Yibbaatoo 31:6 - Kafa Linguistics Project

⁶ Kupphebote; maaci kuxo tunebote. Boonoshin shati keqqiyaahote. Ne Nuggishoo Doono Yeeri neenna tookkii hammii beetone; neen dufaachemmone; neenoo qayaachemmone” iye.

Yibbaatoo 31:6 ပူးပေါင်းရင်းမြစ်များ

Halloo 26:24

Aroobee xum Doono Yeeri biich bekkeꞌi ishichiye: “Ta ne nihoo Abrahami Nuggishoo taane. Shattaahine; ta neenna tookkaa beeto taane. Neen diiremmo taane; ta guuno Abrahamicha getiree ne shiijjereenaꞌon meechemmo taane” iye.

Halloo 28:15

Waayebe; ta neenna tookkaa beeto taane; ne hammaabeeti xaaꞌoo bulliich neen quyemmo taane; hini showooch neen wochiree deebemmo taane; ta getteto bullin neech ta tuniimmi wottoon, ciroona neen qayaachemmo taane” iye.

2 Saameeli 10:12

Illa shataanoon kupphebone; no asheenaꞌonaa no Nuggishoochi katemeenaꞌonoyich kuppheree koyebone. Doono Yeeri bi daaggoon baach ceechibe” iye.

1 Taateenaꞌo 2:2

“Ebiyoche, ta qitemmi aabo katinnitone. Illa kupphebe; maac kuxe asho tunebe.

1 Taateenaꞌo 6:13

Israꞌeeleenaꞌo daggooch beeyemmo taane; ta asheenaꞌo tuneti Israꞌeeleenaꞌon dufaachemmo taane” iye.

1 Taateenaꞌo 8:57

No Nuggishoo Doono Yeeri no qaabbechinaꞌona tookkii bi tunoommon, noonna tookki tunebe. Noon qajjaaye; noon duppaaye.

1 Kiinoo 22:13

Doono Yeeri Muusina bi immiti sheeroonaa qociyoonon manjiyaꞌa ne quyegaata, mooyo neech kaamemmone. Kupphebe; maac kuxo tunebe; shattaahine; ne gibenoon kuxxaahine.

1 Kiinoo 28:10

Illa and, Doono Yeeri yaafee kexon biich ne haggemmoyich neen bi kaacon batteyaahine; kuppheree shuunebe” iye.

1 Kiinoo 28:20

Aroochee Daawiti bi bushoo Solomoonich ishichiye: “Illa kupphebe; maaci kuxo tunebe; shuunoonoo wonnibe; ta Nuggishoo Doono Yeeri neenna tookkii bi tunetoyich shattaahine; keqqiyaahine. Biyoo ebi yaafee kechi shuunoo ciiremmi wottoon neen qayaachemmone; neen dufaachemmone.

2 Kiinoo 32:7

“Kupphebote; maaci kuxoonoo tunebote. Noonna tookkii beeto, boonoshina tookkii beetoyee besho bi tunetoyich, Asooree taatoonaa biinna tookkii beeti meeti ginee naayinaꞌonon shattaahote; keqqiyaahote.

Shoddo 27:1

Doono Yeeri taach bekkoonaa taan wodiyechonane; ta shattemmo koniniye? Doono Yeeri ta kasheyich deeboone; taan keqqichemmo konine?

Shoddo 27:14

Doono Yeerin gibenebe; kupphebe; ne mullo goggebe; Doono Yeerin gibenebe.

Shoddo 94:14

Ebiyoo Doono Yeeri bi asheenaꞌon dufaachemmo, bi hajjoonoo qayaachemmo bi tunetoyichiye.

Isiyaasi 41:10

Ta neenna tookkaa ta tunetoyich, shattaahine; ne Nuggishoo ta tunetoyich, keqqiyaahine; ta neen kupphiyemmo taane; neen gaachemmo taane; cadiqe ta mochoona neen deggemmo taane.

Isiyaasi 51:12

Doono Yeeri ishichiye: “Ittoshin goggiyemmo ta qelloona taane; qitemmi ashich, mocoo shoolloommon shoollemmi ashi bushiishoyich, ittoshi shattiibeeto amoyichiye?

Erimiyaasi 1:8

Neen wodiyoyich neenna tookki tunemmo ta tunetoyich, asheenaꞌon shattaahine” iye Doono Yeeri.

Erimiyaasi 32:40

Gaawe mooyon boonoshich tuniyoochee gubb wottee qayoyich, boonoshina tookki bulli yemeenee wogoon giyemmo taane; ta waanee bara boonoshi wotteyaachemmoyich, taan shaton boonoshi mullooch kotiyemmo taane.

Haagi 2:4

Illa and Zerubabeelo, kupphebe. Yehotsedeeqichi bushoo, qeeshee guudo Yaaso, kupphebe. Hini showeexi asheenaꞌote, kuppheree shuunebote. Beshe Mawe Doono Yeeri ta, ittoshina tookkaa taane.

Zakaariyaasi 8:13

Yihudee asheenaꞌonaa Israꞌeeleenaꞌonote, aageteenaꞌo daggooch uppetooch haddeeto ittoshine; tunebaani and ittoshin wodiyemmo taane. Ittoshiyoo diiroo tunemmo ittoshine. Shattaahote; ittoshi mochoo niraaye” iye.

Haddoo 13:20

showoo qeemo woyee bukoo bi tunoon, mixo arooch beemonaa aalloononoo beegote. Kuppheree are showeexi manjeebeeti michi aafoochee yeshiree wobote” iye. Gooroo woyino batt gaangiibeeti gooroone.

Haddoo 13:9

Biiniyaami yoodoochee Raafi bushoo Feliixi;

Haddoo 14:9

Doono Yeeri toommooch baach hukkoon tiijjiyaahote. Are showeexi asheenaꞌoyichoo shattaahote. Nooch kosho tunemminaꞌone; boonoshi nixiyoo tiyitone. Doono Yeeri noonna tookkii beetone. Boonoshin shattaahote” iyeete.

Luqaasi 12:32

“Hini giisheche ta shiisheenaꞌote, shattaahote. Bi taatittineen ittoshich imoyich ittoshi Nihoo Yeeri oogichiꞌi emiritone.

1 Qorontoosi 16:13

Ittoshi qelloon ariibote; Kiristoosi toommooch beeti ittoshi mullee tooꞌiyoona manjiree neexebote; shattaayi kupphebote;

Efesooni 6:10

Illa and, Doono Yesuusinaa bi ooge giidoona kupphebote.

Yibbaatoo 1:21

Ebiyoche, no Nuggishoo Doono Yeeri are showoon nooch immitone. Hamiree, ittoshi qaabbechinaꞌochi Nuggishoo Doono Yeeri ittoshich gettitoommon, are showoon woraashibote. Shattaahote; keqqiyaahote’ iyoye.

Yibbaatoo 1:29

“Tawoo ittoshich ‘Ebi asheenaꞌon shati keqqiyaahote.

Yibbaatoo 11:8

Muusiyoo daakkiꞌi ishichiye: “Hanaach ittoshich ta gettaabeeti geteenaꞌon ceechii ittoshi quyegaata, katinoon Yoordaanoosin kimiree ittoshi woraashemmi showoon kochii yeshoyich giidechon tunemmo ittoshine.

Yibbaatoo 20:1

Muusi Israꞌeeleenaꞌoyich ishichiye: “Gibitsee neen kichii deebiti ne Nuggishoo Doono Yeeri neenna tookkii bi tunetoyich, ne ettoona koyeya koyooch hammaꞌa, neechoyee beshiti gaarin, hareshoonaa ginee naayinaꞌonon ne beegigaata, shattaahine.

Yibbaatoo 31:23

Aroochee Doono Yeeri Nuuni bushoo Yaasin iraashiiꞌi biich ishichiye: “Boonoshich imma ta wogeti showooch Israꞌeeleenaꞌon giijjemmo ne tunetoyich, kupphebe; maac kuxoonoo tunebe. Tawoo neenna tookki tunemmo taane” iye.

Yibbaatoo 31:7

Aroochee Muusi Yaasin ceeggiꞌi, Israꞌeeleenaꞌo bulli aafoochaa ishichiye: “Doono Yeeri boonoshi qaabbechinaꞌoyich imma wogeꞌi bi gibenikkiti showooch hini asheenaꞌona tookki hammemmo ne tunetoyich, showoonoo boonoshi yechemmoyich tuniyemmo ne tunetoyich, kupphebe; maac kuxoon tunebe.

Yibbaatoo 31:8

Doono Yeeri ne aafooch shiichemmone; neenna tookkishoo tunemmone. Neen dufaachemmone; neenoo qayaachemmone. Shattaahine; keqqishoo gettaahine” iye.

Yibbaatoo 4:31

Ittoshi Nuggishoo Doono Yeeri ariqqechi Nuggishoone. Biyoo ittoshin dufaachemmone; aalliishoo getaachemmone; ittoshi qaabbechinaꞌona tookkii bi giyiti wogoon batteyaachemmone.

Yibbaatoo 7:18

Tunebaani boonoshin shattaahine. Ne Nuggishoo Doono Yeeri Gibitsee asheenaꞌo bullinaa boonoshi taatoonochi toommooch bi tuniiton shalligibe.

2 Ximootiyoosi 2:1

Illa ta bushoochoo, Kiristoos Yesuusina daneebeeti wojjoona kupphebe.

Hibireena'o 13:5

Ittoshi beemo gijjee shunona tunaaye; ittoshich beeto baach beddiye. Yeeri bi qelloona “Neen gawukkaache; ciroona neen qayaache” itone.

Yaasi 1:9

Ne Nuggishoo Doono Yeeri ta, ne hammaabeeti xaaꞌoo bulliich neenna tookkaa taane. Ebich ‘Kupphebe; maac kuxo tunebe’ iyaꞌa neech ta getteton shalligibe. Ciroona shattaahine; kirikiichiyaahine” iye.

Yaasi 10:25

Yaasiyoo boonoshich ishichiye: “Shattaahote; keqqiyaahote; kupphe manjibote. Ittoshi kochemmi etteenaꞌo bulli toommooch Doono Yeeri ebiyoommon tuniyemmone” iye.

Yaaꞌoo 21:8

Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.

1 Saameeli 12:22

Doono Yeeri ittoshin bi asho tuniiya shunnito bi tunetoyich, Doono Yeeri ooge bi shigoyicha getiree, bi asheenaꞌon qayaachemmone.