Yibbaatoo 33:12 - Kafa Linguistics Project

¹² Biiniyaami yoodoochon ishichiye: “Doono Yeerina shucheti yoodo, biinna quyeeꞌi beehe; heeyo bullin boonoshin quyemmone; bi beeyi xaaꞌoonoo boonoshi geppee toommooch tuniihe” iye.

Yibbaatoo 33:12 ပူးပေါင်းရင်းမြစ်များ

2 Saameeli 12:24

Daawitiyoo bi mechee Baarshabin goggiihe. Aroochee biinna tookkii qeyiye. Biyoo anaami bushoon shiyahan. Daawiti bushoon Solomooni iꞌi shigiihe. Doono Yeeriyoo bushoon shunniye.

2 Saameeli 12:25

Doono Yeeri bushoon bi shunnitoyich, Yididiyi getaa bi ceekkemmoyich, Naataanin wochee daachiihe.

1 Taateenaꞌo 12:21

Roboꞌami Yerusaalem waachii, Israꞌeeleenaꞌon koyiree, taatittinoon biich boonoshi wochemmoyich, Yihudi yoodee asho bullinaa Biiniyaami yoodoonoochee aricheti balli shinne hume ginee naayinaꞌon kiciye.

2 Kiinoo 11:1

Roboꞌami Yerusaalem waachii, Israꞌeeleenaꞌon koyiree taatittinoon biich boonoshi wochemmoyich, Yihudinaa Biiniyaaminochi yoodoochee aricheti balli shinne hume ginee naayinaꞌon kiciye.

2 Kiinoo 15:2

Azariyaasi Aasina daneya hammiꞌi, “Aaso, Yihudee asheenaꞌonaa Biiniyaamee asheenaꞌonote, ta waanee ellebote. Ittoshi, Doono Yeerina tookkii ittoshi tunegaata, Doono Yeeriyoo ittoshina tookki tunemmone. Ittoshi qaawigaatoo ittoshich danemmone. Tunebaani biin ittoshi qayigaata, ittoshin qajjemmone.

Shoddo 132:14

Biyoo “Hini bulli yemeenoon ta beemi xaaꞌoone; hinin ta shunnetoyich hiniich beeyemmo taane.

Shoddo 60:5

Ne shunnaabeeti asheenaꞌo wodemmoyich, ne qanne mochoona nooch wudoon daniibe; no corootoon waayebe.

Shoddo 91:4

Bi qoshoona neen qeremmone; bi qoshee dechiich shoobo danemmo neene; bi gibeneyoo neech gaachoonaa deeboonon tunemmone.

Keyo 28:12

Israꞌeelee yoodeenaꞌochi shalligichee xaqqeenaꞌo boonoshi tunemmoyich, ebi gutte aaxxe xaqqeenaꞌon gutte gogee toommeexi, efoodee kaꞌeenaꞌona tookki yeshiibe. Doono Yeeri ta aafooch shalligichoo tunemmi, ebi shigeenaꞌon Harooni bi gogooch shaage.

Isiyaasi 37:22

Bi toommooch Doono Yeeri gettiti qaaro ebine: “ ‘Tsiyooni gidiide maache bushee neen hoxemmine; neen coonemmine. Woci ne beetaa, Yerusaalemi gidiidee ne toommooch qeeqqeremmine.

Isiyaasi 37:35

“ ‘Ta oogoyicha getiree, ta guuno Daawiticha getiree, hini katemeen deebe wodiyemmo taane’ itone” iye.

Isiyaasi 51:16

Ne noonooch ta qaaroon kotiito taane; ta kishee yiirooch neen aachemmo taane; shimaayoon yaggito showoon kotteto taane; Tsiyoonee asheenaꞌonoo ‘Ittoshi, ta asho ittoshine’ gettemmo taane” iye.

Erimiyaasi 12:7

Doono Yeeri ishichiye: “Ta kexon qajjeto taane; ta iristoonoo duppeto taane; ta kashoona ta shunnaabeeti maccoon, bi etteenaꞌo kishooch beshiyaꞌa immeto taane.

Haddoo 34:21

Biiniyaami yoodoochee Kisilooni bushoo Elidaadi,

Maatiyoosi 23:37

Daakkiꞌi Yesuusi ishichiye: “Hini Yerusaalemi asheenaꞌote! Keemechinaꞌon wuxii beetinaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin ikkooch kicoyich ambiche wottoon shunnetote! Tunetaa ittoshi qaawaano ittoshine.

Yibbaatoo 12:10

Yoordaanoosin ittoshi kimiyooba, ittoshi Nuggishoo Doono Yeeri are showoon woraashi arooch ittoshi beeyemmoyich tuniyemmone. Biyoo ittoshi etteenaꞌo bulli waanee ittoshin bi kashiitaa, diggoona beeyemmo ittoshine.

Yibbaatoo 32:11

Booyo bi kexon quyoommon, bi bushiishoo toommooch bi guufoommon, Doono Yeeri bi qoshoon yaggiꞌi, bi asheenaꞌon dihoochee quyehe.

Yibbaatoo 33:11

Doono Yeero, boonoshich beeto bullin diiribe. Boonoshi kishee shuunoo bulli neen emirikkito tunebe. Boonoshi etteenaꞌochi shimetoon kuxe. Wochinnoon boonoshi toommooch tiyaayeete” iye.

Yibbaatoo 4:37

Ittoshi qaabbechinaꞌon bi shunnitoyich, boonoshi shiijjereenaꞌo tuneti ittoshin kaacciye. Ittoshina tookkii tuneꞌi bi hajjee giidoona Gibitsee ittoshin kichii deebiye.

Woraaferasheenaꞌo 1:21

Tunebaani Biiniyaami asheenaꞌo Yerusaalem beeti Yebuseenaꞌon yookkii kichaaneenaꞌone. Ebich Yebuseenaꞌo hanaach beddaahaa Biiniyaami asheenaꞌona tookkii arooch koteꞌi beetinaꞌone.

1 Saameeli 10:20

Saameeliyoo Israꞌeelee yoodeenaꞌo bulli giddemmoyich bi tuniitaa, Biiniyaami yoodoyich ixoo (koshoo) kechiye.