Yibbaatoo 33:16 - Kafa Linguistics Project

¹⁶ showee colliibeeti gaawe mooyo bullina, micciibeeti tushoochaa bekketi Doono Yeerichi gaawe aafoona ciinneyoona, ebi bulli mooyona Yooseefichi shiijjereenaꞌo diireebeete; ebiyoo bi maneenaꞌo daggooch iraashoo bi tunetoyichiye.

Yibbaatoo 33:16 ပူးပေါင်းရင်းမြစ်များ

Halloo 37:28

Ebich Miidiyamee giixechinaꞌo waaꞌi boonoshi beetooch shaggimmona, bi maneenaꞌo Yooseefin oppoochee geechii kichiꞌi, Ishmaꞌeeleenaꞌoyich hiye birewoona kemmiyeete. Boonoshiyoo Yooseefin Gibitsee showooch daammiyeete.

Halloo 37:36

Ebiyooba Miidiyamee showeexi giixechinaꞌo Yooseefin Gibits daammiꞌi, Faroonichi iraasheenaꞌo daggoochee ikkoo tuneti, taatoo quyee naayinaꞌochi iraashoo Phoxifaarich kemmiyeete.

Halloo 37:8

Bi maneenaꞌoo “Iberoon no toommooch taateree noon hajjiyane ne gabaabeeto?” iyeete. Bi gumichonaa bi gettiti mooyochonoyich aafichoyee beshoon biin shixxiyeete.

Halloo 43:32

Yooseefich badd giddehe; bi maneenaꞌoyichoo badd giddehe; ebiyoommon biinna tookkii maabeeti Gibitseenaꞌoyich wotta badd giddehe. Ebiyoo Gibitseenaꞌo Hibiree asheenaꞌona tookkii mamon eeꞌo tuniiꞌi boonoshi ciinnii beetoyichiye.

Halloo 49:26

Wonnee yemeenoochee tiijjii manjiꞌi beeti guudinaꞌonaa bulli yemeenoon tuneti geppeenaꞌonoochee daneebeeti, emirikkiibeeti diiroo bulliyee ne nihoo diiroo beshiye. Illa ebi diiroo bulli Yooseefi toommooch tunebe; bi maneenaꞌo daggooch iraashoo tuneti Yooseefi toommooch kindibe.

Shoddo 24:1

Showoonaa arooch ceennito bullina Doono Yeerichone; showoonaa showee toommeexi asho bullina biichone.

Shoddo 50:12

“Alemoonaa arooch beeto bullina taacho bi tunetoyich, taan bi shaacii gaatoona neech getaache.

Shoddo 89:11

Shimaayoo neechone; showoo neechone; alemoonaa bi daggooch beeto bullinon hallito neene.

Keyo 2:2

Ureyoo xifaꞌa anaami bushoon shiyahan. Mallet gaawe bushoo bi tunoon beeggaꞌa, keejje agenee wottoon aachiyan.

Erimiyaasi 8:16

Haresheenaꞌochi qaaro Daani katemoochaa waayeehe; ginee anaaminaꞌochi haresheenaꞌo gashigishoochee tiyitona, showoo bulla qewehe. Waaꞌi showoonaa arooch beeto bullinon, katemoonaa arooch beeto bullinon maaheete” iyeete.

Haddoo 26:28

Yooseefi shiijjereenaꞌo Minaasinaa Efreemina waanaa boonoshi gumbi gumboona eboshine:

Maariqoosi 12:26

Qititinaꞌochi timon, Yeeri tushee qaaqqee daggoochaa Muusich amoon bi gettito gaata, Muusi kooriti macaafoochee shemmeyaachote? Ebiyoo ‘Ta Abrahamichi Nuggishoo, Yisaaqichi Nuggishoo, Yaaqobichi Nuggishoo taane’ ii beetone.

Luqaasi 2:14

“Shimaajji shimaayooch beeti Yeerich oogee yiiroo tunebe! Showoochoo Yeeri boonoshina emiriti asheenaꞌoyich diggoo tunebe” iyeete.

Mishiraachechinaꞌo 7:35

“Hini Muusi ‘Ukkiroonaa nallechona ne tunemmoyich konine neen ukkiriito?’ iꞌi boonoshi hoxeti uroone. Aroonoo tushee daggoochaa bi beeggiti maraakoo kishoona Yeeri ukkiroonaa wodiyechonon tuniiꞌi deejjiye.

1 Qorontoosi 10:26

Ebiyoo “Showoonaa bi daggooch beeto bullina Doono Yeerichone” getaa Yaafe Macaafooch bi kooreetoyichiye.

1 Qorontoosi 10:28

Tunebaani koniyoona ittoshich “Ebi deejjee meenone” bi getigaata, “Taan mangemmone” getiree bi gabaachemmoyich, ittoshich gettiti are uroyicha getiree maayaahote.

Hibireena'o 7:26

Yaafoo, bachaallo, muricaallo, axaaxechinaꞌoyee barito, shimaayoyee damba kechito, ebiyoommi qeeshee guudo nooch qaawiihe.