Yibbaatoo 32:4 - Kafa Linguistics Project

⁴ Biyoo Xaqqee Inderoone; bi shuunoo muricaalloone; bi gommo bulliyoo kaamoone. Muricaalli gibeneeti Nuggishoo, kaamoonaa cadiqoonane.

Yibbaatoo 32:4 ပူးပေါင်းရင်းမြစ်များ

Halloo 1:31

Yeeriyoo bi hallito bullin bi ciinaa, oogeton gaaweto bi tunetoyich emiriye. Showoo xumeꞌi hariye; ebiyoo shirittinnee qemone.

Halloo 18:25

Ebiyoommi gaboo ne waanee wohe! Cadiqe ashoon axaaxechona tookkii wuxoo, cadiqe ashoonaa axaaxechonochi toommooch ikkochii nalloo, ebiyoommi shuunoo ne waanee wohe! Showee toommooch beetinaꞌo bullichi Nallechi ne, dayinnetaalloon nallenne?” iye.

2 Saameeli 22:47

Doono Yeeri beeyechone! Taach deebe xaqqo tuneto galleteebe! Deebe xaqqo tuneꞌi taan wodiibeeti ta Nuggishoo oogebe!

2 Saameeli 23:3

Israꞌeelee Nuggishoo yibbaatehe; Israꞌeeleenaꞌochi Xaqqee Inderoo taach ishichiye: ‘Asheenaꞌon gaawe dayinnetoona nalliꞌi qeejjiibeeto, Yeerin shatona qeejjiibeeto,

2 Kiinoo 19:7

Andoo Doono Yeerin shatote; no Nuggishoo Doono Yeer waan dayinnetoon dabiyoo, ashi aafoon ciinniꞌi heppoonaa xuccoon mamona aallo bi tunetoyich, bulli mooyon ittoshi qelloon ariyoona tuniibote” iye.

Nehimi 9:8

Neech gibeneeto bi tunoon beeggehine; Kanaaneenaꞌo showoon, Hiteenaꞌo showoon, Amooreenaꞌo showoon, Ferizeenaꞌo showoon, Yebuseenaꞌo showoonaa Girigaasheenaꞌo showoonon biinnaa bi shiijjereenaꞌonoyich imoyich, biinna tookkaa wogoon giyehine; cadiqo ne tunetoyich, ne qaaroon ceechihine.

Iyoobi 34:10

“Ebich, ‘Shalligecho noone’ ii beetinaꞌote, ta waanee waayebote. Gonde mooyon shuuno Yeer waanee, murice mooyon tuniyoo Beshe Hakkechi Yeer waanee, wohe!

Iyoobi 35:14

Ishigaata, ne mooyon bi aafooch giddiyaꞌa biin quyaabee, ‘Biin beegaano taane’ ne geti beetaa, ne mooyon aabichiree waayeba?

Iyoobi 36:23

Yeerin ‘Ebin shuunebe’ gettemmo, woyee ‘Gondeto neene’ gettemmo konine?

Iyoobi 8:3

Yeeri dayinnetoon dabii beetone? Beshe Hakkechi Yeeri kaame mooyon xummii beetone?

Shoddo 100:5

Ebiyoo Doono Yeeri deꞌo bi tunetoyichiye; biyoo bulli yemeenoon shoodechone; bulli shiijjerooch beddaahaa gibeneetone.

Shoddo 138:8

Doono Yeeri bi daaggoon ta toommooch ceechemmone; Doono Yeero, ne shoodo bulli yemeeneechone; ne kishee shuunoo tuneti taan duppaahine.

Shoddo 145:17

Doono Yeeri bi gommo bullina cadiqoone; bi shuunoo bullina deꞌoone.

Shoddo 146:6

Showoon, shimaayoonaa baharoonon, arooch beeto bullinoo hallito, bulli yemeenoon bi qaaroon quyeebeeto, biine.

Shoddo 18:2

Doono Yeeri ta deebe xaqqo, ta mishigo, taan wodiyecho, ta Nuggishoo, shoobbii taan wodiibeeti deebe xaqqo, gaachoochoommon taan qeriibeeto, giidechi wodiyecho, bi shoobooch giyiree ta wodemmi, ta deeboone.

Shoddo 18:46

Doono Yeeri beeyechone; taach deebe xaqqo tuneto galleteebe! Taan wodiibeeti ta Nuggishoo oogebe!

Shoddo 19:7

Doono Yeerichi sheeroo ceenoone; kashoon andiriihe; Doono Yeerichi sheeroo gibeneetone; tuushoon ariyecho tuniihe.

Shoddo 31:5

Ta kasheen ne kishooch beshiyaꞌa immeto taane; gibeneeti Nuggishoo Doono Yeero, ne taan biishebe.

Shoddo 33:4

Doono Yeerichi qaaro kaamoone; bi shuunoo bulliyoo gibeneetone.

Shoddo 78:35

Yeeri boonoshi Deebe Xaqqo bi tunoon, Beshoo Yeeri boonoshin Biishee Wodiyecho bi tunoon, shalligiyeete.

Shoddo 9:16

Doono Yeeri dayinnetechi nalloona bi qelloon arichiihe; gondeenaꞌo boonoshi gonde shuunoona olleeheete.

Shoddo 90:16

Giidechi ne shuunoo ne guuno nooch, ne oogoo no bushiisheenaꞌoyich, bekkebe.

Shoddo 97:2

Quboonaa dunne manderoona bi guudooch beetone; cadiqoonaa dayinnetoona bi taatee qeechi heceenaꞌone.

Shoddo 98:3

Israꞌeeleenaꞌoyich bi gibenikkiti, bi shoodoonaa gibeneyoonon shalligitone; showee tuggooch beddaahaa beeti asho bulli, Yeerichi wudoon beeggitone.

Shoddo 99:4

Dayinnetoon shunnaabeeti Hakkechi Taatoocho, kaamittinoon heccehine; dayinnetoonaa cadiqoonon Israꞌeelee daggooch tuniihine.

Keyo 34:6

Doono Yeeriyoo ishichii bi shigoon awaajjiibee, Muusi aafoona beshehe: “Ta, Doono Yeeri, Doono Yeeri taane; tawoo ariqqechonaa deꞌoona, kaataa kaareyaano, ta shoodoonaa ta gibeneyoona woddeti Nuggishoo taane.

Dojjecho 3:14

Yeeri tuniito bulli, bulli yemeenoon beeyecho bi tunoon ariiho; ebichi toommooch amoonolla daakkoo woyee amoonolla shappayoo hakkeyaache; Yeeri ebin bi tuniito asheenaꞌo biin boonoshi shattemmoyichiye.

Isiyaasi 17:10

Ebiyoo ittoshin Wodiyechi Yeerin ittoshi battetoyich, ittoshi Xaqqee Inderoon gaboo ittoshi qajjitoyichiye; ebina gaawe bechoon ittoshi bechitaa, dallaawe yaroon ittoshi shookkitaa,

Isiyaasi 25:1

Doono Yeero, ne ta Nuggishoo neene; wonna wonna yameeti, worganikkiti mooyinaꞌon, gibeneyoona ne tuniitoyich, neen oogiihoye; ne shigoonoo galletehoye.

Isiyaasi 26:4

Bulli yemeenooch Doono Yeerin gibenebote. Nuggishoo Doono Yeeri, nooch bulli yemeenee deebe xaqqoone.

Isiyaasi 28:16

Ebich Nuggishoo Doono Yeeri ishichiye: “Ebiyoche, kexon deggii neechiibeeti giimbee guummoommi xaqqoon, manjoo bi tuno bekketi, aaxxoo tuneti xaqqoon hecoyich Tsiyoon kotiyemmo taane; bi toommooch mulloon tooꞌiimmo yeelleyaachemmone.

Isiyaasi 30:18

Tunebaani Doono Yeeri ittoshin ariqqeya haaꞌiihe; Doono Yeeri dayinnetee Nuggishoo bi tunetoyich, ittoshich ariqqoon shunniye; Doono Yeerin gibenee beetinaꞌo bulli diireetinaꞌone.

Isiyaasi 32:2

Eboshiyoo boonoshi ikkikkoona yongoonaa yuboonoochee aashee xaaꞌoommon, baraheexi aachi xuuphoommon, shuuꞌi showoochaa xaqqee guudee yiiroommon tunemminaꞌone.

Erimiyaasi 10:10

Tunebaani Doono Yeeri ibere Nuggishoone; aroo beeyechi Nuggishoonaa bulli aabee Taatoonane; bi kaaroochee tiyitona showoo qewehe; aageteenaꞌoo bi kaaroon haaꞌiyoon hakkaacheete.

Erimiyaasi 9:24

tunebaani degeyemmo, shoodoon, dayinnetoonaa cadiqoonon showee toommooch tuniyaabeeto ta tunoon bi ariyoonaa bi digenoona, ebina degeebe; ebiyoo ebi mooyinaꞌo taan boonoshi emirikkii beetoyichiye” iye.

Daaneeli 4:34

Shabaatte nato beshetoyee gubb, ta, Nabukadinatsori, ta aafoon kaachaꞌa damba shimaajj ciinnehoye; ta mulloo yechiye. Beshoo Yeerinoo galletehoye; bulli yemeenoon beeyechoyichoo naadoonaa galletoonon bechiyoye. Biyoo bulli yemeenoon taatemmone; bi taatittino shiijjeroochee shiijjerooch beddaahaane.

Daaneeli 4:37

Shimaajji Taatoo Yeeri bi tuniibeeto bulli tato, bi gommoo cadiqee gommo bi tunetoyich, ta, Nabukadinatsori, biin galletehoye; oogiihoye; naadiyoye. Biyoo geecii beetinaꞌon giishiyoon hakkii beetone.

Imbaaqoomi 1:12

Yaafe ta Nuggishoo Doono Yeero, ne, bulli yemeenoon beeyechi Nuggishoo neene. No qitaachemmo noone. Doono Yeero, no toommooch boonoshi nallemmoyich Baablooneenaꞌon kaaccehine; no Xaqqee Inderoocho, noon boonoshi sheeremmoyich boonoshich giidoon immeto neene.

Imbaaqoomi 1:13

Gonde mooyon bi ciinaachemmoyich, ne aafo yaafoone; gonde mooyon ciinnaabee cikkii qayaachine. Ishigaata, ebi dawushechinaꞌon ciinnaabee aabichaꞌa cikkii qajjenne? Gonde asheenaꞌo boonoshiyee beshe kaame asheenaꞌon boonoshi aallii beetaa aabichaꞌa cikkii qajjenne?

Sofoniyaasi 3:5

Cadiqo tuneti Doono Yeeri ebi Yerusaalemi daggooch beetone. Biyoo tateyaani mooyon tuniyaache. Qemi qemona kuxaanoon dayinnetoona nallii beetone. Tunebaani gonde asheenaꞌo yeellaalleenaꞌone.

Maatiyoosi 5:48

Illa shimaayeexi ittoshi Nihoo Yeeri deꞌo bi tunetoommon, ittoshiyoo wotta deꞌoon tunebote” iye.

Yowannisi 1:14

Are Qaaro ashoon tunehe; Yeerichi wojjoonaa iberoona bi toommooch meettiꞌi bekketaa noonna tookkii beehe; bi Nihoyich ikke mixxe Bushoo bi tunetoyich, bi waanee bi deqqiti oogee yiiroon beeggehone.

Yowannisi 1:17

Yeerichi sheeroo Muus waanaa nooch ichehe; tunebaani wojjoonaa iberoona Yesuus Kiristoos waanaa nooch ichehe.

Yowannisi 14:6

Yesuusi wochiꞌi, “Gommonaa iberoona, kashoonoo taane; ta waanaa tuno bi qayigaata Nihoo Yeer waan womon hakkemmo koniyoona aalloone.

Yowannisi 5:22

Wotta Nihoo Yeeri ikke ashi toommoochona nallaachemmone; asheenaꞌo bulli Nihoo Yeerin boonoshi oogii beetoommon ebiyoommon bi Bushoon boonoshi oogiyemmoyich, nalloo bullin bi Bushoyich immitone; ebich bi Bushoon oogiyaano biin deejjiti bi Nihoo Yeerin oogiyaanoone.

Roomi 1:32

“Ebiyoommi shuunoon shuunee beetinaꞌoyich qitoo tunibede mooyone” ii beeti Yeerichi sheeroon ariibee gonde mooyon shuuneheete; shuuno baach tuneyaanoon, ebi gonde mooyon shuunee beetinaꞌon “Ittoshi shuuneebeeto tatoone” iꞌi tookkii emiriyeete.

Roomi 2:2

Ebiyoommi mooyon tunii beetinaꞌo toommooch Yeeri iberittinee nalloon nallemmo bi tunoon ariibeeto noone.

Roomi 2:5

Tunebaani “Axaaxee gommoochee Yeer waan wotteyaache” ii beeti mulli manjoo ne tunetoommon, Yeeri kaamittinee nalloon bi bekkiyehoobinaa kaaree shiixxoon bi kindiyemmi aaboobinoyich kaaree shiixxoon ne toommooch kicaabeeto neene.

Roomi 3:5

Tunebaani no gondittino Yeerichi cadiqittinoon beshii bekkiibeeto bi tunegaata, ama gettehone? Yeeri kaaree shiixxoon no toommooch bi deebigaata, tato toonoone getone? Ashi doyee yibbaatoommon ishichiyoye.

1 Qorontoosi 10:4

boonoshi bulliyoo ikke ayaanee uyoon uchiyeete; ebinoo boonoshin dabbiibeeti ayaanee Xaqqee Inderoochee uchitinaꞌone; are ayaanee Xaqqee Inderoo Kiristoosine.

Yibbaatoo 10:18

Biyoo nihaalleenaꞌonaa xuumeenaꞌonoyich nallii beetone; noonna tookkii koteti shiqqeenaꞌonoo shunnii beetone; boonoshichoo maayoonaa tahoonon immii beetone.

Yibbaatoo 32:15

“Israꞌeeleenaꞌote, ittoshiyoo gaannee michiꞌi Doono Yeeri toommooch tiyiyote; ittoshiyoo aangii nuuriꞌi gaannehote. Aroochee ittoshin halliti Yeerin qajjiyote; ittoshin wodiyechi Xaqqee Inderoon qallayiyote.

Yibbaatoo 32:18

Neen halliti ne Deeboon qajjehine; neen shiyiti ne Nuggishoon battehine.

Yibbaatoo 7:9

Ebich ne Nuggishoo Doono Yeeri baach Nuggishoo bi tunoon, gibeneeti Nuggishoo bi tunoonoo batteyaahine. Biin shunnii beetinaꞌonaa bi getoon quyee beetinaꞌonoyich hume shiijjerooch beddaahaa, bi wogoon ceechemmone; kuxeyaani bi shunoonoo bekkiyemmone.

Yaaqobi 1:17

Gaawe wojjoo bulli, beshaa beshiti diiroo bulliyoo bi waabeeto damba shimaayoochee, bekkeenaꞌochi Nihoo waaneeniye. Bi waan yiirittoochoommon guudo woyee shaddeyoo aalloone.

Yaaqobi 4:12

Sheeroon immechonaa nallechona ikke Yeeri baachiye; wodiyoonoo aalliyoonoo hakkiibeeto bi baachiye. Tunebaani neenoommi ne manoo toommooch nallemmi ne, koni neene?

1 Pheexiroosi 2:6

“Yeeri ‘Ebiyoche, kexon deggii neechiibeeti, giimbee guummoommon tuniiꞌa ta kaacceti, taach aaxxoo tuneti xaqqoon Tsiyoon kotiyemmo taane; bi toommooch mulloon tooꞌiibeeto yeelleyaachemmone’ itone” getaa Yaafe Macaafooch kooreetone.

1 Saameeli 2:2

“Doono Yeeriyoommi yaafoo aalloone; biinoommo ciroona aalloone; no Nuggishoommi deebo aalloone.