Yibbaatoo 32:21 - Kafa Linguistics Project

²¹ Nuggishoo tuneyaani gaacaalleenaꞌoyich goyinnehote; qanaateree ta kaaremmoyichoo tuniihote. Ebich gaacaalli aagetoona ittoshin qanaatiyemmo taane; shalligaalli aagetoona ittoshin ippiyemmo taane.

Yibbaatoo 32:21 ပူးပေါင်းရင်းမြစ်များ

1 Taateenaꞌo 14:22

Yihudee asheenaꞌo Doono Yeeri aafooch gonde mooyon shuuneheete; boonoshi qaabbechinaꞌo shuunetoyee beshoon, boonoshi shuuneti axaaxoona biin ippiiheete.

1 Taateenaꞌo 14:9

Neyee aafi taateenaꞌo bulliyee beshe gonde shuunoon shuunehine. Taan qajjehine; ne qellich bare shahalloonaa aachoon ukkaa shuuneeti misileenaꞌonon shuunehine; taanoo ippiihine.

1 Taateenaꞌo 16:13

Ebi tuneto, Baꞌaashinaa bi bushoo Elaahina shahalleenaꞌoyich goyinnoona, Israꞌeelee Nuggishoo Doono Yeerin boonoshi ippiimmi wottoon, boonoshi shuuneti axaaxoo bullichi, wotta Israꞌeeleenaꞌon boonoshi shuuniiti axaaxoyichiye.

1 Taateenaꞌo 16:26

Nebaaxi bushoo Yeroboꞌami gommon dabboona, Israꞌeeleenaꞌo shahalleenaꞌoyich goyinnoona Israꞌeelee Nuggishoo Doono Yeerin boonoshi ippiyemmoyich tuniihe.

2 Taateenaꞌo 17:11

Doono Yeeri boonoshi aafoochee yookkii kichiti aageteenaꞌo tuniitoommon, guudi toommeexi goyinnee xaaꞌeenaꞌo bulliichaa ixaanoon shookkii beeheete; gonde mooyon tuniibee Doono Yeerin ippii beeheete;

2 Taateenaꞌo 17:15

Bi qociyoon, boonoshi qaabbechinaꞌona tookkii bi giyiti wogoonaa boonoshich wochii wochii kupphii bi gettiti qaaroonon hoxeheete; gaacaalli shahalleenaꞌoyich goyinnoona boonoshiyoo gaacaalleenaꞌo tuneheete. Doono Yeeri boonoshichoommon boonoshi tuniyaachemmoyich, boonoshich bi gettiti, boonoshi guudoona beeti aageteenaꞌon dabbiyeete.

2 Taateenaꞌo 21:6

Bi hajjee bushoon goggiꞌi deejjoo giddiihe. Biyoo kaayechonaa iicechonon tunehe. Qititi ashoona tookkii yibbaatee beetinaꞌonaa allaameenaꞌona waanee keemmii waayee beehe. Wodde gonde mooyon shuunoona Doono Yeerin ippii beehe.

2 Taateenaꞌo 22:17

Boonoshi taan qajjiichii, bare nuggisheenaꞌoyich ixaanoon shookkitinaꞌone; boonoshi kishoona boonoshi shuuneti, nuggisheenaꞌona taan ippiitinaꞌone. Ebich ta kaaree shiixxoo hini xaaꞌooch kindiree aaxxeshalli bi gettemmo, aqqeyaachemmone.

Shoddo 31:6

Gaacaalli nuggisheenaꞌoyich goyinnee beetinaꞌon shixxehine; tunebaani ta, Doono Yeeri neen gibenehoye.

Shoddo 78:58

Geppeexi boonoshi goyinnee xaaꞌoona biin ippiiheete; boonoshi shahalleenaꞌona bi qanaatemmoyich tuniiheete.

Isiyaasi 65:3

Ebi asheenaꞌo ta ciinnaa beetaa, bechee mixo beetoochaa deejjoona, xuubee toommoochaanoo ixaanoon shoohona bulli aaboon taan ippii beetinaꞌone.

Erimiyaasi 10:8

Mullaalleenaꞌonaa dookkeenaꞌona tuneꞌinalli, shahalloochee amo doyoo hakkeyehe?

Erimiyaasi 14:22

Iberoochaa aagetee nuggisheenaꞌo daggooch, amiyon dichoon hakkemmo danehe? Woyee shimaayoo amiyon dichoon hakkehe? No Nuggishoo Doono Yeeri ne toono neene? Ebi bullin tuniibeeto ne tunetoyich, no gibenaabeeto neeniye.

Erimiyaasi 18:15

Tunebaani ta asho taan battetone; duube mooyoyich ixaanoon shookkitone; gommoocheenoo tepheetone; wonnee gommoochee wokkiꞌi, shuuneyaani wuuqqe gommooch shokitone.

Erimiyaasi 2:11

Nuggishoon tuno boonoshi qajjitaanona, boonoshi nuggisheenaꞌon shadditi asheenaꞌo beeteete? Tunebaani ta asheenaꞌo, boonoshich oogoon immeti boonoshi Nuggishoo taan, gaacaalli mooyona shadditinaꞌone.

Erimiyaasi 5:7

“Taan qajjiyote; nuggisheenaꞌo tuneyaaneenaꞌona wogehote; ittoshin ta michiitoyee gubb shunoo maahote; yahechinaꞌo kexoochoo kiceehote. Ebich ittoshin ta maaremmo aabichireeshiye?

Erimiyaasi 7:18

Shimaajji taateyich koshon kachiyoyich, boonoshi bushiisheenaꞌo mixon mittiyeete; niheenaꞌo qaaqqoon shookkiyeete; maacheenaꞌo buddinoon xiriqqiyeete. Taan ippiyoyich bare nuggisheenaꞌoyich uyee buuroon ukkiyeete.

Erimiyaasi 8:19

“Doono Yeeri Tsiyoon aalloone? Woyee bi Taatoo bi waan aalloone?” ii beeti ta asheenaꞌochi qaaro, wohi showoochee waayeehe. Doono Yeeriyoo, “Shahalleenaꞌonaa dallaawe nuggisheenaꞌonoyich goyinnoona, amoyich taan ippiiheete?” iye.

Hiziqeeli 8:3

Biyoo kishoommi mooyon yaggiꞌi ta qelli eexon yechiye; Ayaano showoonaa shimaayoona gutte daggooch kaama taan tiijjiye; aroochee Yerusaalem, qanaatoon tiijjiibeeti shahalloo neexetooch, maaci addibaabooch giyeebeeti dambi-waanee yaafee kechi kellooch Yeerichi yaaꞌoona taan daammiye.

Hosee'i 1:10

“Israꞌeeleenaꞌo haddaa woyee qeelletaa ciyaani baharee gasheexi qacoochoommon meettemminaꞌone. ‘Ta asho toono ittoshine’ boonoshi getteeti ebi xaaꞌoochaa ‘Beeyechi Nuggishoo Yeerichi bushiisheenaꞌo’ getteyemminaꞌone.

Yoonaasi 2:8

“Gaacaalli shahalleenaꞌoyich goyinnee beetinaꞌo, neech gibeneeto tunoon qajjitinaꞌone.

Mishiraachechinaꞌo 11:15

“Aree hillooch batt yibbaatooch ta giyemmona, Yaafe Ayaano shiichiꞌi no toommooch bi kindoommon boonoshi toommooch kindiye.

Mishiraachechinaꞌo 14:15

“Hini asheenaꞌote! Ebin amoyich shuunee beetote? No ittoshiyoommi asho noone. Hiniich no waato, hini duube mooyinaꞌoyich goyinnoochee shimaayoonaa showoonon, baharoonoo, boonoshi daggooch beetinaꞌo bullinoo halliti, beeyecho tuneti Yeer waan ittoshi wottemmoyich, mishiraachee qaaroon ittoshich gettaniye.

Roomi 10:19

Daakkaꞌa wotta, “Israꞌeeleenaꞌo ariyaaneenaꞌone?” iyo. Muusi shiichiꞌi, “Yeeri ‘Hoxeeti aageteenaꞌona ittoshin qanaatiyemmo taane; shalligaani aageteenaꞌonoo ittoshin ippiyemmo taane’ itone” iye.

Roomi 9:25

Ebiyoommon wotta keemechi Hoseeꞌichi Macaafoochaa Yeeri, “Ta macceenaꞌo tuneyaaneenaꞌon ‘Ta macceenaꞌo’ getiree ceeggemmo taane; ta shunaani asheenaꞌon ‘Ta shunnetinaꞌo’ getiree ceeggemmo taane.

1 Qorontoosi 10:22

Ebin tuniyoona Doonon Kiristoosin qanaatiibona? Nooch biyee beshe giidoo beete?

Yibbaatoo 32:16

Bare nuggisheenaꞌoyich goyinnoona bi qanaatemmoyich tuniihote; ciigiiti ittoshi shuunoona bi ippemmoyich tuniihote.

Yibbaatoo 32:17

Nuggisheenaꞌo tuneyaani yinneenaꞌoyich, ittoshi ariyaani nuggisheenaꞌoyich, katinoon ittoshi ariiti dallaaweenaꞌoyich, ittoshi qaabbechinaꞌo goyinneyaani nuggisheenaꞌoyich, deejjoon giddiihote.

1 Saameeli 12:21

Ittoshich gaacon woyee ittoshin wodiyoon hakkaani, gaacaalli mooyinaꞌon dabbi hammaahote; boonoshiyoo gaacaalleenaꞌone.