Yibbaatoo 31:19 - Kafa Linguistics Project

¹⁹ “Illa and hini shoddoon kooriree, Israꞌeeleenaꞌoyich dojjibote. Boonoshi toommooch miixoo bi tunemmoyich, ebi shoddoon boonoshi mulloona boonoshi yechemmoyich tuniibote.

Yibbaatoo 31:19 ပူးပေါင်းရင်းမြစ်များ

2 Saameeli 14:3

Aroochee taatoo waan hamiree, ebin taatoyich gete” iꞌi, bi gettemmi mooyon ureyich gettiye.

Shoddo 102:18

Doono Yeerin boonoshi galletemmoyich, woyemmi shiijjeroyich ebin kooribe.

Keyo 4:15

Newoo biich gettemmo neene; bi gettemmi mooyon biich gettemmo neene. Ne noonoonaa bi noonoonooch tunemmo taane; amoon ittoshi tuniyemmo gaata ta ittoshich arichiyemmo taane.

Isiyaasi 51:16

Ne noonooch ta qaaroon kotiito taane; ta kishee yiirooch neen aachemmo taane; shimaayoon yaggito showoon kotteto taane; Tsiyoonee asheenaꞌonoo ‘Ittoshi, ta asho ittoshine’ gettemmo taane” iye.

Isiyaasi 59:21

Doono Yeeri ishichiye: “Boonoshina tookki ta giyemmi wogo ebine: Ne toommooch ta kotiiti ta Ayaano, ne noonooch ta kotiiti qaaro, hanaachee tiijji bulli yemeenooch beddaahaa ne noonoochee, ne bushiisheenaꞌo noonoochee, ne bushaa bushiisheenaꞌo noonoochee baraachemmone” iye Doono Yeeri.

Erimiyaasi 1:9

Doono Yeeri bi kishoon yaggiꞌi ta noonoon shafehe; aroochee Doono Yeeri taach ishichiye: “Ebiyoche ta qaaroon ne noonooch kotiito taane.

Hiziqeeli 2:5

Hukkechinaꞌo boonoshi tunetoyich boonoshi waayetaa woyee waayo qajjitaa keemecho boonoshi daggooch bi beemon ariyemminaꞌone.

Maatiyoosi 10:18

Ta naboyich iraasheenaꞌonaa taateenaꞌonochi aafooch ittoshin neechemminaꞌone; ebi bi tunemmo boonoshinaa Aageteenaꞌonoyich miixoo ittoshi tunemmoyichiye.

Yowannisi 12:48

Taanoo qajje iꞌi ta qaaroon iberiyaano toommooch nallemmo beetone; ciireexi aabooba hini ta getteti qaaro bi toommooch nallemmone.

Yibbaatoo 11:19

Ittoshi bushiishoyichoo dojjibote. Kexooch ne kotaa beegaata, gommona ne hammaa beegaata, ne qeyaa beegaata, ne tiyaa beegaatoo ne noonoochee kuxaanoon gete.

Yibbaatoo 31:18

Taan qajjiichii, bare nuggisheenaꞌoyich goyinnee maddoona boonoshi shuuneti gonde mooyoyich boonoshin ciroona ciinaachemmo taane.

Yibbaatoo 31:26

“Hini Sheeree Macaafoon daamiree, ittoshi Nuggishoo Doono Yeerichi wogee taabootee gaꞌooch kotiibote. Ittoshi toommooch miixoo tuneree ebi arooch beebe.

Yibbaatoo 31:30

Aroochee Muusi Israꞌeelee iiteenaꞌo bullich hini shoddee qaaroon waayiiꞌi gettii ciichiye. Ebi shoddee qaaro ishichii beetone:

Yibbaatoo 32:1

“Shimaayoocho, elle waayebe. Tawoo gettemmo taane; showoo ta noonoochee kechiibeeti qaaroon waayebe.

Yibbaatoo 6:7

Ne bushiishoyichoo manjii dojjibe. Kexooch ne kotaa beegaata, gommona ne hammaa beegaata, ne qeyaa beegaata, ne tiyaa beegaatoo, ne noonoochee kuxaanoon gete.

Yaasi 24:27

Arooba Yaasi asheenaꞌo bullich, “Doono Yeeri nooch gettito bullin bi waayetoyich, hini xaqqo no toommooch miixemmone. Ebich ittoshi, ittoshi Nuggishoo toommooch hukkoon ittoshi shuunegaata ittoshi toommooch miixemmone” iye.