Yibbaatoo 32:46 - Kafa Linguistics Project

⁴⁶ boonoshich ishichiye: “Ittoshi toommooch miixoo bi tunemmoyich hanaach ittoshich ta gettaabeeti qaaro bullin manjiiree ittoshi mullooch yeshote. Hini sheeree qaaro bullin ittoshi bushiisheenaꞌo gibeneetinaꞌo tuneree boonoshi quyemmoyich, boonoshich dojjibote.

Yibbaatoo 32:46 ပူးပေါင်းရင်းမြစ်များ

1 Kiinoo 22:19

Andoo ittoshi Nuggishoo Doono Yeer waan wottoyich ittoshi mulloonaa ittoshi gaboonon ikkochibote; tiyiree Nuggishoo Doono Yeerichi yaafee kexon ittoshi hagaa, Doono Yeerichi wogee taabootoonaa yaafeeti yaafee kechi qiiceenaꞌona Doono Yeerichi shigoyich hakkemmi yaafee kexooch gibeete” iye.

Shoddo 78:5

Biyoo Yaaqobichi shiijjereenaꞌoyich qociyoon neechiye; Israꞌeeleenaꞌoyichoo sheeroon geddiye; no qaabbechinaꞌoo boonoshi bushiisheenaꞌoyich boonoshi dojjemmoyichoo gettiye.

Shaahiyoo 12:28

Cadiqittinee gommooch kasho beetone; are gommooch qitoo aalloone.

Hiziqeeli 40:4

Are uro taach “Ashi bushoocho, hiniich ne womi naboo ebin neech ta bekkiyemmoyichiye; ebich ne aafoona ciine; ne waamona waayebe; neech ta bekkii beeton ne mullooch gede; ne beeggemmo bullinoo Israꞌeelee macceenaꞌoyich gete” iye.

Hiziqeeli 44:5

Aroochee Doono Yeeri taach ishichiye: “Ashi bushoocho, Doono Yeerichi yaafee kechi qociyoo bullinaa bi sheeroo bullinochon ta gettaa beeton gaawichi ellebe; ne aafoonoo ciine; shalligishoo gete; yaafee kexooch gimonaa keyonoyich daaggeeti asheenaꞌochon gaawichi ariibe.

Amootsi 5:4

Doono Yeeri Israꞌeeleenaꞌoyich ishichiye: “Ta waan wottebote; kashoona beeyemmo ittoshine.

Luqaasi 9:44

“Ittoshi hini mooyon ittoshi mulloona manjiiree yeshote. Ashi Bushoon ashi kishooch beshiiree imma ii beetinaꞌone” iye.

Yibbaatoo 11:18

“Illa ebich ebi ta qaareenaꞌon ittoshi mulloonaa ittoshi eengoonooch kotiibote. Batteyaanoon shalligi ittoshi beeyemmoyich, kooriree ittoshi kishoonaa baree gutte daggoonooch tifote.

Yibbaatoo 11:19

Ittoshi bushiishoyichoo dojjibote. Kexooch ne kotaa beegaata, gommona ne hammaa beegaata, ne qeyaa beegaata, ne tiyaa beegaatoo ne noonoochee kuxaanoon gete.

Yibbaatoo 32:45

Muusi ebi qaaro bullin Israꞌeeleenaꞌo bullich yibbaatee bi ciichitoyee gubb,

Yibbaatoo 4:6

Ebi ittoshich ta dojjiton manjiiꞌi ittoshi quyegaata, oogeti shalligechi asho ittoshi tunoon aagetee asheenaꞌoyich bekkiyemmo ittoshine. Ebi qociyoon boonoshi waayegaata, ‘Iberoon meetonaa arichetona tuneti ebi asheenaꞌo shalligechinaꞌonaa yiiteenaꞌona tuneti asheenaꞌone’ gettemminaꞌone.

Yibbaatoo 4:9

“Doono Yeeri ‘Asheenaꞌon ta waan kicibe. Showee toommooch kashoona boonoshi beemmi yemeeno bullin taan shaton boonoshi doyemmoyich, boonoshi bushiishoonoo boonoshi dojjemmoyich, ta qaaroon boonoshich waayiyemmo taane’ iꞌi bi gettiyooba, ittoshi Nuggishoo Doono Yeeri aafooch, Kooreebi guudooch ittoshi neexeti aaboon batteyaahote. Ebi ittoshi aafoona ittoshi beeggiti mooyon ittoshi batteyaachemmoyich, wotta kashoona ittoshi beemmi yemeeno bullin ittoshi mulloochee bi aalleyaachemmoyich, kupphiiree ittoshi qelloon ariibote! Ebi mooyon ittoshi bushiishoonaa bushaa bushiishoonoyichoo dojjibote.

Hibireena'o 2:1

Ebich no waayeti mooyoochee muriciree no dihaachemmoyich, no waayeti mooyoyich beshoon no qelloon quyo nooch qaawiihe.