Yibbaatoo 31:29 - Kafa Linguistics Project

²⁹ Ta qititoyee gubb ciroona duubemmo, ittoshich ta getteti gommonoo qayi wottemmo ittoshi tunoon ariibeeto taane. Doono Yeeri aafooch gonde mooyon tuniyemmo ittoshi tunetoyich, ittoshi shuuneebeeti shuunoona biin ippiyemmo ittoshi tunetoyich, waabeeti yemeenooch gonde mooyo ittoshi toommooch shaggemmone” iye.

Yibbaatoo 31:29 ပူးပေါင်းရင်းမြစ်များ

Halloo 49:1

Ebiyee gubb, Yaaqobi bi anaami bushiishoon ceekkiiꞌi ishichiye: “Ikkooch ittoshi kiceechaa, gubb ittoshi ikkikkoo toommooch shaggemmi mooyon getona.

Halloo 6:11

Tunebaani showee toommooch beeti asheenaꞌo bulli Yeeri aafooch duubeheete; showoo xuꞌoona ceenniye.

2 Kiinoo 34:24

‘Doono Yeeri ishichi beetone: Gonde mooyon, ebiyoo Yihudee taatoo aafoochaa shemmeeti macaafooch kooreeti ufo bullin, hini xaaꞌoonaa arooch beetinaꞌonochi toommooch deebemmo taane.

Iyoobi 19:25

Taach shaxoo neexemmo kashecho bi tunoon, ciiroochaa nallee gabberooch, ta gaꞌooch neexemmo bi tunoon, ariyaabeeto taane;

Keyo 32:7

Arooba Doono Yeeri Muusich ishichiye: “Gibitsee ne kichiti ne asheenaꞌo duubetinaꞌone; ebich boonoshi waan kaateree hambe.

Isiyaasi 1:4

Hini axaaxoona ceenniti aageteenaꞌote, xuꞌoon miꞌeti asheenaꞌote, gonde asheenaꞌochi shiijjereenaꞌote, xummoo tuneti bushiisheenaꞌote, ittoshich woowo! Doono Yeerin qajjito ittoshine; Israꞌeelee Yaafoon qallayito ittoshine; biich gubboon wochito ittoshine.

Hiziqeeli 38:8

Meeti yemeenoyee gubb ceekkemmo neene; gubbi natinaꞌooch koyoona tiisheechii batt qaalliibeeti Israꞌeelee showoon kochemmo neene. Ebi showoo, bi asheenaꞌo meeti aageteenaꞌo daggoochee kicaa waa, meeti yemeenoon shokko echeti Israꞌeelee guudinaꞌooch koteti showoone; boonoshiyoo aageteenaꞌo daggoochee waaꞌi, and bulliyona diggoona arooch kotetinaꞌone.

Daaneeli 10:14

And ta waato, gubb ne asheenaꞌo toommooch tunemmi mooyon ne ariyemmoyich tuniyane. Ebi yaaꞌoo gubb tunemmi mooyoniye bi bekkiibeeto” iye.

Hosee'i 9:9

Gibaaha boonoshi beehooba bi tunetoommon asheenaꞌo oogichii eeꞌetinaꞌone. Yeeriyoo boonoshi xuꞌoon shalligemmone. Boonoshi axaaxoyichoo boonoshin sheeremmone.

Luqaasi 21:24

Goraadoona qitemminaꞌone; kecceree aagetoo bulliichoo shacemminaꞌone; ebi are boonoshin kecciti Aageteenaꞌochi yemeeno ciiremmi wottoonoo Yerusaalemin yiikkeree neexi hajjemminaꞌone” iye.

Mishiraachechinaꞌo 20:30

Ebiyee ikkikkeenaꞌo ittoshi daggoochee tiyiree, kittinneenaꞌon boonoshi waan wochiya xumme mooyon boonoshi ciiccemmon ariibeeto taane.

Yibbaatoo 31:30

Aroochee Muusi Israꞌeelee iiteenaꞌo bullich hini shoddee qaaroon waayiiꞌi gettii ciichiye. Ebi shoddee qaaro ishichii beetone:

Yibbaatoo 32:20

Biyoo ishichiye: ‘Ittoshi, wuuqqoo tuneti asho ittoshine; ta ittoshin gibenoon hakkaache. Ebiyee gubb, ittoshin guudi ciinaachemmo taane; ittoshi ciiro amo bi tunemmo gaata beeggemmo taane.

Yibbaatoo 32:29

Shalligechinaꞌo gaata, ebin shalligeshinaꞌone; boonoshi ciiro amo bi tunemmo gaata gabeshinaꞌone.

Yibbaatoo 32:5

“Tunebaani ittoshi, Doono Yeeri toommooch axaaxoon shuuneto ittoshine; ebi ittoshi gonde shuunee naboona, bi bushiishoo getaa ceekkeyaachemmo ittoshine; ittoshiyoo wuuqqoonaa xummoona tuneti asho ittoshine.

Yibbaatoo 4:16

Anaami woyee maache ashi shaahoona shaahiitaa shuuneeti, amee mooyonona ittoshi qellich shuunoona ittoshi eeꞌeyaachemmoyich ittoshi qelloon ariibote!

Yibbaatoo 4:30

Iritoo ittoshi toommooch shagiyooba, ebi mooyo bulli ittoshi toommooch tunehooboo ciiroochaa ittoshi Nuggishoo Doono Yeer waan wotteree biich deꞌa gettemmo ittoshine.

1 Ximootiyoosi 4:1

Yaafe Ayaano “Gubbi yemeenooch ikkikkeenaꞌo, ashoon muriciibeeti ayaaneenaꞌochi getoonaa yinneenaꞌochi doyoonon dabbibee, Kiristoosichi toommeexi mullee tooꞌiyoon qajjemminaꞌone” iꞌi xallayii gettitone.

Hibireena'o 1:2

And hini yemeenee ciiroochaa nooch bi gettito, bulli mooyon woraasho bi tuniiti, wotta showoonaa shimaayoonon biinna bi halliti, bi Bushoonane.

2 Pheexiroosi 3:3

Yemeenee ciirooba boonoshi hajjee gonde qaatoon dabbemmi cooqqirechinaꞌo cooqqiribee woyemminaꞌo tunoon shiichiree ariibote.

Woraaferasheenaꞌo 2:19

Tunebaani are woraaferashoo qitiyooba, asheenaꞌo bare nuggisheenaꞌon dabbii boonoshich goyinnee maddeꞌi, boonoshiyee aafi shiijjeroyee beshoon gondeheete. Gonde boonoshi shuunoon qayaaneenaꞌone; babberittinoocheenoo wotteyaaneenaꞌone.