Yibbaatoo 32:41 - Kafa Linguistics Project

⁴¹ Aaxxeebeeti ta goraadoon gayiremmo taane; nalloon kindiyoyich yechemmo taane. Ta etteenaꞌo toommooch nichoon kichemmo taane; taan shixxii beetinaꞌon sheeremmo taane.

Yibbaatoo 32:41 ပူးပေါင်းရင်းမြစ်များ

Shoddo 149:9

boonoshi toommooch kooreeti nalloon ceechemminaꞌone. Ebina Yeer asheenaꞌo oogoon danemminaꞌone. Haleluya!

Shoddo 31:23

Bi yaafeenaꞌote, ittoshi bulli Doono Yeerin shunote; Doono Yeeri gibeneetinaꞌon quyee beetone; tunebaani geecechinaꞌon bede sheeroon sheeremmone.

Shoddo 7:12

Asho gondoochee wottoon bi qayigaata, Yeeri bi goraadoon gayiremmone; bi maꞌoon yeephiree qanniyemmone.

Shoddo 7:13

Wuxiibeeti ginee qiicoon qanniitone; cobbcobbimii aaxxeebeeti shangeenaꞌonoo shuunetone.

Keyo 20:5

Aroyichoo goyinne maddeyaahine. Ne Nuggishoo Doono Yeeri ta, qanaatechi Nuggishoo taane; taan shixxii beetinaꞌon, niheenaꞌo shuuneti axaaxee naboyich, keejjinnee shiijjeroonaa awuddinnee shiijjeroonooch beddaahaa boonoshi bushiisheenaꞌon naxaabeeto taane.

Isiyaasi 1:24

Ebich Doono, Beshe Mawe Doono Yeeri, Israꞌeeleenaꞌo goyinneebeeti Giidechi Nuggishoo ishichiye: “Ta etto tuneti ittoshi toommooch kupphe ta kaaroon kindiiree ta shixechi ittoshi toommooch nichoon kichemmo taane.

Isiyaasi 27:1

Arooba Doono Yeeri qingireebee awureebeeti Lewataanin, caaceebeeti dingeroon, manje ooge kupphe bi goraadoona kuxxemmone; baharee daggooch beeti dareboon wuxemmone.

Isiyaasi 59:18

Boonoshi shuuni shuunoommon boonoshich qoccemmone; bi etteenaꞌo toommooch naxoon, bi shixechinaꞌo toommoochoo kaaroon kindiyemmone; baharee gasheexi buure showeexinaꞌoyichoo boonoshi shuunetoommon shuunemmone.

Isiyaasi 66:16

Meeno taheto bulli toommooch Doono Yeeri qaaqqoona, goraadoonoo nallemmone; Doono Yeeri meeti asheenaꞌon wuxemmone” itone.

Isiyaasi 66:6

Katemoochaa cookee beeton waayebote. Yaafee kexoochaa cookee beeton waayebote. Ebiyoo Doono Yeeri boonoshi shuunetoommon bi etteenaꞌo toommooch bi shuunetoyich waayeebeeti qaaroone.

Erimiyaasi 44:26

Gibits koteti Yihudee asheenaꞌote, ebich Doono Yeerichi qaaroon waayebote; Doono Yeeri ishichiye: Gibits koteti Yihudee asho bulli ebiyee bekk ta shigoona ‘Beeyechi Nuggishoo Doono Yeeri beege’ geti bi wogeyaachemmoyich ooge ta shigoona wogeto taane.

Erimiyaasi 50:18

Ebich Israꞌeelee Nuggishoo Beshe Mawe Doono Yeeri ishichiye: “Asooree taatoon ta naxoommon Baabloonee taatoonaa bi showoonon naxemmo taane.

Erimiyaasi 50:28

No Nuggishoo Doono Yeerichi nichoon gaacon, bi yaafee kechi nichoon bi kichoon Tsiyooni katemooch getoyich, Baabloonee showoochee muriccii xuupphitinaꞌochi qaaroon waayebote!

Erimiyaasi 50:29

“Maꞌoon ciixxiibeeti shangechinaꞌon Baablooni katemooch ceegote; bi guudoona kotebeete; ikkolla muriccaaye. Israꞌeelee Yaafoo tuneti Doono Yeeri ta toommooch bi geecitoyich, bi shuunoommon biich shuunebote; bi tuniitoommon bi toommooch tuniibote.

Hiziqeeli 21:20

Goraado woyemmoyich Amooneenaꞌochi katemoo Raabinaa xaqqee uxerechi Yihudee katemoo Yerusaaleminochi gommooch malletoon gede.

Hiziqeeli 25:14

Ta asheenaꞌo tuneti Israꞌeeleenaꞌochi kishoona Edoomi toommooch nichoon kichemmo taane; boonoshiyoo ta kaaroommonaa ta neboommona Edoomi toommooch tuniyemminaꞌone; aroochee Edoomeenaꞌo boonoshi toommooch nichoon kichito ta tunoon ariyemminaꞌone; ebin getteto Nuggishoo Doono Yeeri taane’ iye.

Hiziqeeli 32:10

Meeti asheenaꞌo ne toommooch tuneton beegiree keqqemmoyich tuniyemmo taane; boonoshi aafoochaa ta goraadoon ta tiikkiihooba, boonoshi taateenaꞌo ne naboona shati qewemminaꞌone; ne dihiyooba bi ikkikkoona bi kashoyich shati qewemmone.

Naahoomi 1:2

Doono Yeeri qanaatechonaa nichoon kichechonane; Doono Yeeri nichoon kichechonaa naxechonane; Doono Yeeri bi etteenaꞌo toommooch nichoon kichii beetone; bi etteenaꞌo toommooch naxoon kindii beetone.

Sofoniyaasi 2:12

Doono Yeeri, Topphiyee asheenaꞌo goraadoona qitemmoyich tuniyemmone.

Haddoo 10:35

Muusi, taabooto tiyii qaxirimmona “Doono Yeero, tibe; ne etteenaꞌo shacebeete; ne shixechinaꞌo ne aafoochee aallebeete” ii beehe.

Maariqoosi 1:2

Shiichiꞌi Yeeri wocheti keemechi Isiyaasi ishichiye: “Yeeri ‘Ebiyoche, ne gommon qaxxemmi ta wocheyechon neyee shiichiree daachiyemmo taane’ itone.

Roomi 1:30

oonechinaꞌo, Yeerin shixxii beetinaꞌo, naagechinaꞌo, boonoshi qelloon oogii beetinaꞌo, geecechinaꞌo, moochi qaawechinaꞌo, boonoshi niheenaꞌonaa indeenaꞌonoyich deꞌa getaaneenaꞌo,

Roomi 8:7

Meechi gaboo Yeerichi sheeroyich hajjeyaano bi tunetoyich, hajjeyoonoo hakkaano bi tunetoyich, meechi gaboyich hajjeebeeti asho Yeerina kaarecho tunetone.

Yibbaatoo 32:35

Boonoshi etteenaꞌo toommooch nichoon kichiree, boonoshin ta naxemmi aabo katinnitone. Diqqoona boonoshi baatoo giinnemmone; aalliibeeti naxo boonoshi toommooch kindemmone’ iye.

Yibbaatoo 5:9

Aroyichoo goyinne maddeyaahine. Ne Nuggishoo Doono Yeeri ta, qanaatechi Nuggishoo taane; taan shixxii beetinaꞌon keejjinnee shiijjeroonaa awuddinnee shiijjeroonooch beddaahaa, niheenaꞌo shuuneti axaaxee naboyich naxemmo taane.

Yibbaatoo 7:10

Tunebaani biin shixxii beetinaꞌon aalliyoona boonoshi toommooch nichoon kichemmone; biin shixxii beetinaꞌo toommooch nichoon kichaanoon yagaachemmone.

2 Ximootiyoosi 3:4

ashoon beshii immechinaꞌo, afaafinechinaꞌo, geecechinaꞌo, Yeeriyee beshiiꞌi boonoshi qaatee ceechoon shunnii beetinaꞌo tunemminaꞌone.