Yibbaatoo 32:50 - Kafa Linguistics Project

⁵⁰ Ne manoo Harooni Hoori guudi toommoochaa qitiꞌi bi asheenaꞌo waan bi xaꞌeyoommon, newoo ebi ne kechaabeeti guudi toommoochaa qitiree ne asheenaꞌo waan xaꞌeyemmo neene.

Yibbaatoo 32:50 ပူးပေါင်းရင်းမြစ်များ

Halloo 15:15

Tunetaa ne, diggoona beeree ne qaabbechinaꞌo waan xaꞌeyemmo neene; geene baayi qitiree, duukkeyemmo neene.

Halloo 25:17

Ishmaꞌeeli balli shaashaa shabaatta nattiichii qitiꞌi, bi asheenaꞌo waan xaꞌeehe.

Halloo 25:8

bi kasho abbetehe; geenaa baayeꞌi qitiye; qititi bi asheenaꞌo waan xaꞌeehe.

Halloo 49:33

Yaaqobi ishin bi bushiishoyich gettii bi ciichitoyee gubb, bi baatoon kiciꞌi qeenooch qeyiye; bi kashoo abbetehe; biyoo bi asheenaꞌo waan xaꞌeehe.

Daaneeli 12:13

“Daaneelo, ne, ciirooch beddaahaa diggoona hambe; aroochee kashemmo neene. Yemeenee ciirooba qitii ne duukketoochee keyiree, ne qoodoon danemmo neene” iye.

Haddoo 32:38

boonoshi shigo shaddeeti Neebin, Baꞌaal Meꞌooninaa Sibiminon shuuneheete. Ebi boonoshi shuuneti katemeenaꞌoyich bare shigoon kichiyeete.

Haddoo 33:30

Hashimonee tiyii qaxiriꞌi, Moseroot koteheete.

Haddoo 33:38

Qeeshoo Harooni Doono Yeerichi getoona Hoori guudooch kechiye. Israꞌeeleenaꞌo Gibitsee kechiti aabbinnee natooba, uuchinnee agenee ikkinnee qemooba aroochaa qitiye.

Yibbaatoo 31:14

Doono Yeeri Muusich ishichiye: “Ebiyoche, ne qitemmi aabo katinnitone. Yaasin Israꞌeeleenaꞌo toommooch ta iraashiyemmoyich, biin ceegiree danee duukkaanooch wobote” iye. Muusinaa Yaasina danee duukkaanooch hammiyeete.

Yibbaatoo 31:16

Doono Yeeriyoo Muusich ishichiye: “Ne, qitiree ne qaabbechinaꞌon waan xaꞌeyemmo neene. Ne qititoyee gubb, hini asheenaꞌo taach gibeneyaaneenaꞌo tuneree boonoshina tookkaa ta giyeti wogoon biichemminaꞌone. Taan qayiree, boonoshi giya ii beeti showooch beeti bare nuggisheenaꞌoyich goyinne maddemminaꞌone.

Yibbaatoo 34:5

Ebina Doono Yeeri gettitoommon, Doono Yeeri guuno Muusi ebi are Moꞌabee showoochaa qitiye.