoon deejjemminaꞌone. Boonoshi gaannoon baharoochee, baharee gashooch beeti qacoochee daneheete” iye.

Yibbaatoo 33:19 ပူးပေါင်းရင်းမြစ်များ

Halloo 49:13

“Zebulooni baharee gashooch kotemmone; markabeenaꞌochi neexee xaaꞌoon tunemmone; bi showee tuggo Sidoon beddaahaa tunemmone.

Shoddo 107:22

Galletee deejjoon biich giddiibeete; bi shuunoonoo emirikkiibeeti shoddoona geteete.

Shoddo 2:6

“Yaafee ta geppoo Tsiyooni toommoochaa ta kaacceti taatoon ukkiriito taane” gettemmone.

Shoddo 4:5

Tate deejjoon deejjibote; Doono Yeerinoo gibenebote.

Shoddo 4:6

“Gaawe mooyon koni nooch bekkiiba!” ii beetinaꞌo meetinaꞌone; Doono Yeero, ne aafee biroo no toommooch birebe.

Shoddo 51:19

Ebiyooba, tate deejjoo, micciibeeti deejjoo, amolla echeyaanoon micciibeeti deejjoo, neen emirikkemmone; ebiyooba gubbeneenaꞌo ne deejjee gudooch deejjeyemminaꞌone.

Keyo 15:17

Doono Yeero, ne beeyi kexo bi tunemmoyich, ne shuuneti xaaꞌooch, ta Doonocho, ne kishoo shuuneti, ne yaafee kexooch, ne hajjoo tuneti guudi toommooch, boonoshin deebemmo neene; aroochoo boonoshin manjiyemmo neene.

Isiyaasi 2:3

Meeti asheenaꞌo waaree ishichemminaꞌone: “Sheeroo Tsiyoonee, Doono Yeerichi qaaroo Yerusaalemee bi kechii beetoyich, ittoshi waataa damba Doono Yeerichi guudooch, Yaaqobichi Nuggishoo yaafee kexooch hambone. Biyoo, bi gommon nooch dojjemmone; nowoo, bi bekkiiti boochoona hammemmo noone” gettemminaꞌone.

Isiyaasi 60:16

Bushiishoo xanon xamoommon, aageteenaꞌonaa taateenaꞌonochi gaannoon xammemmi neene; Doono Yeeri ta, Yaaqobi goyinneebeeti Giidechi Nuggishoo, neen Wodiyechonaa neen Biishechona ta tunoon ariyemmi neene.

Isiyaasi 60:5

Ebin beegiree emiroona wucwuccemmi neene; ne mulloo oogichi emiremmone; ebiyoo bahareexi gaanno ne waan wottemmo bi tunetoyich, aageteenaꞌo gaanno ne waan woyemmo bi tunetoyichiye.

Mikiyaasi 4:2

Meeti aageteenaꞌo waaree ishichemminaꞌone: “Sheeroo Tsiyoonee, Yeerichi qaaroo Yerusaalemee bi kechii beetoyich, ittoshi waataa damba Doono Yeerichi guudooch, Yaaqobichi Nuggishoo yaafee kexooch hambone. Biyoo, bi gommon nooch dojjemmone; nowoo, bi bekkiiti boochoona hammemmo noone” gettemminaꞌone.

Yibbaatoo 32:13

“Xoobooch keyiree showoon ittoshi hajjemmoyich tuniihe; naqqe showooch gocheti maayoon maahote. Xaqqee gogginoochee eeyon ittoshi maayemmon tuniihe; xaqqechi showooch zayitee mixo ittoshich bi collemmoyich tuniihe.

1 Pheexiroosi 2:5

Ittoshi giddemmo, kashechi xaqqoommon ayaanee kexon tuneꞌi hakkeyoyichiye. Ebina Yesuus Kiristoos waanaa emirikkiibeeti ayaanee deejjoon Yeerich giddiyoyich, yaafeeti qeesheenaꞌon tunemmo ittoshine.