Yibbaatoo 31:17 - Kafa Linguistics Project

¹⁷ Ebi tunehooba, ta kaaro boonoshi toommooch cufemmone; boonoshin qajjemmo taane; boonoshin guudi ciinaachemmo taane; boonoshiyoo aalleminaꞌone. Meeti gonde mooyonaa iritoona boonoshi toommooch shaggemmone. Boonoshiyoo ebiyooba, ‘Ebi gonde mooyo no toommooch bi shaggito, no Nuggishoo noonna tookkii tuno bi qajjitoyich toonoone?’ gettemminaꞌone.

Yibbaatoo 31:17 ပူးပေါင်းရင်းမြစ်များ

1 Taateenaꞌo 8:57

No Nuggishoo Doono Yeeri no qaabbechinaꞌona tookkii bi tunoommon, noonna tookki tunebe. Noon qajjaaye; noon duppaaye.

2 Taateenaꞌo 22:13

“Hamiree taach, asheenaꞌonaa Yihudee showooch beeto bullinochon, hini daneti macaafooch kooreeti mooyon Doono Yeerin echebote. Noon ciinnii beetona ebi macaafooch kooreeti qaaroyich no qaabbechinaꞌo deꞌa geton boonoshi qajjitoyich, Doono Yeerichi kaaree shiixxoo no toommooch cufitone” iye.

1 Kiinoo 28:9

“Newoo ta bushoo Solomoono, Doono Yeeri, mullo bullin haattiibeeto bi tunetoyich, ashi gaboo bullinoo ariibeeto bi tunetoyich, ne nihoochi Nuggishoon ariibe; ceeni ne mulloona, ne hajjee daaggoonoo biich maddebe; biin ne qaawigaata danemmo neene; tunebaani biin ne qayigaata bulli yemeenoon neen qajjemmone.

2 Kiinoo 15:2

Azariyaasi Aasina daneya hammiꞌi, “Aaso, Yihudee asheenaꞌonaa Biiniyaamee asheenaꞌonote, ta waanee ellebote. Ittoshi, Doono Yeerina tookkii ittoshi tunegaata, Doono Yeeriyoo ittoshina tookki tunemmone. Ittoshi qaawigaatoo ittoshich danemmone. Tunebaani biin ittoshi qayigaata, ittoshin qajjemmone.

2 Kiinoo 21:10

Ebina Edoomeenaꞌo Yihudee asheenaꞌo toommooch hanaach beddaahaa hukkeꞌiniye boonoshi beeto. Yehoraami bi qaabbechinaꞌochi Nuggishoo Doono Yeerin bi qajjitoyich, Libini katemee asheenaꞌo ebiyooba bi toommooch hukkoon tiijjiyeete.

2 Kiinoo 24:20

Doono Yeerichi Ayaano qeeshoo Yoyaadi bushoo Zakaariyaasi toommooch waahe. Biyoo bekke xaaꞌooch neexeechii, “Yeeri ishichiye: ‘Doono Yeeri ta getoon ittoshi shaaddeebeeto amoyichiye? Illa and ittoshich kaameyaachemmone. Doono Yeeri taan ittoshi qajjitoyich, tawoo ittoshin qajjeto taane’ itone” iye.

Nehimi 9:32

“Andoo no Nuggishoocho, ne giyeti wogoon quyaabeeti, ne shoodoonoo bekkiyaabeeti, ooge hakkechi, shattiiti Nuggishoocho, Asooree taateenaꞌochi yemeenoochee tiijjiꞌi hanaach beddaahaa, no toommooch, no taateenaꞌo toommooch, no ogoogeenaꞌo toommooch, nooch maddeebeeti ne qeesheenaꞌo toommooch, no keemechinaꞌo toommooch, no qaabbechinaꞌonaa ne asheenaꞌo bullinochi toommooch shaggiti iritoo, ne aafoochaa giishechoon shaahiree bekkaaye.

Iyoobi 13:24

Ne aafoon ta waanee badd ne wochito, ettoon tuniyaꞌa taan ne ciinneto, amoyichiye?

Iyoobi 34:11

Ashi toommooch bi shuuneebeeto bi shuunetoommoniye; bi toommooch bi tuniibeeto, tun bedooniye.

Shoddo 104:29

Boonoshiyee ne barimmona keqqiyeete; boonoshi hiinnoon ne daammemmona qitiyeete; boonoshi halleeti showa wotteheete.

Shoddo 2:12

Bi ippeyaachemmoyich, gommoochaanoo ittoshi aalleyaachemmoyich, qewebee biich goyinnebote. Ebiyoo bi kaaree shiixxoo kaate bi aaxxeyaachemmoyichiye. Bi shoobooch giyito bulli diireetone.

Shoddo 27:9

Ne aafoon ta waanee gubb wochiyaahine; kaareree ne guuno waanee badd wotteyaahine; taach gaachoo neene; taan wodiyechi ta Nuggishoocho, taan qajjaahine; taan duppaahine.

Shoddo 30:7

Doono Yeero, gaawe aafoona taan ne ciiniyooba, manje guudochoommon taan kupphiihine; tunebaani ne aafoon badd ne wochimmona keqqiyoye.

Shoddo 44:10

No etteenaꞌo aafoochee gubb no wottemmoyich tuniihine; no etteenaꞌo noon boggiyeete.

Shoddo 89:46

Doono Yeero, ebi aati wottooniye? Bulli yemeenoon ne qelloon aachi beeyemmo neene? Ne kaaro qaaqqoochoommon bi aaxxe beeyemmo aati wottooniye?

Shoddo 90:11

Neen shattii beetinaꞌo ne kaaree shiixxoon ariyoommon, kupphe ne kaaroon ariyemmo konine? Ne kaaree shiixxoo neen shatoommi oogoone.

Isiyaasi 2:6

Yaaqobi yareenaꞌo tuneti ne asheenaꞌon qajjeto neene; ebiyoo showoo aabi-keyo waani asheenaꞌochi qaaxoona, Filsixeemeenaꞌochi iicoonoo bi ceennitoyichiye; asheenaꞌoo dallaaweenaꞌona tookkii guuphitinaꞌone.

Isiyaasi 5:25

Doono Yeeri kaaro bi asheenaꞌo toommooch cufiye; bi mochoon tiijjiꞌi boonoshin yexxiye; guudinaꞌo qeweheete; asheenaꞌochi dubenoo guudoochoommon gommooch dihitone; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 63:17

Doono Yeero, ne gommoochee no kechemmoyich amoyich tuniinne? Neen no shataachemmoyich no mulloon amoyich muumiinne? Ne guuninaꞌoyicha getiree, ne hajjoo tuneti yoodeenaꞌoyicha getiree, no waan wottebe.

Isiyaasi 64:7

Ne aafoon no waanee ne wochitoyich, no axaaxee daggooch noon ne qajjetoyich, ne waan corootiibeeto aalloone; neenna yesheya qaawiibeeto aalloone.

Isiyaasi 8:17

Bi aafoon Yaaqobichi yareenaꞌo waanee bi wochitaanona, Doono Yeerin quyemmo taane; biinoo gibenemmo taane.

Erimiyaasi 23:33

Doono Yeeri taach ishichiye: “Hini asheenaꞌoochee woyee keemechinaꞌoochee woyee qeesheenaꞌoochee ikkoo ‘Doono Yeerichi shaago amoone?’ iꞌi neen bi echegaata, newoo biich ‘Doono Yeerichi shaago ittoshine; ittoshin duppemmo taane itone Doono Yeeri’ gete.

Erimiyaasi 23:39

ittoshin tiijjiree ta aafoochee yugemmo taane; ittoshinaa ittoshi qaabbechinaꞌonoyich ta immeti katemoonoo duppeto tuniyemmo taane.

Erimiyaasi 33:5

Baablooneenaꞌona boonoshi koye beetee, ta kaaroona naxeree ta wuxemmi asheenaꞌochi dubenoona ebi kexinaꞌo ceennemminaꞌone. Asheenaꞌochi axaaxee naboona ta aafoon hini katemoochee wochito taane.

Erimiyaasi 36:7

Doono Yeeri hini ashi toommooch gettiti kaaroonaa naxoona oogeto bi tunetoyich, diqqich Doono Yeeri aafooch corootemminaꞌo, asho bi ikkikkoonoo bi gondoochee wottemmo tunemmone” iye.

Erimiyaasi 40:2

Quyee naayinaꞌochi iraashoo Erimiyaasin daammiꞌi biich ishichiye: “Ne Nuggishoo Doono Yeeri ebi gonde mooyon hini xaaꞌooch awaajjitone;

Erimiyaasi 8:19

“Doono Yeeri Tsiyoon aalloone? Woyee bi Taatoo bi waan aalloone?” ii beeti ta asheenaꞌochi qaaro, wohi showoochee waayeehe. Doono Yeeriyoo, “Shahalleenaꞌonaa dallaawe nuggisheenaꞌonoyich goyinnoona, amoyich taan ippiiheete?” iye.

Hiziqeeli 39:29

Ta Ayaanoon Israꞌeelee macceenaꞌochi toommooch ta woniitoyich, ebiyee bekk ta aafoon boonoshiyee badd wochaachemmo taane; Nuggishoo Doono Yeeri ebin getteto taane” iye.

Hosee'i 10:4

Duube gibenoon gibenikkiyeete; kootoon wogoona wogoon giyiyeete. Ebich taggoo maayi daggooch colleebeeti xuppattechi shuyochoommon collemmone.

Hosee'i 9:12

Shiyii boonoshi dichitee ikkoonolla echiyaanoon boonoshi waanee shohemmo taane. Ta aafoon boonoshiyee bara ta wochiyooba boonoshich woowo!” iye.

Mikiyaasi 3:4

Ittoshiyoo Doono Yeer waan ittoshi cookemmi yemeeno woyemmone. Tunebaani bi ittoshi cookoon waayeyaachemmone; gonde shuunoon ittoshi shuunetoyich, bi ittoshi waanee bi aafoon bara wochemmone” iyoye.

Haddoo 14:42

Hammaahote; Doono Yeeri ittoshina tookki tuneyaachemmone; ebich ittoshi etteenaꞌo ittoshin koyi wochemminaꞌone.

Yibbaatoo 29:20

Ebiyoommi ashoon Doono Yeeri maaraachemmone; bi kaaree shiixxoonaa qanaatoonon bi toommooch kindiyemmone; hini macaafooch kooreeti ufo bulli bi toommooch kindemmone. Doono Yeeri bi shigoon hini showee toommoochee aalliyemmone.

Yibbaatoo 30:18

ciroona aallemmo ne tunoon ta hanaach neech gettaabeeto taane. Yoordaanoosin kimiree ne hajjemmi showooch meeti yemeenoon koteyaachemmo neene.

Yibbaatoo 30:19

“Hanaach kashoona beemonaa qitoonon, diiroonaa ufonon ittoshi aafooch ta kotiyoyich shimaayoonaa showoonon miixoo ceeggaabeeto taane. Illa neennaa ne shiijjeroona kashoona ittoshi beeyemmoyich kashoona beemon kaace.

Yibbaatoo 31:18

Taan qajjiichii, bare nuggisheenaꞌoyich goyinnee maddoona boonoshi shuuneti gonde mooyoyich boonoshin ciroona ciinaachemmo taane.

Yibbaatoo 7:21

Neenna tookkii beeti ne Nuggishoo Doono Yeeri giidechonaa shattiitona tuneti Nuggishoo bi tunetoyich, boonoshin shattaahine.

Woraaferasheenaꞌo 10:6

Israꞌeeleenaꞌo wochinnoon Doono Yeeri aafooch axaaxoon shuuneheete. Baꞌaaleenaꞌonaa Ashitarooteenaꞌonoyich, wotta Sooriyee showee nuggisheenaꞌoyich, Sidoonee showee nuggisheenaꞌoyich, Moꞌabee showee nuggisheenaꞌoyich, Amoonee showee nuggisheenaꞌonaa Filsixeemee showee nuggisheenaꞌonoyich goyinnee maddeheete. Doono Yeerin qajjiꞌi biich goyinnee maddoon neechiyeete.

Woraaferasheenaꞌo 6:13

Geediyooniyoo wochiꞌi, “Ta doonocho, Doono Yeeri noonna tookkii bi beeto gaata, ebi mooyo bulli amoyich no toommooch shaggiye? No qaabbechinaꞌo ‘Doono Yeeri Gibitsee noon kichitone’ iibee boonoshi gettiti, worganikkiti gaakkechi mooyo bulli and aaye? Doono Yeeri noon qajjitone; Miidiyameenaꞌo kishooch beshiiꞌi immitone” iye.