Yibbaatoo 31:16 - Kafa Linguistics Project

¹⁶ Doono Yeeriyoo Muusich ishichiye: “Ne, qitiree ne qaabbechinaꞌon waan xaꞌeyemmo neene. Ne qititoyee gubb, hini asheenaꞌo taach gibeneyaaneenaꞌo tuneree boonoshina tookkaa ta giyeti wogoon biichemminaꞌone. Taan qayiree, boonoshi giya ii beeti showooch beeti bare nuggisheenaꞌoyich goyinne maddemminaꞌone.

Yibbaatoo 31:16 ပူးပေါင်းရင်းမြစ်များ

Halloo 15:15

Tunetaa ne, diggoona beeree ne qaabbechinaꞌo waan xaꞌeyemmo neene; geene baayi qitiree, duukkeyemmo neene.

Halloo 25:8

bi kasho abbetehe; geenaa baayeꞌi qitiye; qititi bi asheenaꞌo waan xaꞌeehe.

Halloo 47:29

Israꞌeeliyoo bi qitemmi aabo katinaa, bi bushoo Yooseefin ceeggii deebiꞌi ishichiye: “Taan shunnaabeeto ne tunegaata, ne kishoon ta doshee dechiich gediree, deꞌittinoonaa iberittinoonon taach ne bekkiyemmoyich wogebe. Gibitsee showooch taan duukkaahine.

Halloo 47:30

Ta qaabbechinaꞌo waan ta xaꞌeehooba, Gibitsee kichi daamiree, ta qaabbechinaꞌo duukketi maashooch taan duuhe” iye. Yooseefiyoo “Deꞌa, ne gettetoommon tuniyemmo taane” iye.

2 Saameeli 7:12

Qitaꞌa ne qaabbechinaꞌo duukketooch ne duukkehooba, ne gutenoochee kechiti ne bushoon taatiyemmo taane; bi taatittinoonoo manjiyemmo taane.

1 Taateenaꞌo 1:21

Ebi tuno qayigaata, taatoo ta doono ne, kashaꞌa ne qaabbechinaꞌo waan ne xaꞌeehooba, taannaa ta bushoo Solomoonina gonde ashooch haddeyemmo noone” iyan.

1 Taateenaꞌo 18:18

Eliyaasi wochiꞌi, “Israꞌeeleenaꞌon duꞌiyaabeeto, neennaa ne nihoochi kechi asheenaꞌonani, ta toono taane. Doono Yeerichi getoon qajjiyote; Baꞌaaleenaꞌonoo dabbiyote.

1 Taateenaꞌo 19:10

Biyoo, “Beshe Mawe Nuggishoo Doono Yeeri neech oogichaa qanaateto taane. Israꞌeeleenaꞌo neenna tookkii boonoshi giyiti wogoon biichitinaꞌone; ne deejjee gudeenaꞌon happitinaꞌone; ne keemechinaꞌonoo goraadoona wuxitinaꞌone. Ta ikkeeto baach, echeto taane. Taanoo wuxoyich qaawii beetinaꞌone” iye.

2 Taateenaꞌo 18:12

Ebi tuneto, boonoshi Nuggishoo Doono Yeerichi qaaroyich deꞌa geto boonoshi qajjitoyichiye; wottoo bi wogoon boonoshi happitoyich, ebiyoo bi guuno Muusichi geto bullin waayo boonoshi qajjitonaa tuniyoo boonoshi qajjitonoyichiye.

2 Taateenaꞌo 20:1

Ebiyooba Hiziqiyaasi biiyee mawiiꞌi qitooch beddiye. Amootsi bushoo keemechi Isiyaasi biin beegga waaꞌi, “Doono Yeeri: ‘Hini biiyoochee wodaachemmo neene; qitemmo neene. Ebich ne kexon tachibe’ itone” iye.

2 Kiinoo 21:11

Wottoo Yihudee showeexi geppeenaꞌooch goyinnee xaaꞌeenaꞌon shuuneꞌi, Yerusaalemi asheenaꞌo Doono Yeerich boonoshi gibeneyaachemmoyich, Yihudee asheenaꞌoo muriccemmoyichoo tuniihe.

Iyoobi 20:11

Bi ashittino kupphe beetaa, gurimaashebee, kaateree showoon maayemmone.

Shoddo 106:39

Boonoshi shuunoona eeꞌeꞌi, Doono Yeerich gibeneyaaneenaꞌo tuneheete.

Shoddo 73:27

Ebiyoche neyee wokkii beetinaꞌo aallemminaꞌone; neech gibeneyaaneenaꞌon aalliyemmo neene.

Keyo 32:6

Asheenaꞌo dechara maaddoona tiyiꞌi, micciibeeti deejjoon deejjiyeete; ikkittinee deejjoonoo deejjiyeete; aroyee gubb, mamonaa uyonoyich koteheete; tekki kaayibee duubba tiyiyeete.

Keyo 34:15

Are showooch beeti asheenaꞌona tookki wogoon ne giyaachemmoyich, ne qelloon ariibe! Wogoon ne giyigaata, boonoshi nuggisheenaꞌoyich boonoshi goyinnehoobinaa deejjoon boonoshi deejjiyoobina, neen boonoshi ataallaa boonoshi deejjee maayoochee maayemmo neene.

Isiyaasi 48:8

Ta gettaa beeton waayoon, ariyoonoo qaawaano ittoshine; wonnee tiijjiꞌi ittoshi waamo qecheyaanoone; ittoshi shiijjoochee tiijjiꞌi dawushecho ittoshi tunoon, hukkecho getaa ittoshi ceekkoonoo, ariyaabeeto taane.

Erimiyaasi 31:32

Ebi wogo, ittoshi qaabbechinaꞌon Gibitsee yaabii kichoyich boonoshi kishoon ta yeshiyooba, boonoshina tookkaa ta giyeti wogoommo toonoone; ebiyoo ta boonoshich kenoommon tunaꞌa ta beetaa, taanna tookkii boonoshi giyiti wogoon boonoshi happitoyichiye” iye Doono Yeeri.

Erimiyaasi 36:7

Doono Yeeri hini ashi toommooch gettiti kaaroonaa naxoona oogeto bi tunetoyich, diqqich Doono Yeeri aafooch corootemminaꞌo, asho bi ikkikkoonoo bi gondoochee wottemmo tunemmone” iye.

Hiziqeeli 16:15

“ ‘Tunebaani ne, ne malletoonaa aricheti ne tunoonon gibenaꞌa gommo beshina tookkii shunee mamooch giyehine.

Hosee'i 1:2

Doono Yeeri batti batt Hoseeꞌina Israꞌeeleenaꞌoyich bi getiyooba, biich ishichiye: “Ta asheenaꞌo taan qajjiꞌi oogeton yahii beetinaꞌo boonoshi tunetoyich, newoo hamiree yahechi ureen shaage; bi waaneenoo yahaa shiijjeti bushiishoon shibe” iye.

Hosee'i 10:4

Duube gibenoon gibenikkiyeete; kootoon wogoona wogoon giyiyeete. Ebich taggoo maayi daggooch colleebeeti xuppattechi shuyochoommon collemmone.

Leweenaꞌo 26:15

Ta qociiti qociyoon, ta dojjiti doyoonoo qajjiꞌi ittoshi tiyaaregaata, ittoshina tookkaa ta giyeti wogoon biishona ta getteti getoon ittoshi qayigaata,

Haddoo 27:13

Ebi showoon ne ciinnetoyee gubb, ne manoo Haroonichoommon newoo wotta ne qaabbechinaꞌo waan xaꞌeyemmo neene.

Mishiraachechinaꞌo 13:36

Wotta Daawiti bi yemeenooch Yeerichi daaggoon bi ceechitoyee gubb, qitiꞌi bi qaabbechinaꞌo maashooch duukketone; bi meenoo oqqitone.

Yibbaatoo 31:18

Taan qajjiichii, bare nuggisheenaꞌoyich goyinnee maddoona boonoshi shuuneti gonde mooyoyich boonoshin ciroona ciinaachemmo taane.

Yibbaatoo 32:15

“Israꞌeeleenaꞌote, ittoshiyoo gaannee michiꞌi Doono Yeeri toommooch tiyiyote; ittoshiyoo aangii nuuriꞌi gaannehote. Aroochee ittoshin halliti Yeerin qajjiyote; ittoshin wodiyechi Xaqqee Inderoon qallayiyote.

Yibbaatoo 32:50

Ne manoo Harooni Hoori guudi toommoochaa qitiꞌi bi asheenaꞌo waan bi xaꞌeyoommon, newoo ebi ne kechaabeeti guudi toommoochaa qitiree ne asheenaꞌo waan xaꞌeyemmo neene.

Yibbaatoo 34:5

Ebina Doono Yeeri gettitoommon, Doono Yeeri guuno Muusi ebi are Moꞌabee showoochaa qitiye.

Yibbaatoo 4:25

“Bushiishoonaa bushaa bushoonon ittoshi shiyihooba, are showoochoo meeti naton ittoshi kotehooba, shahalloon amee shaahoonona shuunoona axaaxoon shuuneyaahote. Ebi ittoshi Nuggishoo Doono Yeeri shunaani mooyo bi tunetoyich, bi kaaremmoyich tuniyemmone.

Yaaꞌoo 19:2

Bi nalloo iberoonaa cadiqoonane; bi shunee mamona showoon eeꞌiiti, aricheti yahechi ure toommooch nallitone; bi maddechinaꞌochi damoyich bi toommooch nichoon kichitone” iye.

Woraaferasheenaꞌo 10:13

Tunebaani ittoshi taan qajjiichii, bare nuggisheenaꞌoyich goyinnee maddehote; ebich ta ebiyee damba ittoshin wodiyaachemmo taane.

Woraaferasheenaꞌo 10:6

Israꞌeeleenaꞌo wochinnoon Doono Yeeri aafooch axaaxoon shuuneheete. Baꞌaaleenaꞌonaa Ashitarooteenaꞌonoyich, wotta Sooriyee showee nuggisheenaꞌoyich, Sidoonee showee nuggisheenaꞌoyich, Moꞌabee showee nuggisheenaꞌoyich, Amoonee showee nuggisheenaꞌonaa Filsixeemee showee nuggisheenaꞌonoyich goyinnee maddeheete. Doono Yeerin qajjiꞌi biich goyinnee maddoon neechiyeete.

Woraaferasheenaꞌo 2:11

Aroochee Israꞌeeleenaꞌo Doono Yeeri aafooch axaaxoon shuuneheete. Baꞌaaleenaꞌoyich goyinneheete.

Woraaferasheenaꞌo 2:12

Gibitsee boonoshin kichiti, boonoshi qaabbechinaꞌochi Nuggishoo Doono Yeerin qajjiyeete. Boonoshi guudoona beeti asheenaꞌo goyinneebeeti nuggisheenaꞌon dabbiyeete; boonoshichoo goyinneheete. Doono Yeeri boonoshin kaaremmoyich tuniiheete.