Yibbaatoo 32:43 - Kafa Linguistics Project

⁴³ “Aageteenaꞌote, Doono Yeerichi asheenaꞌona tookki emiroona cookibote. Bi guuninaꞌochi damee nichoon kichii beetone; bi etteenaꞌo toommoochoo nichoon kichii beetone; boonoshi axaaxee naboona duubeti bi asheenaꞌo showoon xallii beetone” iye.

Yibbaatoo 32:43 ပူးပေါင်းရင်းမြစ်များ

Halloo 12:3

Neen diirimmon diiremmo taane; neen uppimmon uppemmo taane; showee toommooch beeti ashi yareenaꞌo bulli neenna diireyemminaꞌone” iye.

1 Taateenaꞌo 8:43

ne beeyi xaaꞌoo tuneti shimaayoochaa waayebe; neen bi qolleto bullin biich tuniibe. Ebiyoo showee toommeexi asheenaꞌo bulli ne shigoon ariiree, ne asheenaꞌo tuneti Israꞌeeleenaꞌo neech boonoshi shatoommon, neech boonoshi shattemmonaa ta haggeti hini kexooch ne shigo beemon boonoshi ariyemmonoyichiye.

2 Taateenaꞌo 9:7

Keemechi ta guuninaꞌochi damee kaalloonaa Doono Yeeri ta guuninaꞌo bullichi damee kaalloonon Elizabeeli toommooch ta wochemmoyich, ne doono Akaabi kechi ashoon wuxemmo neene.

Iyoobi 13:24

Ne aafoon ta waanee badd ne wochito, ettoon tuniyaꞌa taan ne ciinneto, amoyichiye?

Shoddo 22:27

Showee tuggooch beddaahaa beeti asheenaꞌo bulli Doono Yeerin gabemminaꞌone; bi waanoo wottemminaꞌone; aageteenaꞌochi shiijjereenaꞌo bulli bi aafooch goyinnemminaꞌone.

Shoddo 58:10

Gondeenaꞌo toommooch nichoo kicheetaa beegiree, cadiqe asho emiremmone; gondeenaꞌochi damoona bi baatoon machemmone.

Shoddo 65:3

Axaaxoo noon qooxiyooba, ne, no xuꞌo bullin maarihine.

Shoddo 79:10

Aageteenaꞌo amoyich “Boonoshi Nuggishoo aaye?” geteeta? Ufeti ne guuninaꞌochi damee nichoon ne gaacon, no ciini beetaa aageteenaꞌoyich arichiibe.

Shoddo 79:9

Noon wodiyechi Yeero, ooge ne shigoyicha getiree noon gaachebe; ne shigoyicha getiree noon wodiibe; no axaaxoon maaribe.

Shoddo 85:1

Doono Yeero, ne showoyich deꞌe mooyon tuniimmo neene; Yaaqobichi yaroon wochaꞌa gaanniimmo neene.

Shoddo 85:3

Ne kaaree shiixxoo bullin wokkiimmo neene; kupphe ne kaaroochee wottemmo neene.

Isiyaasi 1:24

Ebich Doono, Beshe Mawe Doono Yeeri, Israꞌeeleenaꞌo goyinneebeeti Giidechi Nuggishoo ishichiye: “Ta etto tuneti ittoshi toommooch kupphe ta kaaroon kindiiree ta shixechi ittoshi toommooch nichoon kichemmo taane.

Isiyaasi 1:25

Ta mochoon ne toommooch tiijjemmo taane; ne osheroonoo gaawichi machemmo taane; ne gondo bullinoo wokkiyemmo taane.

Isiyaasi 11:10

Arooba Iseyichi yaroo aageteenaꞌoyich malletoon tuneree neexemmone; aageteenaꞌo biin qaawemminaꞌone; bi beeyemmi xaaꞌoo oogechi xaaꞌoo tunemmone.

Isiyaasi 19:23

Arooba Gibitsee showoochee Asooree showooch gamini gommo kechemmone; Asooreenaꞌo Gibitsee showooch, Gibitseenaꞌo Asooree showooch hammemminaꞌone; Gibitseenaꞌonaa Asooreenaꞌona ikkotteree goyinnemminaꞌone.

Isiyaasi 19:25

Beshe Mawe Doono Yeeriyoo “Ta asheenaꞌo tuneti Gibitseenaꞌo, ta kishee shuuneenaꞌo tuneti Asooreenaꞌo, ta iristeenaꞌo tuneti Israꞌeeleenaꞌo diireebeete” geti diiremmone.

Isiyaasi 44:22

Ne axaaxoon quboochoommon, ne xuꞌoon quboochoommon, shoterekkayiree aalliyemmo taane; neen ta biishetoyich ta waan wottebe” iye.

Isiyaasi 60:6

Miidiyaminaa Efaahinoochee waati, bushe dofee gaaleenaꞌo ne showooch ceennemminaꞌone; bulliyona Sheebee woyemminaꞌone; aachoonaa ixaanoonon deebemminaꞌone; Doono Yeerichi galletoon awaajjemminaꞌone.

Isiyaasi 66:10

Yerusaalemin shunnii beetinaꞌote, ittoshi bulli biinna tookki emiri wucwucote. Biich eeppitinaꞌote, ittoshi bulli biinna tookki oogichi emiribote.

Erimiyaasi 13:14

Ikkoonaa ikkoonon, niheenaꞌonaa bushiisheenaꞌonon qiciyemmo taane; boonoshin aalliishalli ta gettemmo ariqqeyaachemmo taane; aayinaachemmo taane; maaraachemmo taane’ itone Doono Yeeri, gete” iye.

Erimiyaasi 51:36

Ebich Doono Yeeri ishichiye: “Ta ittoshi qoodoon taggemmo taane; ittoshi nichoonoo gaaccemmo taane; bi baharoon shuuꞌiyemmo taane; bi aachi xuupheenaꞌo shuuqqemmoyichoo tuniyemmo taane.

Shoosho 2:5

Doono ettoon tunehe; Israꞌeeleenaꞌon aalliihe; bi taatee kexo bullin aalliihe; bi mishigeenaꞌon happiye; Yihudee asheenaꞌoyich, eefonaa shooshoonon woddiihe.

Hiziqeeli 16:63

Ne tuniiti mooyo bullin echebe ta iyooba ne xuꞌo neech bi tipphiimmona yeellemmi neene; yeellee naboona wochinnoon noonoo wochaachemmi neene, iye Nuggishoo Doono Yeeri’ gete” iye.

Hiziqeeli 25:14

Ta asheenaꞌo tuneti Israꞌeeleenaꞌochi kishoona Edoomi toommooch nichoon kichemmo taane; boonoshiyoo ta kaaroommonaa ta neboommona Edoomi toommooch tuniyemminaꞌone; aroochee Edoomeenaꞌo boonoshi toommooch nichoon kichito ta tunoon ariyemminaꞌone; ebin getteto Nuggishoo Doono Yeeri taane’ iye.

Luqaasi 19:27

Wotta boonoshi toommooch ta taatemmoyich shunaani ta shixechinaꞌon yeshiree taach hach deebote. Ta aafoochaanoo boonoshin guuribote’ iye” iꞌi gettiye.

Roomi 12:19

Ta shunechinaꞌote! Nichoon kichiyaahote. “ ‘Gondoon shuunetinaꞌo toommooch nichoon kichemmo taane; bareenaꞌon boonoshi xuuxiitoommon ta wochiree boonoshin xuuxiyemmo taane’ itone Doono Yeeri” getaa Yaafe Macaafooch kooreetone. Ebich Yeerich bulliibote.

Yibbaatoo 32:35

Boonoshi etteenaꞌo toommooch nichoon kichiree, boonoshin ta naxemmi aabo katinnitone. Diqqoona boonoshi baatoo giinnemmone; aalliibeeti naxo boonoshi toommooch kindemmone’ iye.

Yaaꞌoo 15:2

Arooba qaaqqoona bacceeti burciqee baharoon shaahii beeton beeggeho; wotta cooxonaa ebi are cooxon shaahiitaa shuuneetonon, bi shigee haddoonoo kochii wochitinaꞌo Yeer waanee boonoshi deqqiti ooge ximboon yechiꞌi burciqee baharee toommooch boonoshi neexee beetaa beeggeho.

Yaaꞌoo 15:4

Doonocho, neen shataanoonaa ne shigoon oogiyaanoona konine? Ne ikkeeto baach yaafoo neene; cadiqe ne shuunoo bullich bekketone; ebich aageteenaꞌo bulli waaree neech goyinnemminaꞌone” iyeete.

Yaaꞌoo 18:2

Oogeti qaaroona cookiibee, “Ooge katemee Baablooni dihitiyoche; dihitiyoche! Yinneenaꞌo bulli qeyi xaaꞌee tunetiyoche! Eeꞌeenaꞌonaa tiyaariitinaꞌona tuneti kafeenaꞌo [cooxinaꞌoo] kuppee xaaꞌee tunetiyoche!

Yaaꞌoo 18:20

Shimaayooch beetinaꞌote, emiribote! Yaafeenaꞌote, mishiraachechinaꞌote, keemechinaꞌote, ittoshi toommooch bi tuniiti mooyo bullichi gaacoon Yeeri bi toommooch bi nallitoyich emiribote.

Yaaꞌoo 19:2

Bi nalloo iberoonaa cadiqoonane; bi shunee mamona showoon eeꞌiiti, aricheti yahechi ure toommooch nallitone; bi maddechinaꞌochi damoyich bi toommooch nichoon kichitone” iye.

Yaaꞌoo 6:10

Ebi are wuxeeti asheenaꞌochi kasho oogeti qaaroona cookiibee, “Yaafoonaa iberoona tuneti Mawe Doono Yeero, nallaanoon ne yagemmo, showooch beetinaꞌo toommooch no damee nichoon ne gaacaachemmo aati wottooniye?” iyeete.