Yibbaatoo 32:7 - Kafa Linguistics Project

⁷ “Wonnee yemeenoon gabibe. Meeti shiijjereenaꞌochi yemeenoon shalligibe. Neen shiyitinaꞌon woyee geeneenaꞌon echebe. Wonnee mooyon neech gettemminaꞌone.

Yibbaatoo 32:7 ပူးပေါင်းရင်းမြစ်များ

Shoddo 10:6

Bi mulloonoo ishichiꞌi gabiye: “Hiniichee shuuraachemmo taane; shiijjeroochee shiijjerooch beddaahaa, iritoo ta toommooch shagaachemmone” iye.

Shoddo 119:52

Doono Yeero, wonnee ne sheeroon gabiyoye; ebinoo goggehoye.

Shoddo 44:1

Yeero, no waamona waayeto noone; wonna, boonoshi yemeenooch ne tuniiton, no qaabbechinaꞌo nooch gettitinaꞌone.

Shoddo 44:2

Aageteenaꞌon ne mochoona yookkaa kichihine; tunebaani no qaabbechinaꞌon bechihine; macceenaꞌon yiikkehine; tunebaani no qaabbechinaꞌochi mooyon kaachihine.

Shoddo 77:8

Bi shoodo bulli yemeenooch aalletone? Bi gibenikkiti gibeno echetone?

Shoddo 78:5

Biyoo Yaaqobichi shiijjereenaꞌoyich qociyoon neechiye; Israꞌeeleenaꞌoyichoo sheeroon geddiye; no qaabbechinaꞌoo boonoshi bushiisheenaꞌoyich boonoshi dojjemmoyichoo gettiye.

Keyo 12:26

Ittoshi bushiisheenaꞌo ‘Ebi deejjiꞌi ittoshi baariibeeti baaroon, ebi amee baaroone?’ iꞌi boonoshi echehooba,

Keyo 13:14

“Gubbi yemeenooch ne bushoo ‘Ebi ama getone?’ iꞌi bi echegaata, ishichibe: ‘Gibitsee showee guuchittinoochee Doono Yeeri giidechi bi mochoona noon kichiye.

Isiyaasi 46:9

Wonna besheti mooyon gabibote; Nuggishoo taane; tayee baroo aalloone; Nuggishoo taane; taanoo shaahemmo aalloone.

Isiyaasi 63:11

Aroochee asheenaꞌo Muusichi wonnee yemeenoon, gabiyeete; boonoshiyoo “Bi bageenaꞌochi qiddeenaꞌona tookkii boonoshin baharoochee kichito aaye? Bi Yaafe Ayaanoon boonoshi daggooch kotiito aaye?

Yibbaatoo 4:32

“Ittoshi Nuggishoo Doono Yeeri ittoshin Gibitsee kichii deebiꞌi bi hajjee ashoon bi tuniihooba, kupphe bi kishoonaa giidechi bi mochoonon bekkiiꞌi Gibitseenaꞌon aabichiꞌi xuuxooch bi duppito gaata beeggito ittoshine. Biyoo worganikkiti malletoonaa gaakkechi mooyonon tuniiꞌi boonoshin keqqichiye; ittoshicha iinoo boonoshina koyehe. Aroyee gubb, Siini guudoochaa qaaqqee daggoochaa ittoshich bi yibbaatee beetaa waayehote; tunebaani and beddaahaa kashoona beeto ittoshine. Doono Yeeri ashoon bi hallitoochee tiijjiꞌi and beddaahaa, ebiyoommi mooyo tunee ariibeete? Showee toommo bulliich guuddii ittoshi qaawitaanona, ittoshi Nuggishoo Doono Yeeri ittoshich tuniitoommi mooyon tuniiti bare nuggishoo beemon waayeto koninolla daneyaachemmo ittoshine.

Yibbaatoo 8:2

Ne Nuggishoo Doono Yeeri biich deꞌa ne gettemmoyich, iritoon ne toommooch deebii neen phirebee, besheti aabbe naton ebi genje gommon barahee daggoona neen bi yaaboon batteyaahine. Ebin bi tuniito, ne mullooch beeton beegoyich, ebiyoo bi getoon ne quyoonaa quyee qayonon beegoyichiye.

Woraaferasheenaꞌo 6:13

Geediyooniyoo wochiꞌi, “Ta doonocho, Doono Yeeri noonna tookkii bi beeto gaata, ebi mooyo bulli amoyich no toommooch shaggiye? No qaabbechinaꞌo ‘Doono Yeeri Gibitsee noon kichitone’ iibee boonoshi gettiti, worganikkiti gaakkechi mooyo bulli and aaye? Doono Yeeri noon qajjitone; Miidiyameenaꞌo kishooch beshiiꞌi immitone” iye.