Yibbaatoo 32:9 - Kafa Linguistics Project

⁹ Tunebaani Israꞌeeli Doono Yeerichi hajjoone, Yaaqobiyoo bi hajjee iristoone.

Yibbaatoo 32:9 ပူးပေါင်းရင်းမြစ်များ

2 Saameeli 14:16

Ta getoon waayeree, Yeeri nooch immiti showoochee noon aalliiya qaawiibeeti ashi kishoochee taannaa ta bushoonon wodiyemmo neene.

2 Saameeli 20:19

Ta katemee Israꞌeelee showee daggooch diggeenaa gibeneetina tuneti katemeene. Israꞌeelee showee daggooch indee tuneti katemeen aalliiya qaawaabeeto neene. Doono Yeericho tuneton aalliiya ne qaawaabeeto amoyichiye?” iyan.

1 Taateenaꞌo 8:51

Xuuroon wociibeeti qaaqqee sheelloommi Gibitsee ne kichiti ne hajjee asheenaꞌone.

1 Taateenaꞌo 8:53

Nuggishoo Doono Yeero, no qaabbechinaꞌon Gibitsee ne kichiyooba, ne guuno Muusina ne gettetoommon, ne hajjee asheenaꞌo boonoshi tunemmoyich, showee toommeexi aagetoo bulliyee boonoshin bariito neene” iye.

Shoddo 106:40

Ebich Doono Yeeri kaaro bi asheenaꞌo toommooch aaxxehe; bi hajjee asheenaꞌonoo tiyaarehe.

Shoddo 106:5

Ebiyoo ne kaaccetinaꞌo gaannoon ta beeggemmoyich, ne asheenaꞌona tookki ta emiremmoyich, ne hajjee asheenaꞌona tookki oogoona ta bekkemmoyichiye.

Shoddo 135:4

Ebiyoo Doono Yeeri Yaaqobin bi qellicho, Israꞌeelinoo bi hajjoo, tuniiꞌi bi kaaccitoyichiye.

Shoddo 28:9

Ne asheenaꞌon wodiibe; ne iristeenaꞌon diiribe; boonoshich qiddoon tunebe; bulli yemeenoon boonoshin shiimebe.

Shoddo 33:12

Doono Yeeri bi Nuggishoo tuneti aagetoo, bi iristo tuniiꞌi bi kaacciti maccoo, diireetone.

Shoddo 74:2

Wonna ne kaacceti ne iiteenaꞌon, ne biisheti ne iristee yoodee asheenaꞌon, ne beeyi xaaꞌoo ne tuniiti Tsiyooninoo, gabibe.

Shoddo 78:71

Bi ashoo Yaaqobich qiddoo, bi iristo Israꞌeelich taatoo bi tunemmoyich, xaachiibeeti bageenaꞌon quyoochee deebiye.

Keyo 15:16

Doono Yeero, ne asheenaꞌo, guuchittinoochee ne biisheti ne asheenaꞌo, boonoshi daggoona boonoshi beshemmi wottoon, keqqoonaa qewoona boonoshi toommooch kindii beetone; ne mochee giidoo shuuraani xaqqoommon boonoshin tuniitone.

Keyo 34:9

ishichiinoo iye: “Ta Doonocho, ne aafoochaa gidoon ta danegaata, hini asheenaꞌo babbereenaꞌo boonoshi tunetaanoona, ta Doonocho, noonna tookki hambe. No xuꞌoonaa no axaaxoonon maaribe. Ne hajjee aagetoon tuniiree noon ciine” iye.

Isiyaasi 19:25

Beshe Mawe Doono Yeeriyoo “Ta asheenaꞌo tuneti Gibitseenaꞌo, ta kishee shuuneenaꞌo tuneti Asooreenaꞌo, ta iristeenaꞌo tuneti Israꞌeeleenaꞌo diireebeete” geti diiremmone.

Isiyaasi 34:17

Bi boonoshich ixoon duppiye; bi kishoonoo woderoona boonoshich qoodiye; boonoshi bulli yemeenooch hajjemminaꞌone; shiijjeroochee shiijjerooch beddaahaa arooch kotemminaꞌone.

Isiyaasi 43:21

Ta qellich ta halliti asheenaꞌo, taan gallete shoddemminaꞌone” iye.

Erimiyaasi 10:16

Tunebaani Yaaqobichi Nuggishoo boonoshiyoommo toonoone; aroo bulli mooyon hallitone; Israꞌeeliyoo biich bariti maccoone; bi shigoo Beshe Mawe Doono Yeerine.

Erimiyaasi 2:7

Arooch beeti maayoonaa gaawe mooyonon ittoshi maayemmoyich, qeemi showooch ittoshin deebehoye. Tunebaani ittoshi giyiꞌi ta showoon eeꞌiihote; ta showoonoo ciigiihote.

Erimiyaasi 51:19

Yaaqobichi Nuggishoo boonoshiyoommo toonoone; aroo bulli mooyon hallitone; Israꞌeeliyoo biich bariti maccoone; bi shigoo Beshe Mawe Doono Yeerine.

Mikiyaasi 2:5

Illa ebich, showoo Doono Yeerichi asheenaꞌoyich beshiitaa bi ichehooba, ittoshi shiijjeroyich tunemmi qoodoo amolla daneyaachemmone.

Zakaariyaasi 2:12

Doono Yeeriyoo yaafeeti showoochaa Yihudin bi hajjoon tuniyemmone. Yerusaalemin wochinnoon kaaccemmone.

Efesooni 1:18

Wotta ta qollaabeetoo, ittoshi mullee aafo gaxxeeree ciinaa, ittoshin bi ceeggiti gibeno amo gaata, bi yaafeenaꞌoyich bi immemmi worganikkiti iristo amoommo gaata, no mulloon Kiristoosi toommooch tooꞌiibeeti nooch shuuneebeeti bi giidoo am shaahe ooge giidoo gaata ittoshi ariyemmoyichiye.

Yibbaatoo 9:29

Ebiyeenoo wotta, ebi asheenaꞌo ooge ne giidoonaa giidechi ne mochoonon bekkiyoona Gibitsee kichaa ne deebeti, ne hajjee asheenaꞌone’ iyoye.

Yaasi 24:17

Noonnaa no qaabbechinaꞌonon Gibitsee showeexi guuchittinoochee kichito, no aafoochoo ebi worganikkiti malleteenaꞌon shuuneto, boonoshi daggoona no besheti aageteenaꞌo bulli kishoocheenoo noon quyeto, konine? No Nuggishoo Doono Yeeri toone?

1 Saameeli 10:1

Aroochee Saameeli zayitoon yechiti qiicoon daammiꞌi Saaꞌooli shimbooch zayitoon ukkiye. Biin shummiichii ishichiye: “Doono Yeeri bi hajjee asheenaꞌo tuneti Israꞌeeleenaꞌo toommooch iraashoo ne tunemmoyich neen kaaccitone. [Yaabi qeejjibee, boonoshi guudoona beeti boonoshi etteenaꞌo kishoochee wodiyemmo neene. Bi asheenaꞌon yaabii qeejjecho ne tunemmoyich, Doono Yeeri neen bi kaacoyich ebi neech malletoo tunemmone.]