Yibbaatoo 31:21 - Kafa Linguistics Project

²¹ Meeti gonde mooyonaa iritoona boonoshi toommooch waahooba, ebi shoddoon shalligiree, boonoshin sheeraabeeto ta tunoon ariyemminaꞌone. Boonoshi shiijjereenaꞌo mulloochee batteyaachemmone. Boonoshich imma ta wogeti showooch boonoshin batt giijjaan ta beetaa, and boonoshi gabiibeeti gaboo amo gaata ariibeeto taane” iye.

Yibbaatoo 31:21 ပူးပေါင်းရင်းမြစ်များ

Halloo 6:5

Doono Yeeri asheenaꞌochi gondo showee toommo bulliich bi woddoon, ashi mullee gaboonaa qaatoona bulli aaboon gondo baach bi tunoonoo beeggiꞌi,

Halloo 8:21

Doono Yeeriyoo ebi deejjee cinnoona emiriye. Biyoo bi mulloona ishichiye: “Bi bushittinoochee tiijjiꞌi ashi mullee gaboo gondo bi tunetoyich, showoon ashi naboona wochinnoon ufaache; wotta ebi and ta tuniitoommon, kashechi halleenaꞌo bullin wochinnoon aalliyaache.

1 Kiinoo 28:9

“Newoo ta bushoo Solomoono, Doono Yeeri, mullo bullin haattiibeeto bi tunetoyich, ashi gaboo bullinoo ariibeeto bi tunetoyich, ne nihoochi Nuggishoon ariibe; ceeni ne mulloona, ne hajjee daaggoonoo biich maddebe; biin ne qaawigaata danemmo neene; tunebaani biin ne qayigaata bulli yemeenoon neen qajjemmone.

Shoddo 139:2

Ne, ta timonaa ta kotoonon ariihine; ta gaboo bullin wohoochaa ariihine.

Isiyaasi 46:10

Ciirooch tunemmi mooyon shiichaꞌa awaajjito taane; meeti yemeenoyee aaf, amo tunemmo gaata getteto taane. ‘Ta ciico manjoone; ta daaggoo bullin ceechemmo taane’ ito taane.

Hosee'i 5:3

“Efreemin ariibeeto taane. Israꞌeelichi mooyo taach aacheeto toonoone. Illa and, Efreemo, yahito neene. Israꞌeeliyoo eeꞌetone.

Leweenaꞌo 26:41

ebiyoo boonoshin ta shixxemmoyich tuniiti, wotta boonoshi etteenaꞌo showooch kecaa boonoshi hammemmoyich tuniiti boonoshi xuꞌoon aanniꞌi, getaa giyaani boonoshi mulloon kaachiꞌi, boonoshi xuꞌoyich bede sheeroon boonoshi deꞌigaata,

Mishiraachechinaꞌo 2:23

Ebiyee Yeeri bi hajjee shalligoonaa bi ariyoona ittoshich beshiitaa bi ichemmoyich shiichiꞌi maaccitone; ittoshiyoo gonde asheenaꞌo kishoona yooddiiꞌi wuxiihote.

Mishiraachechinaꞌo 4:28

Boonoshi kiceeti naboo, ne shiichaꞌa ne giidoonaa ne shalligoona bi tunemmoyich ne maacceto ceennemmoyichiye.

Yibbaatoo 30:18

ciroona aallemmo ne tunoon ta hanaach neech gettaabeeto taane. Yoordaanoosin kimiree ne hajjemmi showooch meeti yemeenoon koteyaachemmo neene.

Yibbaatoo 31:7

Aroochee Muusi Yaasin ceeggiꞌi, Israꞌeeleenaꞌo bulli aafoochaa ishichiye: “Doono Yeeri boonoshi qaabbechinaꞌoyich imma wogeꞌi bi gibenikkiti showooch hini asheenaꞌona tookki hammemmo ne tunetoyich, showoonoo boonoshi yechemmoyich tuniyemmo ne tunetoyich, kupphebe; maac kuxoon tunebe.

Yibbaatoo 4:30

Iritoo ittoshi toommooch shagiyooba, ebi mooyo bulli ittoshi toommooch tunehooboo ciiroochaa ittoshi Nuggishoo Doono Yeer waan wotteree biich deꞌa gettemmo ittoshine.