Yibbaatoo 32:19 - Kafa Linguistics Project

¹⁹ “Doono Yeerichi bushiishoo ittoshine; tunebaani bi ippemmoyich tuniihote. Biin qajjiꞌi gubb ittoshi wottoon beeggiꞌi, biyoo ittoshin qajjiye.

Yibbaatoo 32:19 ပူးပေါင်းရင်းမြစ်များ

Shoddo 10:3

Gonde asho bi mullee qaatoona cooddiye; hiriggechi asho Doono Yeerin shixxii uppiye.

Shoddo 106:40

Ebich Doono Yeeri kaaro bi asheenaꞌo toommooch aaxxehe; bi hajjee asheenaꞌonoo tiyaarehe.

Shoddo 5:4

Ne, gondoona emiraabeeti Nuggishoo toono neene; axaaxoo neenna tookkii beetaache.

Shoddo 78:59

Yeeri ebin waayeꞌi oogichii kaarehe; Israꞌeelinoo ciroona qajjiye.

Shoddo 89:38

Tunebaani ne kaacceton and duppaa qajjehine; ne huuttetonoo oogichaa kaarehine.

Isiyaasi 1:2

Shimaayeenaꞌote, waayebote; showeene, ellebe. Doono Yeeri ishichiye: “Bushiishoon shiimaa dichiyoye; tunebaani boonoshi ta toommooch hukkoon tiijjiyeete.

Erimiyaasi 11:15

“Ta shuni asheenaꞌo ittoshi gonde mooyon ittoshi tuniitoyee gubb, ta yaafee kexooch danoyich amee aalloo (gooroo) ittoshich beete? Tiikkeshoo woyee deejjee meeno ittoshi gondoon ittoshi waanee aalliyoon hakkehe? Eboshin tuniyoona emiroon hakkehote?

Erimiyaasi 40:2

Quyee naayinaꞌochi iraashoo Erimiyaasin daammiꞌi biich ishichiye: “Ne Nuggishoo Doono Yeeri ebi gonde mooyon hini xaaꞌooch awaajjitone;

Shoosho 2:6

Bi yaafee kexon, budeexi bashoochoommon happii aalliihe; baaree xaaꞌoon aalliihe; Doono Yeeri Tsiyoonichi nati baaroonaa shambetoonon battiihe; bi kaaree shiixxoona taatoonaa qeeshoonon giishiihe.

Leweenaꞌo 26:11

Ta beeyi xaaꞌoon ittoshi daggooch tuniyemmo taane; tawoo ittoshin tiyaareyaachemmo taane.

Leweenaꞌo 26:30

Guudi toommeexi ittoshi goyinnee xaaꞌoon happemmo taane; ixaanoon ittoshi giddiibeeti deejjee gudoon happi bajjemmo taane; ittoshi dubenoonoo dubenoochoommon dihiti ittoshi shahalleenaꞌo toommooch duppemmo taane; tawoo ittoshin tiyaaremmo taane.

Amootsi 6:8

Beshe Mawe Nuggishoo Doono Yeeri bi qelloona wogeꞌi ishichitone: “Israꞌeeleenaꞌochi geecoon tiyaareto taane; boonoshi taatee kexinaꞌonoo shixxeto taane. Boonoshi inde katemoonaa bi daggooch beeto bullinon ettoyich beshii immemmo taane” itone.

Zakaariyaasi 11:8

Ikke agenee daggooch keejje qiddeenaꞌon yookkeho. Boonoshiyoo taan shixxiyeete; tawoo boonoshin sheeneho.

Yaaꞌoo 3:16

Aqqoo woyee gaamoo tuneyaanoon baad cikkii shofiro ne tunetoyich, ta kookkoochee neen cudda ii beeto taane.

Woraaferasheenaꞌo 2:14

Ebina Doono Yeeri kaaro Israꞌeeleenaꞌo toommooch cufiye; biyoo boggemmi bokkeenaꞌo kishooch boonoshin beshiiꞌi immiye. Boonoshi guudoona beeti boonoshi etteenaꞌo kishooch boonoshin beshiiꞌi immiye. Ebich boonoshi etteenaꞌo aafooch kuppheꞌi neexoon mawiiheete.