Yibbaatoo 33:13 - Kafa Linguistics Project

¹³ Yooseefi yoodoochon ishichiye: “Doono Yeeri boonoshi showoon, shimaayoochee doshoon (caagibanoon) kindiyoona, showee dechiichee aacon xuuphiyoona, diiribe.

Yibbaatoo 33:13 ပူးပေါင်းရင်းမြစ်များ

Halloo 27:27

Yaaqobiyoo giddeꞌi shummiye. Yisaaqiyoo Yaaqobichi tahee cinnoon shiiqqeꞌi tiyii ishichii diiriye: “Ebiyoche, ta bushoo cinno Doono Yeeri diiriti budochi cinnoommone.

Halloo 27:39

Yisaaqiyoo wochiꞌi ishichiye: “Ne beeyemmo, qeemi showoochee, shimaajji shuxoocheenoo wohireeshiye.

Halloo 48:5

“Hini showooch ta womoyee shiichaꞌa, Gibitsee showooch beechaa ne shiyeti, ne gutte bushiisheenaꞌo illa ta bushiisheenaꞌon tuniitaa haddeyemminaꞌone. Roobeelinaa Simoonina ta bushiisheenaꞌo boonoshi tunetoommon Efreeminaa Minaasina ta bushiisheenaꞌo tunemminaꞌone.

Halloo 48:9

Yooseefiyoo bi nihoyich “Eboshi Yeeri taach immiti ta bushiishoone” ii wochiye. Israꞌeeliyoo “Ta waan ne giddiitaa, boonoshin diiribona” iye.

Iyoobi 29:19

Aachi gashooch becheeti, xumoona doshoo (caagibano) bi toommooch kindiibeeti mixon shaahiyoye.

Shoddo 110:3

Koyooch ne keyiyooba, ne asheenaꞌo boonoshi qelloon neech beshii immemminaꞌone; gurimaashe ne asheenaꞌo haree doshoo (caagibano) kindoommon, yaafeeti geppooch, ne waan woyemminaꞌone.

Shoddo 148:7

Bahareexi halleenaꞌonaa ceeni aacinaꞌonote, ittoshi bulli showoochaa Doono Yeerin galletebote.

Shaahiyoo 19:12

Taatoochi kaaro daaheree cidoommone; tunebaani bi aafoochaa gidoon dano, mocee toommeexi keetoommone.

Shaahiyoo 3:20

Bi ariyoona aacinaꞌo ufeheete; qubeenaꞌoo amiyon dichiyeete.

Isiyaasi 18:4

Doono Yeeri taach ishichitone; “Turaarooch nibboona aaxxaabeeti aabeechoommon, maayi qecci goorooch kindiibeeti doshoochoommon (caagibanoochoommon) shimaajji ta kexoochaa nibboona dugilla ciinnaabeeto taane” itone.

Hosee'i 14:5

Israꞌeeleenaꞌoyich doshoon (caagibanoon) tunemmo taane; gaawe mocee bungoochoommon bungemminaꞌone; Libanoosee yigoochoommon cammon awuremminaꞌone.

Mikiyaasi 5:7

Curo tuneꞌi echeti Israꞌeeleenaꞌo meeti aageteenaꞌo daggooch, dicciibeeti mocee toommooch Doono Yeer waanee kindiibeeti doshoommon (caagibanoommon), kucheebeeti amiyoommon tunemminaꞌone. Boonoshiyoo boonoshi gibenemmo Yeerinalli ashoon toonoone.

Zakaariyaasi 8:12

“Boonoshi maayi yaroon diggoona shookkemminaꞌone; boonoshi woyinoo aafemmone. Showoo maayoon shakkiyemmone; amiyo shimaayoochee dihemmone. Ebi bulli mooyon curo tuneꞌi echeti ta asheenaꞌo woraashemmoyich tuniyemmo taane.

Haddoo 1:32

Yooseefi bushiishoochee, Efreemi yoodoochee, hiye natonaa ebiyee damboona tuneti, ginooch hamoyich bedditi anaamo bulli, bi shiijjeri shiijjeroona, bi gumbi gumboona, bi qaabbechinaꞌo yari yaroona, bi shigi shigoona kooreehe.

Yibbaatoo 32:2

Ta doyoo amiyochoommon ufebe; ta yibbaatoo doshoochoommon kindibe; colleebeeti mocee toommooch dudiibeeti amiyochoommon, mocee toommooch amichi kuchoochoommon kindibe.

Yibbaatoo 33:14

Aabee gooroona aafeebeeti michi aafoona, bi agen agenoona aafeebeeti gaawe aafoona,

Yibbaatoo 33:28

Ebina Israꞌeeli diggoona, Yaaqobichi sheeyo keqqaalloon, maayoonaa woyinee uyoona ceenniti, shimaayoo doshoon (caagibanoon) kindiibeeti showooch beehe.