Yibbaatoo 32:15 - Kafa Linguistics Project

¹⁵ “Israꞌeeleenaꞌote, ittoshiyoo gaannee michiꞌi Doono Yeeri toommooch tiyiyote; ittoshiyoo aangii nuuriꞌi gaannehote. Aroochee ittoshin halliti Yeerin qajjiyote; ittoshin wodiyechi Xaqqee Inderoon qallayiyote.

Yibbaatoo 32:15 ပူးပေါင်းရင်းမြစ်များ

2 Saameeli 22:47

Doono Yeeri beeyechone! Taach deebe xaqqo tuneto galleteebe! Deebe xaqqo tuneꞌi taan wodiibeeti ta Nuggishoo oogebe!

1 Kiinoo 5:25

Tunebaani asheenaꞌo boonoshi qaabbechinaꞌochi Nuggishoo Doono Yeerin xuqqiyeete. Boonoshi aafoochee Yeeri aalliiti, are showeexi asheenaꞌochi nuggisheenaꞌoyich goyinnee maddeheete.

2 Kiinoo 12:1

Roboꞌami bi taatittino manjaa kupphe taatoo tuneechii, biinnaa Israꞌeelee asho bullina Doono Yeerichi sheeroon quyoon qajjiyeete.

2 Kiinoo 26:16

Tunebaani Uziyaahi kupphe taatoo bi tunetoyee gubb, geeciye. Ebi bi geecoo bi dihoyich naboo tunehe. Biyoo bi Nuggishoo Doono Yeerin xuqqiye. Ixaanee deejjee gudoochaa ixaanoon shookka Doono Yeerichi yaafee kexooch giyiye.

Nehimi 9:25

Xaqqee uxerechi katemeenaꞌonaa qeemi showoonon kochii yechiyeete; gaawe qiicoona ceenniti kexinaꞌon, iicheti aachi oppeenaꞌon, woyinee goyoonaa zayitee mixonon, wotta aafeebeeti wodde mixon deqqiyeete; boonoshi michimmi wottoon maaheete; aangiyeete; oogeti ne deꞌittinoona emiriyeete.

Nehimi 9:26

“Tunebaani neech deꞌa getaaneenaꞌone; ne toommoochoo tiyiyeete; ne sheeroonoo gubb duppiyeete; ne waan boonoshi wottemmoyich boonoshich kupphii gettiti keemechinaꞌon wuxiyeete; oogichiꞌinoo neen hoxeheete.

Iyoobi 15:27

“Aangii nuuriꞌi, bi shimetooch meeno xuuggitone;

Shoddo 100:3

Doono Yeeri Nuggishoo bi tunoon ariibote; noon hallito biine; nowoo biicho noone; gaddooch beeti bagoommi bi asho noone.

Shoddo 119:70

Boonoshi mullo manje muumoone; tunebaani ta, ne sheeroona emiriyoye.

Shoddo 17:10

Boonoshi mulloon muumiitinaꞌone; boonoshi noonoo geecoona yibbaatehe.

Shoddo 18:46

Doono Yeeri beeyechone; taach deebe xaqqo tuneto galleteebe! Taan wodiibeeti ta Nuggishoo oogebe!

Shoddo 73:7

Boonoshi aafo aangiꞌi maach curixehe; gonde mooyo boonoshi mullooch ceennii aphirehe.

Shoddo 81:11

“Tunebaani ta asho ta qaaroon waayeyaanoone; Israꞌeeli taach deꞌa getaanoone.

Shoddo 89:26

Biyoo ‘Ne ta Nihoo, ta Nuggishoo neene; taan wodiyechi ta deebe xaqqo neene’ geti ceeggemmone.

Shoddo 89:27

Tawoo biin ta gutenee bushoo tuniyemmo taane; showee toommeexi taateenaꞌoyee beshi oogemmone.

Shoddo 95:1

Ittoshi waataa Doono Yeerich shoddebone; noon wodiiti no xaqqee guudoyich ililibone.

Isiyaasi 1:4

Hini axaaxoona ceenniti aageteenaꞌote, xuꞌoon miꞌeti asheenaꞌote, gonde asheenaꞌochi shiijjereenaꞌote, xummoo tuneti bushiisheenaꞌote, ittoshich woowo! Doono Yeerin qajjito ittoshine; Israꞌeelee Yaafoon qallayito ittoshine; biich gubboon wochito ittoshine.

Isiyaasi 43:1

Yaaqobo, Israꞌeelo, neen halliti, Doono Yeeri and ishichii beetone: “Neen biisheto taane; shattaahine; ne shigoona neen ceeggeto taane; ne taacho neene.

Isiyaasi 44:2

Neen halliti, maacooch neen shuuneti, neen gaachaabeeti Doono Yeeri ta, ishichaabeeto taane: Ta guuno Yaaqobo, ta kaacceti Israꞌeelo, shattaahine.

Isiyaasi 6:10

Boonoshi aafoona boonoshi ciinaachemmoyich, boonoshi waamona boonoshi waayeyaachemmoyich, boonoshi mulloona boonoshi shalligaachemmoyich, ta waan wotteree boonoshi wodaachemmoyich, ebi asheenaꞌo mulloon muumiibe; boonoshi waamon ulliibe; boonoshi aafoon kaafe” iye.

Erimiyaasi 2:31

Hini shiijjereenaꞌote, Doono Yeeri ta qaaroon waayebote. Iberoochaa Israꞌeelich shuuꞌi showoo woyee mandere showoo tunetote? Ta asho amoyich ‘No, gawukkoo noone; illa ne waan wotteyaachemmo noone’ iye?

Erimiyaasi 2:32

Gidiidee bi shashoon, woꞌee bi tahoon battehane? Tunebaani meeti aaboon ta asho taan battetone.

Erimiyaasi 2:5

Doono Yeeri ishichiye: “Ittoshi qaabbechinaꞌo ta waanee boonoshi wokkito, duube mooyon boonoshi dabbito, duubee boonoshi ito, ta waanee amee dayinnetaalli mooyon daneꞌiniye?

Erimiyaasi 5:28

Aangitinaꞌone; awujjiinoo itinaꞌone; boonoshi gondo oogichii beshitone. Nihaalloochi dayinnetoyich neexeyaacheete; girechinaꞌochi taggoonoo taggeyaacheete.

Erimiyaasi 5:7

“Taan qajjiyote; nuggisheenaꞌo tuneyaaneenaꞌona wogehote; ittoshin ta michiitoyee gubb shunoo maahote; yahechinaꞌo kexoochoo kiceehote. Ebich ittoshin ta maaremmo aabichireeshiye?

Hiziqeeli 14:5

Ebiyoo shahallee naboona boonoshi mulloon ta waanee bariiti, Israꞌeelee maccoo bullichi mulloon ta waan wochoyichiye.

Hosee'i 13:6

Ittoshich ta maanjaa, michiyote; maa michiꞌinoo geeciyote; taanoo battehote.

Hosee'i 4:7

“Qeesheenaꞌo meettii meettii boonoshi hammimmona, taan boonoshi xuqqiibeeti xuꞌo meettii meettii hammiye. Tawoo boonoshi oogoon giishiyemmo taane.

Mishiraachechinaꞌo 28:27

Boonoshi aafoona boonoshi ciinaachemmoyich, boonoshi waamona boonoshi waayeyaachemmoyich, boonoshi mulloona boonoshi shalligaachemmoyich, ta waan boonoshi wottetaa boonoshin ta wodiyaachemmoyich, hini asheenaꞌo mullo muumetone; boonoshi waamon uppitinaꞌone; boonoshi aafoonoo shininniitinaꞌone’ iꞌi gettiye.

Mishiraachechinaꞌo 9:5

Biyoo “Ta Doonocho, koni neene?” iꞌi echehe. Doono biich wochiꞌi, “Ne duꞌiibeeti Yesuusi taane.

Yibbaatoo 31:16

Doono Yeeriyoo Muusich ishichiye: “Ne, qitiree ne qaabbechinaꞌon waan xaꞌeyemmo neene. Ne qititoyee gubb, hini asheenaꞌo taach gibeneyaaneenaꞌo tuneree boonoshina tookkaa ta giyeti wogoon biichemminaꞌone. Taan qayiree, boonoshi giya ii beeti showooch beeti bare nuggisheenaꞌoyich goyinne maddemminaꞌone.

Yibbaatoo 31:20

Boonoshi qaabbechinaꞌoyich imma ta wogeti, ejjoonaa eeyona xuupphiibeeti showooch boonoshin ta deebetoyee gubb, maa michiꞌi boonoshi aangitoyee gubb, taan qayi, taanna tookkii boonoshi giyiti wogoon biishiree, bare nuggisheenaꞌo waan wottemminaꞌone.

Yibbaatoo 32:4

Biyoo Xaqqee Inderoone; bi shuunoo muricaalloone; bi gommo bulliyoo kaamoone. Muricaalli gibeneeti Nuggishoo, kaamoonaa cadiqoonane.

Yibbaatoo 32:6

Hini mullaalli baalle ashoocho! Doono Yeerich ne tuniyemmo ebiniye? Biyoo ne Nihoonaa neen Hallitonane; neen aagetoo tuniiꞌi manjiitone.

Yibbaatoo 33:26

“Israꞌeeleenaꞌote, ittoshin gaachoyich shimaayoona, bi oogee yiiroona quboon yebbeꞌi shaꞌeebeeti, ittoshi Nuggishoommi nuggishoo aalloone.

Woraaferasheenaꞌo 10:6

Israꞌeeleenaꞌo wochinnoon Doono Yeeri aafooch axaaxoon shuuneheete. Baꞌaaleenaꞌonaa Ashitarooteenaꞌonoyich, wotta Sooriyee showee nuggisheenaꞌoyich, Sidoonee showee nuggisheenaꞌoyich, Moꞌabee showee nuggisheenaꞌoyich, Amoonee showee nuggisheenaꞌonaa Filsixeemee showee nuggisheenaꞌonoyich goyinnee maddeheete. Doono Yeerin qajjiꞌi biich goyinnee maddoon neechiyeete.

1 Saameeli 2:29

Ishigaata, ta beeyi kexooch bi giddemmoyich ta getteti deejjoonaa buuroonon ittoshi qallayiibeeto amoyichiye? Ta asheenaꞌo tuneti Israꞌeeleenaꞌo giddiibeeti deejjoochee gaawi gaaweton maabee ittoshin aangiyoona tayee beshoon ne bushiisheenaꞌon ne oogiyaabeeto, amoyichiye?