Yibbaatoo 32:36 - Kafa Linguistics Project

³⁶ “Boonoshi giidoo qayon, guuno tuneba doono, koniyoona echee qayon bi beegiyooba, Doono Yeeri bi asheenaꞌoyich nallemmone; bi guuninaꞌoyichoo ariqqemmone.

Yibbaatoo 32:36 ပူးပေါင်းရင်းမြစ်များ

1 Taateenaꞌo 14:10

“ ‘Ebich Yeroboꞌami kechi asheenaꞌo toommooch gonde mooyon deebemmo taane. Yeroboꞌami kexoochee guunon tuneba doonon, anaamo bullin, Israꞌeelee showoochee aalliyemmo taane. Haandoo michaa tulloo tunoommon, Yeroboꞌami kechi ashoon michi tulloo tuniyemmo taane.

1 Taateenaꞌo 21:21

Ebich Doono Yeeri ishichiye: ‘Gonde mooyon ne toommooch deebemmo taane. Neen ciroona hidi aalliyemmo taane. Akaabi yaroochee guuno tuneba doono, anaamo bullin Israꞌeelee showoochee aalliyemmo taane.

2 Taateenaꞌo 14:26

Guuno tuneba doono, Israꞌeelee showooch beeto bulli oogichii bi caammeyoon Doono Yeeri beeggiye. Boonoshinoo gaachemmo aalloone.

2 Taateenaꞌo 9:8

Akaabi kechi asho bulli aallemmone. Israꞌeelee showooch beeti, anaamo tuneti bi kechi ashoon, guuno tuneba doonon, bullin aalliyemmo taane.

Shoddo 106:45

Boonoshich bi wogoon gabiye; beshaa beshe bi shoodoommona boonoshin ariqqehe.

Shoddo 135:14

Doono Yeeri bi asheenaꞌoyich nallemmone; bi maddechinaꞌoyichoo ariqqemmone.

Shoddo 50:4

Bi asheenaꞌo toommooch nalloyich, showoonaa shimaayoonon miixoo ceeggiꞌi ishichiye:

Shoddo 7:8

Doono Yeeri macceenaꞌo toommooch nallemmone; Doono Yeero, ta cadiqittinoommona taach nallibe; ta xallittinoommona taach nallibe.

Shoddo 90:13

Doono Yeero, noon ne kaare beeyemmo aati wottooniye? Ne guuno no waan wotteree, nooch ariqqebe.

Keyo 32:14

Doono Yeeriyoo bi gaboon shaddiꞌi, bi asheenaꞌo toommooch deeba bi gabiti mooyon deebaanoon qajjiye.

Erimiyaasi 20:11

Tunebaani Doono Yeeri hakkechi ginee naayochoommon taanna tookkiiniye; ebich taan yookkii beetinaꞌo tepheeshalli boonoshi gettemmo, taan xoobiyaachemminaꞌone; boonoshich kaameyaachemmo bi tunetoyich, oogichi yeellemminaꞌone; bulli aabooch batteyaani cooneyoon cooneyemminaꞌone.

Erimiyaasi 31:20

Efreemi aaxxe ta bushoo toone? Ta kashoommi gaggeroo toone? Biin ta kaaremmi aabo bullin, wochii biin gabiyoye; ta maacee meeno biich qewetoyich biin ariqqemmo taane” iye Doono Yeeri.

Erimiyaasi 42:10

‘Ittoshi toommooch ta deebeti gonde mooyoyich ta ayinitoyich hini showooch ittoshi beegaata, ittoshi diccemmonalli ittoshi happeyemmon tuniyaache; ittoshin bechishalli ta gettemmo waaxaachemmo taane.

Daaneeli 12:7

Aacoyee tookk beeti, muttee tuppoochee shippeti tahoon taheti ebi maraakoo bi gutte kishoon shimaayooch tiijjiꞌi, “Ebi keejje nattaa qatooch ceennemmone. Yaafeeti asheenaꞌochi giidoo ciirehooba, ebi mooyo bulli ceennemmone” iꞌi, bulli yemeenoon beeyecho tuneti Yeerichi shigoon ceeggii bi wogaa beetaa waayeho.

Yoꞌeeli 2:14

Diqqich ittoshi Nuggishoo Doono Yeeri, bi kaaroochee qayi wotteree, ittoshin diiremmo tunemmone; ittoshiyoo maayi buuroonaa uyee deejjoonon biich giddiyemmo ittoshine.

Yoꞌeeli 2:18

Doono Yeeri bi showoyich qanaatehe; bi asheenaꞌonoo ariqqehe.

Leweenaꞌo 26:43

Boonoshi gawukkii hammiti showoo ashaalli xafo tunemmone. Boonoshi aalletaa xafo bi tunemmi yemeenooba, bi mucceti shambetee kashee naton dane kashemmone. Ta dojjiti doyoon boonoshi qallayitoyich, ta qociiti qociyoonoo boonoshi tiyaaretoyich, boonoshi xuꞌoyich bede sheeroon deqqemminaꞌone.

Amootsi 7:3

Ebich Doono Yeeri bi gaboon shaddiꞌi, “Ishigaata, illa ebi ne beeggeti mooyo tuneyaachemmone” iye.

Amootsi 7:6

Ebich Doono Yeeri bi gaboon shaddiꞌi, “Ishigaata, ebiyoo wotta tuneyaachemmone” iye.

Hibireena'o 10:30

“Gondoon shuunetinaꞌo toommooch nichoon kichemmo taane; bareenaꞌon boonoshi xuuxiitoommon, ta boonoshin xuuxiyemmo taane” iton, ebiyee wotta “Doono Yeeri ta, ta asheenaꞌo toommooch nallemmo taane” iton ariibeeto noone.

Woraaferasheenaꞌo 2:18

Doono Yeeri woraaferashoon tiijjiꞌi, are woraaferashoo kashoona beemmi yemeeno bullin biinna tookkii tunee bi asheenaꞌon boonoshi etteenaꞌo kishoochee wodii beehe. Boonoshi etteenaꞌo boonoshin xuqqii duꞌiitaa boonoshi maaceremmona, Doono Yeeri boonoshich ariqqee beehe.