Yibbaatoo 32:22 - Kafa Linguistics Project

²² Ta kaaro qaaqqoochoommon aaxxemmone; Siꞌoolooch beddaahaa michemmone; showoonaa bi toommooch beeti goyo bullinon michemmone; geppee gaadoon michi aalliyemmone.

Yibbaatoo 32:22 ပူးပေါင်းရင်းမြစ်များ

Shoddo 144:5

Doono Yeero, shimaayoon gaahiree kindibe; ne yeshaa, guudinaꞌo cufibeete.

Shoddo 21:9

Ne bekkehooba, qaaqqee sheelloochoommon, boonoshin aalliyemmo neene. Doono Yeeri bi kaaree shiixxoona boonoshin aalliyemmone; qaaqqoo boonoshin maayemmone.

Shoddo 46:2

Ebich showoo qewetaa, guudinaꞌo baharee daggooch boonoshi dihitaa, shataachone.

Shoddo 83:14

Qaaqqoo shaaroon mamoommon, qaaqqee nalloo guudinaꞌon michoommon, michi aalliibe.

Shoddo 86:13

Ebiyoo ne shoodo taach oogeto bi tunetoyichiye; maash hamoocheenoo taan ne wodiitoyichiye.

Shoddo 97:3

Qaaqqoo biyee aaf hammiye; bi guudoona beeti bi etteenaꞌon maahe.

Isiyaasi 24:6

Ebich ufo showoon aalliyemmone; arooch kotetinaꞌo boonoshi xuꞌee naboona xuuxemminaꞌone; ebich arooch beetinaꞌo miccemminaꞌone; echemminaꞌo giisheche asheenaꞌone.

Isiyaasi 30:33

Wodde yemeenoyee aaf Asooree taatoo miccemmi qaaqqee xaaꞌoon qannitone; ebi xaaꞌoo gaminoonaa hoonoona tunemmona aroochoo qaaqqoonaa wodde mixona beetone; waageroo ufoommon ufeebeeti Doono Yeerichi hiinno qaaqqoon yeshiyemmone.

Isiyaasi 54:10

Guudinaꞌo shuuroon, geppeenaꞌoo qewoon, hakkiyeete; tunebaani ta shoodo ne waanee wohaachemmone; ta giyeti diggee wogo happeyaachemmone” iye neech ariqqechi Doono Yeeri.

Erimiyaasi 15:14

Qaaqqoommi ta kaaro ittoshi toommooch kindemmone; ittoshi ariyaanee showoochaa ittoshi etteenaꞌoyich ittoshi maddemmoyich tuniyemmo taane” iye.

Erimiyaasi 17:4

Newoo neech ta immeti showoon muccemmo neene; ne ariyaani showoochaa ne etteenaꞌoyich ne maddemmoyich tuniyemmo taane; ebiyoo ta kaaro qaaqqoommon bulli aabooch aaxxemmo bi tunetoyichiye” iye.

Erimiyaasi 4:4

Yihudee asheenaꞌonaa Yerusaalemi beeyechinaꞌonote! Ittoshi gonde shuunoyich koniyoona takkoon hakkaachemmi ta kaaro qaaqqoochoommon aaxxemmo bi tunetoyich, ittoshi mulloon dokireeree, Doono Yeeri taach hajjeebote.

Shoosho 2:2

Doono, Yaaqobichi beeyi xaaꞌoo bullin amoonolla ariqqeyaanoon aalliihe; Yihudee asheenaꞌochi mishigoon bi kaaroona happiye; taatee showoonaa bi iraasheenaꞌonon showooch kindii cooniihe.

Shoosho 2:3

Bi kaaree shiixxoona Israꞌeelee hakkoo bullin niriihe; etto no waan waammona, bi qanne kishoon no waanee gubb wochiye; michiibeeti qaaqqee aaxxo bi guudoo bullina aaxxeꞌi, Yaaqobin michiye.

Shoosho 2:4

Ettoochoommon bi maꞌoon ciixxiye; shixechochoommon bi qanne kishoon kupphiihe; Tsiyooni asheenaꞌochi duukkaanoochaa no aafooch macecikkito bullin wuxiye; bi kaaree shiixxoon qaaqqoochoommon kindiihe.

Shoosho 4:11

Doono Yeeri bi kaaree shiixxoon kindiihe; ooge bi kaaroon woniihe; Tsiyooni toommooch qaaqqoon geddiye; dechi bi hecoonoo michiye.

Hiziqeeli 19:12

Tunebaani ebi woyino kaaroona waachehe; showoochoo duppehe. Aabi-keyo waani yongoona shuuqqiye; bi aafoo shekirehe; kupphe bi ateenaꞌoo shuuqqiyeete; qaaqqoo boonoshin maahe.

Hiziqeeli 22:21

Ittoshin kicemmo taane; ta kaaree qaaqqoonoo ittoshi toommooch yooppemmo taane; bi daggoochaanoo woccemmo ittoshine.

Hiziqeeli 36:5

Ebich Nuggishoo Doono Yeeri ishichiye: Hoxoona tiyiꞌi oogeton emiriibee ta showoon bogona boonoshi hajjoon boono tuniitoyich, eche aageteenaꞌo bullinaa Edoomee asheenaꞌo bullinochi toommooch oogeti ta qanaatee qaaqqoon kindiyoona yibbaatemmo taane.’

Hiziqeeli 38:19

ebiyooba Israꞌeelee showooch, oogeti showee qewo tunemmo bi tunoon ta qanaatoona, ta neboonoo getteto taane.

Leweenaꞌo 26:20

Aajjii ittoshi shuunetaa amoonolla ittoshich gaacaachemmone. Ittoshi showoo maayoon shakkiyaachemmone; ittoshi showee toommooch beeti mixinaꞌoo aafoon aafeyaachemminaꞌone.

Amootsi 5:6

Doono Yeer waan wottebote; kashoona beeyemmo ittoshine; ebi tuno qayigaata, Doono Yeeri qaaqqoo aaxxoommon aaxxeree Israꞌeeleenaꞌo toommooch kindemmone; Beeteeli asheenaꞌonoo michi aalliyemmone; ebi qaaqqoon koniyoona takkaachemmone.

Amootsi 7:4

Nuggishoo Doono Yeeri bare yaaꞌoon taach bekkiihe. Biyoo ashi toommooch qaaqqoon kindiyoona nalloyich qanniye. Qaaqqoo baharoon napphee ciichiꞌi, showoon michiye.

Mikiyaasi 1:4

Gippoo qaaqqoona wocoommon, guudinaꞌo bi baataa woccemminaꞌone; aaco geppoochee dugilla wocoommon, dugilla wociree bambooch giyemminaꞌone.

Imbaaqoomi 3:10

Guudinaꞌo neen beeggiꞌi, qeweheete; ambamboo showoon machiꞌi beshee hammiye; baharee aacoo goohiye; aachi aayoo kaama tiyiye.

Sofoniyaasi 1:18

Doono Yeerichi kaaree aabooba, boonoshi aachoonaa birewoona boonoshin wodiyoon hakkaachemmone. Qaaqqoo aaxxoommon aaxxeebeeti bi qanaatee kaaroona showoo bulli mici aallemmone. Showee toommooch beeti asheenaꞌo bulli toommooch diqqoona aalloon deebemmone.

Sofoniyaasi 3:8

Ebich Doono Yeeri ishichiye: “Eke cikki beebote. Aagetee asheenaꞌo toommooch ta nallemmi aabo waatone. Ta kaaree shiixxoon boonoshi toommooch kindiyoyich, aagetee asheenaꞌonaa showee taateenaꞌonon kiciya maacceto taane. Ta kaaree aabooba, qaaqqoo aaxxoommon aaxxeebeeti ta qanaatee kaaroona showoo bulli mici aallemmone.

Haddoo 16:33

Boonoshinaa boonoshich beeto bullina kashoona oppooch giyiyeete. Showoo boonoshi toommooch hiripphimiye; iiteenaꞌo daggoocheenoo aalleheete.

Haddoo 16:35

Qaaqqoo Doono Yeer waanee kindiꞌi, ixaanoon shookkiibeeti gutte ballaa aache asheenaꞌon maahe.

Maatiyoosi 10:28

Meenon wuxoyee damba kashoon wuxoo hakkaaneenaꞌon shattaahote. Tunetaa meenonaa kashoonon shiweree qaaqqoona aalliyoon hakkii beeton shatote.

Maatiyoosi 18:9

Wotta ne aafo axaaxoo ne shuunemmoyich naboo bi tunegaata, kichiree dufe. Gutte aafoona beebee shiweree qaaqqooch ne duppeyoyee ikke aafoona beebee kashee kexooch giyiꞌi beemo neech gaawiye” iye.

Maatiyoosi 23:33

“Hini dingereenaꞌote! Xekerechi bushiisheenaꞌote! Yeeri nallemmi shiweree qaaqqoochee aabichiree muriccehote?

Yibbaatoo 29:20

Ebiyoommi ashoon Doono Yeeri maaraachemmone; bi kaaree shiixxoonaa qanaatoonon bi toommooch kindiyemmone; hini macaafooch kooreeti ufo bulli bi toommooch kindemmone. Doono Yeeri bi shigoon hini showee toommoochee aalliyemmone.

2 Tasaloonqi 1:8

Arooba qaaqqee aaxxoona waaree, Yeerin ariyoo qaawaaneenaꞌonaa no Doono Yesuusichi mishiraachee qaaroyich deꞌa getaaneenaꞌonochi toommooch nichoon kichemmone.

Hibireena'o 12:29

Ebiyoo, iberoon no Nuggishoo michii aalliibeeti qaaqqoommo bi tunetoyichiye.